اختي قالت الله يحرق قلبك

السلام عليكم
اخواتي مو عارفه وين اولي وين اروح ضايقه فيني الوسيعه بس بخبركم القصه من اولها انا عارفه ان هذا المكان مو المكان المناسب لمشكلتي بس موعارفه وين اكتبها اتمنى ماتدعون على احد الا بالهدايه
في البدايه جيت عند اهلي من شهر لان زوجي عسكري وعنده مرابطه
وبيت اهلي فيه زوجة اخوي واولاده واختي تبي تتطلق من زوجها مع اعيالها بنت وولد
اختي تكره زوجة اخوي وداااااااايم تحلف انها تقهرها وتنكد عيشتها وتكرهها وتقول كلام ماله داعي بوجودها وزتفتعل المشاكل والله والله والله ويشهد علي الله ان زوجة اخوي مااعرف نيتها سليمه او لا بس في وجهي عمرها ماقالت شي ابد حتى لو قالت كلمه قعدت من حالها تفسرها وتبين قصدها عشان محد يفهمها غلط يمكن انها زمان كانت تنقل كلام من البيت بس الحين انا مو شايفه شي وش اسوي اختي ناشبه بحلقي تبيني اكره زوجة اخوي واغيضها ومااسولف معاها طيب الحرمه ماسوت شي قدامي تقول اكيد وراك قاعده تسبك طيب وش اسوي لها مو انا احاسبها انا مااحب المشاكل ولا احب اقابل احد واحاربه اختي ناويه على هالشي ودايم تدعي على زوجة اخوي انه يحرق قلبها ويذيقها ماذاقت من اهل زوجها كان الوضع هذا حاله الين قبل اروح لزوجي باربع ايام
وسوت اختي حركه ضايقتني وقلت لها قدام زوجة اخوي كلي تبن وطارت اختي وجات هزئتني ومابقت كلمه عني وقالت فكه منك احسن متى تروحين لزوجك وطنشتها ولارديت عليها ورحت انام بالغرفه لقيت ولد اختي لعب باغراضي لعب مو صاحي انا انقهرت رحت لها قلات خلاص هذي طريقتك بالانتقام وقامت علي تقول مجنونه تقول اصلا زوجك يحق له ينفك منك ويحطك عندنا شهر وكلمه مني وكلمه منها ضربتني ونتفت شعري والله ان شعري يطيح قدامي وانا بموت قهر ومامديت يدي عليها فكني اخوي من بين يديها وبعدها جاتني قالت الله يحرق قلبك والله اني ابكي طول الليل من كلمتها في اخت تقول لاختها الله يحرق قلبك جاتني تعتذر قلت مااسامحك لو ايش يصير عدد شعري اللي طاح اليوم الثاني راحت تشتكي لابوي وطبعا ابوي ماوقف مع احد هزئنا الثنتين اليوم الثاني جاتني امي تبيني اصالحها قلت لامي كل اللي بقلبي اثاريها كانت تتصنت وجات ثاني وقالت الله يحرق قلبك ويجربك ماجربت انا هنا خلاص كرهتها ماعاد ابي اشوف وجهها ماعاد ابي اسمع منها ولا كلمه والحمدلله رجعت لزوجي وربي عوض علي العذاب اللي شفته عند اهلي بس تصدقون قلبي يعورني على اختي اتمنى تكون مبسوطه والله حتى وانا مع زوجي مبسوطه قلبي يعورني عليها بس قاهرتني ليه تدعي علي ليه تبيني ينحرق قلبي وش سويت لها الحين ارسلت لي ع المسن تدعي علي لاني مطنشتها وارسلت لها لاعاد ترسل تنسى اني اختها وش رايكم والله اني بموت هم والمصيبه امي مو قادره تقول مع مين الحيق وقررت اطنشهم بس من غير مايدري زوجي