اختي وردة الاشراق اسال الله لكي التوفيق يا ريت تفسرين حلمي

السلام عليكم ورحمة الله وبركاته
انا فتاة ابلغ من العمر 24 سنه ممرضه حلتي الماديه جيده ولله الحمد ملتزمه ولله الحمد مطلقه وللمره الثانيه بدون اطفال حلمت وقبل صلاة الفجر كاني ولدت وجبت توام بنات وحده من البنات كانت ذات بشره سوداء والاخرى ذات بشره ورديه كبشرة الاطفال الطبيعيه ومن ثم تنقلب بشرة الطفلة ذات البشره السوداء لتصبح كبشرة اختها ورديه كنت احبهم بالحلم وحسيت باحساس الامومه بس بالحلم كنت محتاره منو ابوهم والكل يسالني منو ابوهم اي واحد من ازواجي الي طلقوني كنت اقنع نفسي بالحلم ان ابوهم ان ابوهم هو زوجي الثاني الي طلقني وصارله سنه من طلاقه لي ,لكن بالحلم يسالوني اهلي شلون وصارلج سنه من طلاقج شلون تحملين وتولدين توام قلت يمكن حيوانات المنويه لسا عايشين برحمي وعقب صار تلقيح وحملت وجبتهم بالحلم اهلي كانو جدا واثقين مني ومن شرفي يعني ما يصدقون ولا شي عني مهما كان شنو يقولون عني ولله الحمد ما يصدقون ,وطلع لي بالحلم اخو زوجي الثاني كانه يكلمني بالحلم بس ما اذكر شنو يقول واخته الي اصغر منه كانت تكلمني بعد وتسولف معي بالحلم (على فكره زوجي الثاني فترة طلاقي منه سنه حاليا وعقب تزوج من وحده سمعتهازي الطين وجاب منها بنت حاليا اما زوجي الاول فقد توفي)
وحلمت ان كان ام زوجي الثاني كانها زايرتنا وكأن يمها صحن متروس ارز وصحن جدامها فاضي بيدها سكين وقاعده تقص خيار وطالعني وانا يمها اقص سلطه