اختي و الجوال .. ابغى نصيحتكم ..!!

بنات مشكلتي هي انا احب اختي واخاف عليها واحنا عائله الحمدلله ميسوره الحال

اهلي اعطوني جوال يوم كنت ثالث ثانوي
ولما درست دبلوم حاسب جابوآ لي لابتوب
والحين انا بالجامعه < المشكله مو هنآ

المشكله ان اختي اعطوها اهلي لابتوب وهي ثالث متوسط
والحين طالعه اولى ثانوي ويبون يعطونها (جوال)

((((( طبعا الجوال جاها هديه (بلاك بيري) من وحده من صديقاتي انا .. لانها تعتبر اختي اختها بس لو كنت اعرف بهذي الهديه من قبل ما تعطيها كان قلت لها لا تعطي اختي ووفهمتها السالفه بس المشكله اعطتها وحطتني قدام الامر الواقع))))

المهم امي اخذته منها وقالت ما راح اعطيك الا بعد الثانوي ..
واختي اخذت تلح عليييهم وتلح لين قالت لها امي بالعيد هذا راح اعطيك الجوال
يعني العيد هذا الي راح يعطونها الجوال

يآآناس انا خايفه على اختي صغيره بالسن ولسى عمرها 16
ويكون معاها جوال انا واثقه فيها واثقه في تربيه امي وابوي لنا
لكن الشيطان شاطر انا حذرت امي واخواني اكثر من مره انو لا يعطوها جوال لانها في سن دراسي والجوال يمكن يشغلها عن درستها وهي في مرحله مراهقه (ومرحله خطره وممكن تتاثر بالي حوليها)

ياناس انا كثييييييييير اعرف بنات بالثانوي قبل يوم كنت ادرس
انهم يكلمون وكذا وحب وخرابيط لين وصلت معاهم الى انهم يطلعون مع شباب وعادي عندهم

وكل ما اكلم اختي اقول انتي صغيره وبدري عليك ..!
تقول: ليش يعني وش بسوي ؟ اذا انتي تسوين غلط انا مو مثلك وترى انا غير وهلي مربيني ؟< وانا وربي ما عمري سويت شي غلط لكني متعقد من سالفه ..

السالفه هي ان وحده من قريباتي مره قريبه لقلبي حيييييييل اشكي لها واحكي لها وكل شي نسوي مع بعض يعني خابزتها بيدي واعرف كل شي عنها وهي بعد .. حتى خرجاتنا مع بعض بس اهلها اعطوها جوال بسن صغير يعني بسن ثالث متوسط كذا (انا كنت اكبر منها بسنين كنت بمثابه اخت وصديقه لها )
رغم اني واثقه فيها وكل شي ما تخبيه عني الا انها كشفوها اهلها وهي تكلم وبعدها عرفت السالفه .. وانصدمت منها حييييييييييل (وتعقدت حيل)