احييكم من بورتو مارينا

السلام عليكم

اخواتى الفراشات

يارب تكونوا كلكم بخير – وحشتووووووونى كتير

باكتب لكم وباحييكم من بورتو مارينا

اخيرا فيه تواصل بينا – قدرت اوصل لخط النت ومعايا اللاب توب

ح اكتب لكم اخبار فريش من مدينة مارينا كل يوم عن الجو والاحوال والجمال

مدينة بورتو مارينا

مش مارينا اللى نعرفها .. دى مدينة تانية متكاملة فيها كل ماتتخيلووه

بعيده عن القاهرة 230 كيلو فقط ، اخدنا فى الطريق حوالى 3 ساعات

بصراحة نفتخر ان مصرنا العزيزة فيها الجمال ده كله

والله ماتفرق عن اماكن شفتها فى امريكا

انا طبعا اخدن صور كتير قوى و ح اعمل موضوع عنها فى قسم السياحة والسفر

بس دى رسالة سريعة لكم مع صورتين

وكل يوم بتكون فيه سهرة هنا حتى الفجر – انا ح اصور وابعت لكم اول باول لغاية ما ارجع مصر

واقدم لكم الموضوع كامل متكامل ان شاء الله

ح اوصف لكم ع السريع

فيها ملاهى متكاملة وفيها شواطىء خاصة بالسيدات فقط وعدد مهول من اليخوت ومول به احدث

الماركات العالمية وكذلك افخر المطاعم وافخر الكافيهات العالمية – حقيقى شبهتها بالبندقية

فى ايطاليا والصور ح تشوفوها وتحكموا