عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم خواتي ….
بنات رجاء لا تشوفون الموضوع طوووووويل …وتتعايزون عنه وما تقرونه او ما تردون علي …انا منتظره تعاونكن معاي ..وان شالله الله يبلغنا كلنا بالذريه الصالحه عاجل غير اجل …صدقوني يا بنات اني ادعيلكم في كل صلاه بالذريه الصالحه وما قط شلتكم من بالي
انا بغيت استفسر عن هالجهاز اللي هو اختبار موعد الاباضه …وإذا في حد جربه واستفاد منه
المهم انا الله يسلمكم …بعد ما تعالجت من هرمون الحليب…ونزل معدله ولله الحمد..وبعد ما كلت حبوب الدفاستون ان شالله يكون اسمها صح هالحبوب …اللي الغرض منها تنظيم الدوره او تثبيت الحمل إذا صار يعني لهن دورين هالحبوب
قالت لي الدكتوره اكلهن لمدة 3 شهور ..في اليوم 21 من الدوره لمدة 5 ايام وحبتين في اليوم ((اقصد حبوب الدفاستون))>>>> بتأكد من الحبوب بعدين
الحين صارلي الشهر الثالث وقالت الدكتوره ان شالله في هالشهر بتحملين… إذا رتبت على الحبوب 3 شهور
وصارت دورتي منتظمه من كلت الحبوب يعني كل 28 يوم تنزل …بس قبله بيومين تنزل افرازات بسيطه ما تنحسب
يعني إذا كان طول الدوره 28 يوم معناته انه موعد الاباضه في اليوم 14 من بداية الدوره ..صح
وقالت عشان اتأكد اجرب اختبار موعد التبويض..اللي اسمه clear blue ovulation test
وقالت اجربه في اليوم 14 واتم معاه لين يبين لي موعد التبويض .. وانا سويت مثل ما قالت لي بالحرف الواحد
بس اتصدقون اني جربت علبتين وكل علبه فيها 5اختبارات يعني 10 ايام من يوم موعد التبويض المتوقع ..بس ما بين معاي شي لين اليوم وما باقي شي عن الدوره اليديده راح تنزل معاي الاسبوع الياي إذا الله كتب لها تنزل
بس ياخواتي اخاف يروح علي هالشهر …وانا بس انتظر موعد التبويض …لان الدكتوره قالت لي يكون الجماع يوم يبين موعد التبويض
معقوله يأخر التبويض هالكثر …؟؟؟؟
علما أني كشفت بعد الدوره الجديمه على طول وقالت لي ان المبيض نشط عندج والبويضات كويسه بس لا تخربينهن ..ولا فهمتني شو تقصد بهالكلام:(
تحياتي
