عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم صبايا ان شاء الله تمام
مثل ما وعدتكم اني راح اكمل تقريري اللي بديته والمره هذي راح تكون عن الزواجات ومدى تاثير برنامج خواطر في الناس اللي من حولنا وخاصه انه الفئه الاكثر والاغلب في الزواجات من الشباب اللي بعمر 12..الى عمر..50 سنه وعلى ما اظن انها الافئه الاكثر فاعليه في المجتمع
انا ياحبايبي رحت زواجين واحد كان في فندق والمصيبه اني كنت اعتقد انهم ارقى تصرفا من القاعات والثاني كان في قاعه وحدث ولا حرج
خلونا ناخذ اول شي نروح لمصايب الزواج اللي بالفندق وكان الزواج خالي من الاطفال تماما …………لاحظوها مضبوط
كان العرس تمام التمام لحد ما جاء العشاء وكان العشاء بوفيه …هنا بدت تسقط اقنعه الاتيكيت والثقافه اني برنسيسه ولازم اتصرف على هذا الشي
اول شي صار انه تزاحمت الناس على الباب اللي يوصل على صاله البوفه كانهم رايحن حرب …..وهذي الخطاء الاول
طبعا الكل يعرف نظام البوفه انه فيه صحون كبيره للطبق الرئيسي وصحون صغيره للحلى طبعا تجمعوا على الصحون كبيره وكانهم وحوش عشان الوحده تشيل اكبر قدر ممكن من الاكل .. والله يعلم وين راح يكون مصيره… ورب البيت كل وحده شايله صحنين من الصحون الكبيره..الا من رحم الله.. وماشيه تحط من الاكل شوي محاشي وشوي رز وشوي مكرونه بالبشاميل وشوي مقبلات وايدام وربي يابنات من غير مبالغه ان الاصناف هذي في طبق كامل وكله اكوام يعني وخذه من كل صنف ملعقتين وانتو تعرفون الملاعق اللي تكون تابعه لكل صينيه من صواني البوفيه ابلع يابطن ولا يهمك لا طعم ولا شكل
تعالو شوفو الحلى ماصار حلى صار قلة حياء واخذه جميع اصناف الحلى اللي يتعدى عددها فوق ال 15 صنف وربي من غير مبالغه وبشكل همجي ولا يطاق وكانها ما عمرها شافت حلى …وعندي سؤال هنا في هذي النقطه كيف راح تميز طعم الحلى اللي اخذت وهي حاطته اكوام فوق بعض؟؟؟؟؟؟؟؟؟؟؟؟؟؟
وهذا الخطاء الثاني
نجي عند تجمع الطاولات والوحده تجيكي عيني عينك تاخذ كرسي من طاولتك من غير استاذان ولا يحزنون وتجيكي تاخذه وهي معطيتك ظهرها عشان ما تقولي لها هذا كرسي لطاولتي معي عائلتي وهذا الخطاء الثالث واللي يرفع ضغطي بالحيل يعني الوحده ما ادري ويش تحس فيه وهي تسوي الحركات هذي …. خلوها على الله
نجي للهمجيه على الطاولات وهنا تبتدي المأساه وربي من طريقه اكلهم انك تكرهين الجيه للزواج من اساسها
تجي الوحده شايله لقمتها لفمها وكان لقمتها ذابحتلها عزيز انا اتوقع ان غالبيه اللي جو لزواج هذاك اليوم كانو في مشاكل نفسيه عاطفيه يابنات وربي انها تاكل اللقمه وكانها تبي تفش غل فيها مافيه احترام للجالسين قدامهم اوحتى للناس اللي تناظر فيه من غير اللي يعرفونهم…وبعدين ويش صار تركو الصحون مليانه بالاكل ويمكن ما اكلو الاصنف اوصنفين منها لانها تحط بكميات كبيره واكيد انها شبعت ….وكمان الحلى اللي تركته بعد ما انسدت نفسها من الدسم وضرب الخمس في الصحن الاول واللي ماراح احد يقدر يستفيد منه بعد ما تركته لا اصحاب الزواج ولا الفندق نفسه….وهذي النقطه لقيت جواب لسؤالي اللي فوق وهو ان الحلى اختبص ببعضه عشان كذا ما راح تاكله ولا راح تحس بطعم الحلى وهذا الخطاء الرابع
طبعا انا بعد المناظر المؤسفه هذي بطلت وربي لا شعوريا اروح المغاسل واشوف الهزله اللي هناك
*********************
اما زواج القاعه فكانت اغلاطه اخف رغم انه كان فيه اطفال.. اول شي رصدته هو كان تمييز الحضور عن بعضهم وهذي النقطه لي عوده طويله لها لاني تعبت منها بالحيل وخلوها على جنب
نجي للحظه اللي وقفت الطقاقه فيها الدق وقالت بصوت اشج حياكم الله على العشاء وكان العشاء مفاطيح مثل اغلب الزواجات
تعالوا شوفو الاطفال … يابنات انهم مشكله لكل زواج والعتب مو على الاطفال العتب على الامهات اللي كل وحده تخلي ولدها يراعى لا حسب ولا رقيب
ياخذ الطفل علبه الغازيات وقام يتطارد هو وزملاه اللي من جماعته او اللي تعرف عليهم بين الصحون واللي يكب المشروب على ظهر فلانه ولا يطيح الولد وينطش بوجه فلانه ولا اللي يمشي وراء فلانه ويكبه على ذيل فستانها واللي واللي واللي ….آآآآآآآآآآآآآآآه وربي يرفعون الضغط واضعف الايمان عند الام تقول اقعد يافلان ودي اتعشاء وكان الحريم المصابات باضرار من طفلاها ما جوا الا لراحتها وتركها هي وولدها يتعشون براحتهم وهذا الخطاء الخامس
نجي للمغاسل وربي يابنات انها مو مغاسل انها درامات زبايل تخيلوا الوحد واكله لحم وتاركه بقايا وسخ يديها في المغسله وكان ما فيه احد بيجي وراها ويغسل وتمري مناديلها بعد ما تمسح يدينها على الارض متجاهله بفعلتها تلك درامات الزبايل اجلكم الله اللي كانت فاضيه بمعنى كلمة فاضيه وهذ الخطا السادس
ولكن الخطاء الادها والامر
ملاحظه (لا يسمح للي نفسها رقيقه قراءة التالي)
اللي تطلع من دورات المياه ومعاها مناديلها وترميه على ذيل فستان وحده من الحريم لانها كانت واقفه عند الدرام وتمشي وكانها ماسوت شي يعني يابنت اللذينا مسحتي نفسك وترمين بقرفك على الناس وربي شي يقهر وهذ الخطاء السابع واعتبره من اشد الخطاء فتك ببرنامج احمد الشقيري
ولي عوده واشوف ردودكم بين مأيد ومعارض وبين اللي يروي لنا حكايات ما قبل النوم من مشاهد الهمجيه والتخلف اللي موجوده بمجتمعنا
وهذا رابط الجزء الاول واتمنى لكم متابعه جيده لكن خلي عندك حبيتين بنادول للتفادي اي اغراض جانبيه مثل الصداع والشقيقه ويمكن اللي قلبها ما يتحمل تجيها نوبه قلبيه بعيد عنكم يارب ………..امزح
http://satfrequencies.com/girls/alfrasha16/thread1076748/
اترككم بود……… يابات
