عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الحمدلله والشكر لك كما ينبغي لجلال وجهك وعظيم سلطانك
اللهم لك الحمد حتى ترضى ولك الحمد اذا رضيت ولك الحمد بعد الرضى
تتذكرون موضوعي هذا
http://satfrequencies.com/girls/alfrasha13/thread1108150/
رحت لموعدي بعد اسبوع مثل ماحددت الدكتوره
اللي هو يوم السبت 12-11 والله عاد انا خوااااافه بس مدري وش البرود اللي جايني
زوجي متلخبط ومرتبك وانا جامده مافي احساس<<شي غريب سبحان الله:)
طلبت مني اشاعه اول وسويت الاشاعه وجلست اخصائية الاشاعه ساعه تحرفش في بطني
يمين ويسار فوق وتحت وشيكت على قلب بيبيتي كذا مره قلبي قرصني
وقف السؤال على لساني عيا يطلع
وعاد تشجعت وسألت وش فيه فيه شي سفهتني الله يهديها وانا اللي تخنقني العبره خفت<<مسويه شجاعه اجل 💡
واطالع فعيون زوجي ويطالعني اطالعه ويطالعني كنو يقول وش السالفه شفيهم ذولا
المهم خلصنا وجلسنا ننتظر عند غرفة تخطيط القلب وانا خايفه لايكون ببنتي شي وهداني زوجي قال مافيه الا العافيه ان شاء الله
روحي تمشي شوي عشان ماتتعبين من الوقفه ومسك شنطتي ياعيني
شوي الا تنادين النيرس وتدخلنا الغرفه وتحط الجهاز على كريشتي وخلته نص ساعه صار فيه طلق بس الغريب ماحسيت بألم جت الدكتوره قالت يالله بسوي كشف
يالله عاد انا بغيت اصيح مابي
لاني جربته في الثامن اللهم ياكافي يوجع والله
خشت الدكتوره علي قالت الرحم مقفل وخلفي ومدري وشو
وقالت الحقوني لغرفتي لحقناها عاد وقالت لي انو المشيمه ماتعدلت والبيبي بس زاد 60 جرام
ولازم بكره نولدك
نزلت راسي وقلت الحمد الله <<كنت متوقعه هالشي بس زوجي المسكين طاااااااارت عيونه فجبهته
خخخخخخخخخ
قالت المشيمه ماتوصل الغذا للبيبي والدم والاكسجين وفيه خطر ع البيبي لو يستنى اخر التاسع
قلت اوكي توكلنا على الله
وواعدتنا نجيها الساعه 12 الليل من يوم الاحد ويعطوني طلق صناعي
رحت لأهلي تسألني امي قلت لا كل شي تمااااااااام<<مابغيت اخوفها ياقلبي
وجلست معهم عااااااااادي سولفت عادي ماحسستهم انو فيه شي ابدا
تعشيت معهم على خفيف ماكنت مشتهيه واروح اخذ لي ملابس صيفيه
لاني مجهزه شنطة الولادة شتوي على اساس اولد باخر الشتى بداية البرد
واخذ مويه قريت فيها اذكار الولاده
وتوكلت على الله ورحنا المستتشفى الساعه 1 بالليل
ضاق صدري المستشفى فاااااااااااااااضي كأني لحالي اللي بولد خفت خخخخخخخخخ
رحنا لغرفة الولاده جهزوني لبسوني وعطتني حقنه شرجيه وانو بكرامه
وزوجي جنبي يافشلتي والله ماتجرأت اقول اي استحيت يالبى قلبي
وهو يشوفني مكشره يقولي لا قويه قويه بطله<<<<يشجعني
شوي على 2.30 عشوني عشا خفيف
ومليت وانا انتظرررررر
وقلت لزوجي يروح ينام بغرفتي فوق وقلت اذا حسيت بألم بدق عليك
وشوي جت الدكتوره المناوبه عطتني تحاميل الطلق
وقعد يمكن ساعتين ماحس الا بشي خفيف
خذيت لي غطه وصحيت على اذان الفجر رحت وصليت وبعديت قعدت اقرا اذكار الولاده واشرب مويه مقري فيها واذكر الله
شوي دخلت الدكتوره شافت الطلق باااااااارد
وزادو لي الطلق عن طريق الوريد
وكل ماله يحمي وانا اتوجع واتوجع وعلى لساني ذكر الله يارب ياكريم يالله
وشوي دخلو علي ثلاث دكتورات يشوفو الوضع
وتخش علي لقت الرحم مفتوح 1 ونص
يمكن على ثمنيه الصباح <<يالله باقي مشوااااااار طويل
وعطوني الاكسجين واحس اني دخت ماعاد اشوف زين والأم ذبحني
وشوي الا يطن طن جهاز التخطيط واشوف الا نبض بنتي نزل للستين وجلست ابكي بشكل هستيري وادعي الله يحفظ بنتي
المشكله بوقتها مامعي احد حتى السستر طلعت تجيب اوراق وادور الزر حق الممرضات مالقيته
شوي وتجي الممرضه الحمدالله وتسكر الصوت وقلتلها وش فيه قالت كلو كويس
وجلس تحوس بأوراقها وشوي وطلعت نادت الدكتوره ويجون يمكن اربع يتجمعون حول الجهاز ويشوفون التخطيط بس ماتجرأت اسأل كنت خايفه يأكدون شكوكي ان بنتي فيهاشي
واطالعهم وابكي <<رحمت نفسي
وتكلم السستر بلأنقلش تقول لو تكرر هالشي ناديني وراحت
وادق على زوجي وينزل طاااااير
وكانت عندي السستر بتركب لي القسطره وخلته ينتظر ورا الستاره وتدخل القسطره ياويل قلبي وانا اللي اشاهق من الصيااااااح تألم بشكل واحس مع الطلق ودفع البيبي تألم اكثر
ويدخل زوجي وانا حالتي يرثى لها و يجلس جنبي وانا كني فعالم ثاني موقادره حتى اتكلم زين
وصلى زوجي له ركعتين و حط يده على راسي وجلس يقرا علي وماتحمل وطلع
وشوي الا يطن الجهاز مره ثانيه وانا اللي انهرت خلاص
وجت تركض الدكتوره ولا شاورتني اصلا تخش علي وتفتح المويه
وانا اللي مت من البكا والله يعور لاتضحكون علي
وليني مدرووووخه من الاكسجين اقول لا لا مابي مابي
اشاهق هــــــــــــــــــــــ هـــــــــ كني بموت يقلبي انا
ولين جنبي دكتوره اردنيه يالبي عيونها تقولي شو مالك شو مالك ماتبكي طالعيني فتحي عيونك
وافتح عيوني قالت اهدي ماتبكي والله هديت شوي
وتنفقش المويــــــــه داااااافيه
وانا خلاص تعبت ماعاد اشووووف
واسألها كم فتح قالت 2 سنتي
واعود اصيييييح كل هلألم والطلق اللي لفط بي وبس 2
قلت خلاص ابي ابرة الظهر مافيني اتحمل
وكل ماجت طلقه جلست اسبح واذكر الله
واه اه متكعبشه فيد السرير اللي ترقي وتنزل <<حزنت على نفسي:P
والله مارتحت حتى بين الطلقه والطلقه مااراتاح الألم متوااااااااصل
المهم جت الدكتوره زاهيه وتشيك ع الوضع وتهديني وتشجعني
تقولي والله انتي قويه ماتوقعتك كذا
قلت لها ابي ابرة الظهر مااتحمل خلالالالاص قالت استني شوي لازم زوجك يجي عشان يدفع ويوقع
وممكن تولدين قيصري
وادق عليه بسرعه تعاااااااال:(
والمسكين مسكته الزحمه بغى ينهبل وادق ثانيه يالله تعال مااقدر اتحمل كلمهم يعطوني ابرة الظهر
قال خلاص جاي جاي
ويضعف نبض بنتي يالله كان وقتها شعور ماينوصف ألم وتعب وريقي ناااااااشف كني من سنه ماشربت ماء والله اني اشرب كني اشرب هوا
والغرفه مليااااااانه دكاتره وجنبي نيرس سعوديه الله يجزاها خير تمسح على راسي وتقول خذي نفس خذي نفس
واقول لزاهيه يادكتوره يالله عمليه ماقدر اتحمل قالت نستنى زوجك
وانتي بتتحملي مافيك مشكله بس بنتك ماتتحمل
قلت خلاص بنتي مابي يجيها شي
وجابت لي الورقه واوقع وانا مااشوف والله مو قاويه امسك القلم
واسال السعوديه جا زوجي قالت لا قلت علموووووه
قالت هاه قلت علمووووه بسوي عمليه وتجيب لي جوالي قالت كلميه قلت مقدر مقدر
كلميه انتي وتكلمه قالت تعال ترا بيسوون لها عمليه
وخذوني للغرفه يالله بيضااااااااا والقروب لابسين ازرق<<قلت يوه بمووووت
ويجون السسترات بينقلوني للسرير الثاني يقولون قومي اعنبوكم انا ماقدر انطق شلون اقوم
يالله يالله حاولي والطلق مو مخليني اقدر اتحرك شوي الا سحبوني<<ذبلت سبدهم
ويجي الدكتور حق التخدير
يالله ياماما اقربي لمي وان مضيعه مااستوعب شي
واهذري بصوت خفيف مقدر مقدر
يقول يالله اقربي وانا مقدر
وفالأخير جرني كني خروف ياقلبي انا <<انرحم
جرني من وراي وبدا بالتخدير
قالي اثني نفسك ورجولك وراسك<زي الجنين
طبعا ماقدرت اهو والسستر حركوني
والدكتوره زاهيه تقول معليش استنوا عليها شوي خلو الطلقه تروح<<ياحليلها
وخدرني الدكتور تخدير نصفي حسيت زي الهرب اسفل ظهري ورجليني
وماعاد حسيت بشي 😥
وشقو بطني وطلعو بنوتي
واسمعاها تبكي
وانا اقول الحمدلله الحمدلله
بنتي طيبه يادكتوره بنتي طيبه جت وباست راسي وقالت ايوه بنتك طيبه
وجلست ابكيواحمد ربي
قالت لي الدكتوره كنتي شجاعه وقويه توقعتك دلوعه صرتي ماما يااعذوبه
الف مبروك
وخلصت قصة ولادتي
بس يانوه حسيت بألم لايوصف بعد ماراح البنج والبرد حسيت اني بالقطب الشمالي خخخخخخخخ
والا بعد الولاده عذبوني بلأبر عاد انا اكرها حيل بس عجز المحلول لايمشي بوريدي والله خفسو يديني خخخخخخخ
الحمدالله ياربي بس الحمدلله اني سلمت انا وبنوتي
وبكذا جبت احلى كادي يوم الاحد 13-11-1430
1-11-2009
بمستشفى سليمان الحبيب
عند الدكتوره زاهيه الله يجزاها كل خير
ا
