عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم ياامهااااااااااااااات
انا داخله على الله ثم عليكم
والله احترنا انا وخواتي ماندري وش السواااااااااااة
اختي الصغيره عمرها 12 سنه توها بلغت هالسنه صغيره انا عارفه وهي الوحيده بين بنات سنها اللي بلغت مو هينا المشكله
المشكله انها من بلغت وصرت الاقي بالكمبيوتر المكتبي محد يستخدمه الا هي واخوي اللي اكبر منها
صرنا نلاقي صور بنات بالبكيني ومره لقيت مقاطع فيديو شنيعه جنسيه يعني
انا هاوشت خواتي كلهم ومعهم اخوي وتأدبو وللحين مدري مين
ويعد فتره كمان لقينا صور شينه
وبعد فتره لقيت صارت تشتغل ع الاب توب
وسجلت بمنتديات ومن ظمنها للأطفال
اول حاجه خوفتني منها انها سجلت وقالت انو عمرها 23 وتسولف مع الجميع بنات واولاد
وبعد فتره جت معصبه وزعلانه وتسب وتشتهم وتقول طردوني قلنا ليش يطردوك من المنتدى اكيد مسويه شي قالت لا بس تناقشت مع وحده وهاوشوني انا مااقتنعت وبينت لها وهي اصرت على موقفها
وبعدين قلت لأختي راقبيها وشوفي وش تدخل ووش السالفه
طلعت الحبيبه مغازله ولد وتقول احبك ووتبي تتعرف
انجنيناااااا وجلسناه وقلنا لها حرام ومايصير وهاوشناها وبكت وقالت توبه
وقلنا عقابك ماعاد فيه نت
واستمر هالحال فتره بس بما انها اخر العنقود جلست تزن على ابوي وزعلت وبكت وابوي لان وعطاها الباسوورد
والمهم
اليوم لقت اختي الكبيره انو الصغيره اللي هي محور حديثنا داخله اليوتوب ومتصفحه مقاطع جنسيه ونساء يعرضون اجسادهم
وش السااااااااااااالفه وش بها ذي
مدري وش الحل تكلمنا معها مافاد خوفنها مافاد
هددناها بأبوي وامي تعقل وترجع لعادتنا القديمه
طيب احنا متربين زين الحمدالله وابوي يخاف الله وامي كذلك حتى الاغاني مايسمعون
انا عارفه انها بسن حرجه وانها تبي تستكشف وتعرف وش هالعالم
وجسد المرأه والرجل صار يلفتها
بس وش الحل وش الحل
مانقدر نقطع النت نهائي عنها لانها دايم تاخذ حجه انو ليش اخواني يستخدمونه وانا لا وابوي يرضخ لها مع انو مايدري ليه بس مره قلت له انا شفت عليها ملاحظات والا كان ماعقبتها
وش العمل
