عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يافراشات
مالي بالمقدمات بخش بالموضوع على طول
صراحه يابنات انا احس هالايام بيأس مو طبيعي اول ماكنت كذا مدري ايش الي جاني
يمكن لاني مليت كل الي حولي تغيرت ظروفهم للاحسن الا انا وربي احس بحسره بقلبي
ودي اتفائل بس ماني قادره اشوف كل شي شين مع اني كنت اعلم الناس يتفائلون ويحبون الحياة صرت انا الي ايأس
هالشي مضايقني مررره بس غصب عني
لدرجة اني شلت فكرة الزواج من بالي يعني مافي امل احس انه شي بعيد اعرف مايصير اقول هالكلام
بس والله غصب عني
زواج وحده من قريباتي قريب ومفكره اني مااروح مو غيره ولا حسد لا والله البنت هذي احبها واتمنالها كل خير
بس بشوف ناس كثير من زمان ماشفتهم وبيجلسون يسألوني وانا مالي خلق احد ابد ابد
احساس صعب انك تكوني بمحلك والي حولك كلهم شافوا حياتهم وتزوجوا وتوظفوا وجابوا عيال
وانتي جالسه محلك
الله لايوريه لكم
غير المشاكل الي بالبيت والهم 
والحاله الماديه الصعببببه حتى الاب توب الي كنت مسليه نفسي فيه خررب ولا اقدر اجيب غيره والحين داخله من جهاز اخوي
اعرف فيه غيري كثير بس احس اني ماراح اتحمل
مدري هل هي عقوبه ولا دعوه ولا ابتلاء
اطلب من الله انه يصبرني
واطلب منكم الدعوات الطيبه
سامحوني اذا طولت عليكم بس مالي بعد الله غيركم
