اخباري و معلومات مهمه جدا

ازيكم يابنات عاملين ايه وحشتوني جدا بقالي مده طويله ماشاركتش بمواضيع جديده بس كنت متابعه من وقت للتاني اخباركم
نا اخباري مش قوي بس اقول الحمد لله انا كنت حامل واستمر( 8اسبيع و5ايام) ونزل لانه النبض اتوقف الحمد لله على كل حال قبل ماينزل نزل عليه دم وقعدت مرتاحه يومين وبعد كده عملت سونار ثلاثي الابعاد وقالي انه النبض متوقف زعلت والحمد لله بس فادني كتير اني عرفت السبب الي خلاه النبض يقف انا عندي رحم ذو قرنين واتضح انه الجنين اتكون في الجزء ده الحاجز وكان ضعيف والدم مش واصل كفايه للبيبي لان المكان ده رقيق جدا المهم لما الدكتوره شافت التقرير قالت خلاص نشيل الحاجز ده بالمنظار الرحمي والحمد لله شلته الشهر الي فات وطبعا قالتلي الراحه ومااعملشي اي حاجه ولاحتى يكون في علاقه عشان مايحصلشي التصاقات على فكره المنظار الرحمي ده طلع مهم جدا بيتعمل ببنج كلي ويدخل عن طريق المهبل وكامن بيفتح اي التصاقات وبسللك الانابيب الدكتوره قالتي انه الحاجز كان بادئ يعمل التصاقات والحمد لله فكوها المهم انا عايزه اقول على بعض الحجات انا عملتها خلتني حملت الحمل الاي ماكملشي ده وهيا
اول حاجه اخدت اسبرين وكمان اخدت لزقه بتتحط على المبيض اسمها (ناتروديرم 5 ) دي بيستخدمها الي عندهم القلب عشان توصل الدم ليه اسرع بتوصل الدم كفايه للمبيض وبعد كده احطها على الرحم عشان توصل الدم كويس للرحم تاني حاجه كنت باخد دواء اسمه (داهيه )عشان يحسن من جوده البويضات بقالي اكتر من 3 اشهر بخده لاني عندي التيويض مش كويس وهرمون الاف اس اتش عالي شويه
الحاجه التالته خدي فوليك اسيد حبتين في اليوم وكمان دواء اسمه اوكتاترون مضاد اكسده ده كامن كويس عشان فيه حجات محتاجاها البويضات
والزوج كمان ياخد حبتين فوليك اسيد عشان التشوه
اما بقى الي كتير محتاجين يعرفوه ازاي عرفت اني حامل قبل التحليل
كتالي
لون البول غامق زي لون الميرندا ماعليش
هتحسي ان قلبك بيدق بسرعه في بعض الاوقات
كمان هتلاقي نفسك جعانه انا وقتها كان العشر ايام من ذو الحجه وكنت صايمه قمت الفجر قبل الاذان واكلت كنت جعانه جدا وكنت لسه مااعرفشي اني حامل
وكل مااكل بعده بشويه اكون جعانع تاني
كمان حاجه مهمه حسيت بوجع تحت باطي جنب الثدي اليمين وكمان صدري كبر والبرا صغر عليه وكنت مستغربه اه ايام يارب ترجع تاني قادر ياكريم
وانا دعيتلكوا ودعيت لكل واحده يكرمها بالحمل القريب العاجل
واي اسئله انا حاضره وتحت امركم اهم حاجه ادوا يارحيم لاتكتبني عقيم كرروها كتير وانشاء الله ربنا يكرمنا جميعا