اخذ مهري

مرحبا صبايا …احب هالكلمه تحسسني اني بنت
المهم لي فتره اقرأ في المنتدى ومن منطلق اعجابي بردودكم الحلوه زيكم
الي تبرد على القلب ,,مو مدح ابدا عشان تعطونها وجه
انا قررت اني اقول لكم مشكلتي
انا من صغري ماعندي احد احكيه عن مشاكلي فتحملوني لوماعرفت اشرح البروبليم تبعي فهذا بسبب انبثاق الحاله النفسيه الصعيبه اللي امر فيها “مااعرف اسوي مقدمه :
يابناااااات انا تيتمت بعمر الست سنين الله يرحمه ابوي فقدته وفقدت كل شئ حلو في حياتي بمجرد وفاته الكل تخلى عنا انا وخواتي الصغار امي الله يسامحها ….ضعيفه جدا ومالهادخل فيني ولالهاعلاقه فيني يعني اول مايسيرلي شئ مصيري مثل دخولي للجامعه اواي شئ مهم بالنسبه لي احتاج فيه احد جنبي اول من يتخلى عني هي امي الله يسامحها انا ماالومها (وعلى العموم انا مااحتاجها الحمد لله انا عندي رب كريم رحيم مايتركني ان شاء الله)ومن وفاة ابوي الله يرحمه وانا عايشه في بيت عمي تقريبا انا عايشه مثل الشغاله (لا الشغاله احسن على الاقل تاخذراتب )عيشتي في بيت عمي قرف في قرف عمي مقتدر راتبه عالي وعنده فيلا ومتزوج طبعا وعنده عيال وزوجته موظفه وكل صيفيه يسافرون برا المملكه (دول الخليج)ومايقعدون في البيت ابد يعني من الدوام الى النادي الى التماشي الى العزايم وهو بنفسه يقول انا مستحيل ارضى ان عيالي يقعدون في البيت قعدة البيت مو صحيه (الله يهنيهم )بس في المقابل حارمني انا خواتي من كل شئ والله ماابالغ لما اقول من كل شئ بالمختصر هو مو شايفنا ادميات غريب هالعم تقولون ماكله حلاله اوذابحه احد من عياله احيانا احسه حاقد على ابوي وينتقم منه فينا بقول لكم على بعض الاشياء اللي سواها فيني واتحملوني اشوي
وانا صغيره في الابتدائي كنت اذا لعبت مع اخواتي الصغار اورحت للبقاله اوجلست اشوف معهم التلفزيون يفتعل معانا مشكله (لاحظوا واحنا صغار)ويعاقبنا بأنه يجلس يطالع التلفزيون او يقرأ كتاب واحنا واقفين على الجدار لمده ساعه ساعتين حسب ماهو يخلص او يزهق وممنوع الكلام او الحركه ومن كثر ماعاقبني سرت انرعب منه رعب مو طبيعي عمري من يوم ماتوفى ابوي الله يرحمه ماعرفت الامان
ولما كنت بالمدرسه كنت اتجمد من البرد ايام الشتا ويسير لون شفايفي ازرق وعمره مامر شتا وشرالي جاكيت او ملابس للشتا وكنت اكره ايام الشتا ايام المدرسه واتفشل كأني فقيره وعلى فكره هو مايشتري لعياله اونفسه اوزوجته الاماركات لدرجة ان مره نادتني اداريه وعطتني جاكيت ماانسى ذاك اليوم غبت عن الوعي ثواني ولمااستوعبت الموضوع رميت الجاكيت في وجهها (وانا خوافه ماتجيني الجرأه اني اسوي كذا)بس من القهر انا مو محتاجه وكرامتي ماتسمح لي اني اخذ صدقات ولو اموت ……
وعلى فكره كل عيال عمي يدرسون بأغلى المدارس ومن هم صغار وهم بمدارس بفلوس….
ولما كنت بثالث ثانوي كان عمي يعرف اني شاطره ومتفوقه وابغى اكون دكتوره زي ماكان ابوي الله يرحمه يقولي وانا صغيره (كان ابوي يقولي لماتكبرين ابغاك تكونين دكتوره عشان تعالجيني )الله يرحمه
المهم عمي عذبني عذاب بالثانوي وغصبني اغيب ايام الاختبار وعدت السنه وكان يتفنن بتطفيشي
ونجحت ومنعني ادخل الكليه وضربني وقهرني وظلمني وماخلى شئ هو وزوجته الاوسواه فيني وماقدرت ادخل الكليه ومن يومها وانا مالي صله بالعالم الخارجي محبوسه في البيت مااعرف الاانظف المطبخ واطبخ واسمع الكلام اللي يغث
جاني خطيب وبصراحه مافرحت (يمكن لاني مااعرف افرح )
مهري 40 الف وعمي جاء بكل وقاحه وثقه كالعاده وقالي بكل برود المهر معاي ومابتشوفين منه ريال
انا مالي غير الله سبحانه اغانني عن كل البشر
بس بسألكم اقدر اتصرف مع هذا العم الحرامي
واذا ممكن تشيرون علي وش الحل معاه
انا تقريبا لااملك الالبستين اوثلاث (وللمعلوميه الاب توب هذا تهريبه من خالتي لي )بعد ماحزنت على حالي وهو والله الشئ الوحيد اللي يسليني الله يخليه لي واكيد عيب اروح لزوجي بلبستين وتفشل بعد شوروا علي كيف اقدر اطلع فلوسي منه وعمي ترا على قد ماهو وسخ ونذل على قد ماهو جبان وخواف ؟؟؟؟؟؟
انتظركم

انتوا فهمتوا علي ؟