احسني الظن بالله .. يعطيكِ ما تريدينـ !


مرررحبا حبيبااتي
وربي إني اول مرة أدخل هالقسم، كنت داخلة بس أشوف وش فيه من مواضيع
وانصدددددددمت من المواضيع والبنات اللي للحين ما تزوجوا ويبون الزواج
بجد مأســــاااااة

لكن تظنون المأســـاة تطول لو أحسنتِ الظن بالله ؟؟

يا بنات أنا عمري 21 سنة الحين .. من لما كنت صغيييرة كان عمري 13 سنة وكانوا يتقدمون لي بس أمي ما تزوجني على أني صغيرة ليمن كبرت شوي وصاروا يتقدمون لي نااس ما كنت أبيهم
ما كاان فيهم شي أبـــد .. غير إنــي أبي اتزوج احد من العااايلة !

أنا وحييدة امي وابوي وما عندهم غيري .. أنااا مابي أروح لواحد ماعرف عنه شي وما يحافظ علي
أمي وابوي بعد نفس الشي .. خايفيين يعطوني أي احد ما يعرفووونه

رفضــــت 6 أشخـــاص تقدموا لي والسبب ؟؟ إني خايفه من أي شخـــص

آخر واحد إجانـي دكتووور كان يدرس طب وتقدم لي وأخته تقول لي : اخوي ما عنده مانع يعطيك شقة
لوحدك بس يبي منك تقدييير لظروف شغله ..

كنت ما أبيـــه، بس أمي أصـــرت علي إنهم يسألووون عن الولد يمكن يكون صالح وبلاها نرفض كل مرة واحنا ساكتيييين
انا وابوي كنا معاندين

تخيلوا يا بنات .. لما وصل الخبر لـ ( ولد عمتي ) إن في واحد متقدم لي .. بنفس اليوووم كلم امه : يمه تكفييين تكلمين بيت خااالي تقولين لهم ينتظرون علي بس شهريين أجيب المهر وأتقدم لها بس لا ترووووح لأحــد غــيري !!!

عمتي كلمتنا بنفس اليوم وما كنت متوقعــة .. ولد عمتي حاطني بباله من قبل 7 سنوات ؟؟
وأنا كنت أنتظر احد من أهل أبوي يتقدم يخطبني ماحد جا تقدم ؟؟

ويوم إني أيــســت من إنه راح يتقدم لي أحد من اهلي .. طلع فيه واحد ينتظرني من 7 سنوات ؟؟

والحمد لله تمت الملكة من 8 شهوور وحيتنا مثل العــســل ..

اللي أبي اوووووصله لكم يا بنااات

جسووو النبض
شوفوا يمكن في احد من أهلكم يبي يتزوج بس غافلين عن موضوع الزواج حالياً
شوفوا يمكن في أحد ما جيتوا بباله وبعدين لما توروهم نفسكم تطرون على بالهم بإنكم تصلحون للزواج
( مع إني ما كان هالشي في بالي .. بس ولد عمتي شافني قبل 7 سنوات وحطني في باله وأنا ما كنت أعرف بأي شي عن هالموضوع )

واحسنووووووو الظن بالله يا بنات ثم احسنووو الظن بالله

اتيقني إن الله ما راح يخلييك محتارة ولا راح يخليك وحييدة

اتأكدي بإن ربك أرحم عليك حتى من امك وابوك وعدم زواجك للحين ماهو إلا مصلحة لك وإنك بإذنه تعالى
راح تتزوجين عما قريـــب ..

ولأنك تحبين ربك .. ربك ما راح يخليك وراح يجيك النصـيــب

اتأكدي من كل هذا
لا تشككين بالموضوع ..

خليك على ثــقــة

” عبدي اطعني تكن مثلي، أقول للشيء كن فيكون، وتقول للشيء كن فيكون “

اطيعي ربك حبيبتي .. واتأكــدي إنه ما راح يخليك
واتأكدي إنك راح تتزوجين عما قريب . . ربك ما راح يخيبك إن شاء الله

أدري إني طولت كلاام وذكرت قصتي بس عشان أبين لكم إن احيانا تكونين في بال أحد بدون ما تدريني أو بمجرد زيارة لـناس من اقاربك .. ممكن تكون سبب في زواجك وانتي ما تدرين !!

وعذرا على الإطالة
وربي يوفقكم كلكم يا رب ويزوجكم كلكم يا رب


عن M7A.1999

شاهد أيضاً

يارب فرج هم كل من تدخل موضوعي ( هموم تتكاف من كل صوب )

السلام عليكم .. هذا اول موضوع احطه في هالقسم .. بس تاكدو اني على طول …