اختكم اول مرره تحمل وماتعرف شي.. ساعدوها جزاكم الله الف خير

كيفكم فراشات ؟؟ ان شاء الله بخير

والله اني محتاجه مساعدتكم حيييل
انا اول مره احمل وعمري 18 وماعرف شي عن الحمل وعندي شووي اسئله وياليت تفيدون اختكم

انا قبل 3 او 4ايام كانت موعد دورتي بس مانزلت وسويت تحليل حمل وطلعت حامل والحمد لله

وجاء الساعه 3 الفجر وقام علي الم في اسفل بطني وظهري (و قبل موعد الدوره بيومين كاان يجيني هذا الالم ) ورحت للمستوصف وسويت تحليل دم وتاكدت والحمد لله واعطوني ابره مسكنه وقالت لي لازم تروحين لدكتورة نساء وولاده بس المشكله انا في التخصصي والتخصصي مواعيدهم زي الزفت
ورجعت البيت ونمت وقمت الساعه 9 الصباح الم اسفل بطني وظهري الم قوي وقمت استفرغ وانتم
بكرامه ومن بعدها صار يجيني الم خفيف بس ماستفرغ وانتم بكرامه
وسالت هنا بالمنتدى كيف احسب انا في اسبوع واخر دوره كانت لي الشهر الي راح
اخر دوره في 19 / 12 وخلصت في 24/12
وردت علي وحده من الاخوات جزاها الله الف خير ان لي الحين اربع اسابيع يعني شهر

سؤالي كيف لي حامل اربع اسابيع وانا ماحسيت بالالم الا قبل موعد الدوره هذا الشهر بيومين وبعد موعد الدوره ؟؟

وسؤالي الثاني اذا كان لي شهر متي يبداء عندي الوحام ؟؟

والسؤال الثالث وش رايكم بالتخصصي عند منال خربش ولا عند عزه بس انا مدحووا لي منال ؟؟ والي جربت غير التخصصي تفيدني الله يعافيها

ياليت تجاوبوني والي تدخل الموضوع ترفعه ولو باستغفار

الله يجزاكم الف خير ويسعدكم دنيا واخره