عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يا أخواتي احذركم والله ومن كل قلبي من عبدالكريم عبدالرحمن حسن سلامه
اولا يابنات الي تبي توحد لون جسمها
المفروض تروح عن اخصائية جلدية وتصرف لها علاج من الصيدليه دواء مصرح من وزارة الصحه
مو ناخذ حبوب ونخاطر بحياتنا عشان بياض
ولا اخفيكم سرا ان بعد بحثي المكثف بعد ماطلبت الحبوب وهذي غلطه المفروض اني بحثت اكثر قبل اطلب لاكن ما اقول الا قدر الله وماشاء فعل وغلطتي اني ما استخرت قبل اطلب
فما اخفيكم سرا ان اكثر الكلام الي تقول صرت بيضاء واجزمم والله اعلم ان 99% مندوبات ويبون يصرفون الي عندهم او غرتهم وسخ الدنيا وههمم جمع الاموال بدون مراعاة ظمير ولا انسانية بحق المسلمين والمسلمات وفهمت ان العلبه الوحده فيها ربح اكثر من 500ريال!!!
وما نقول الا حسبنا الله ونعم الوكيل والله يجعل فلوسهم حسرة عليهم
ووجدت نشر عجيب جدا بان الحبوب آمنه ومافيه مضره وغيره من الكلام الفاضي والدكتور جابر القحطاني استنكر من كمية اكل الحبوب وحذر من ذلك وقال قد اعذر من انذر
والمشكله حاطين كلام الدكتور جابر القحطاني وسيله وترويج لبضاعتهم
وهذه صورتها الي شريتها :
وهذه قصتي للي ناويه تطلب تقراها قبل تقع في الفخ كما وقعت ووقع الكثير :
اول شي نويت اشتريها وكنت اتصل بين كل فتره وفتره اشوف اذا سعرها نزل اتصلت اول مره وسالت عن الحبوب بكم سعرها قال ب3000 وبعد فتره اتصلت وقال ب2900
وفرحت قلت الحمدلله بدا ينزل سعرها وبعدها اتصلت قال 2700
قلت خلاص الشكوى لله عندي فلوس ذهبي بتكفي و بعته والله عشانها 2500 و200 بتسلف من اي احد
المهم اتصلت مره ثانيه قلت ماتجي ب2500 قال كان فيه عرض 2500 يمكن مالحقتي عليه !
قلت طيب ما تقدر ترخص لي قال خلاص موب مشكله حولي 2500 !
في هذه اللحظه حسيت انه نصاب ولعاب لكن من غبائي والحبه الي ماطحنت في راسي قلت بشتريها يعني بشتريها
واروح واحول له وقبل احول له اتصل علي قال يا اختي الحبوب وصلت الان ووبنوزعها
قلت طيب متى توصل لي اذا حولت قال 24 ساعه رجاءا ركزو على 24 ساعه
قلت خلاص احجزلي 3 قلوتاثيوم مدري وشي و3 في تامين سي قال خلاص ان شاءالله ابشري
المهم حولت له المبلغ اتصل اتصل مقفل الجوال !!!
تعبت وانا اتصل يمكن يومين ثم القاه مشغول !
و مرات مايرد !!!!!!!!!!!
صراحه بديت اخاااااف يوم رد قلت لو سمحت حولت لك المبلغ قال باسم مين
قلت بسام كذا قال لحظه اشوف قال ايه خلاص وصل ان شاءالله نوصلها لك قلت ابغاها اليوم
قال اليوم الخميس مافيه دوام قلت طيب السبت وانا انتفظ من الخوف ومن السبت وانا ادق عليه مايرد والله كأني اطر او اشحذ منه !!
وبعد 20 مكالمه رد قلت متى يوصل الطلب قال ان شاءالله اول مايوصل الطلب برسلهمع السواق !
قلت كيف موب انت حاجزه من قبل !
قام يتفلسف ومن القهر والله حلفت اني ابلغ عنه وارسله رساله فيما معناها(اذا ماوصل طلبي والله لابلغ عنكم الجهات المسؤوله)
بعد ساعتين دق وقال يا اختي وصلت الطلبيه في المطار الحين قلت المهم توصلي قال ان شاءالله
واتصل ولايرد في الاخير خلاص انتهيت وارسله فيما معنى ارساله اني ببلغ عنهم والله بعد خمس ساعات تقريبا
اتصل قال انا في الطريق وين بيتكم وصفت له والله كان نفسي مكلمه الشرطه يقبضون عليه !!
المهم بعد هذا العناااء واسبوعين من المعاناة الاقي الكيس فيها ثلاث حبات بدون في تامين سي
وادق عليه واساله قال ايوه خذي من الصيدليه في تامين سي الفوار!!!!!!!!!!!!!
انا تعبانه نفسيا منه قلت طيب وسكرت السماعه ومن ذكاءه جاي في لموزين عشان محد يبلغ عن لوحة سيارته !!
والحبوب عندي بلشة فيها 2500 بعت اغلى شي عندي واحلى ذهب
واخرتها حبوب ما ادري وش سواة معها
وكل يوم اقول بحللها لكن ماعندي احد يوديهاومستحيل اطلع لحالي ولا ابي اهلي يعرفون شيء
حسبي الله ونعم الوكيل عليهم
والله يوم قريت سؤ معاملته مع الزبائن وسرقته للكثير منهم انهارت قواي
حتى اهلي يقولون لي انتي اليوم موب طبيعيه فيك شي قلت تعبانه شوي
وتحسفت اني ما استخرت قبل احول المبلغ
استعجلت وصدقت الكلام المعسول عنها ووالله انهم اكثرهم ان ماكانو كلهم مندوبات همهم الفلوس
حسبي الله ونعم الوكيل عليهم كيف يخاطرون ويبيعون شيء موب مصرح من وزارة الصحة
ياليت تحذرون من هذا المندوب وحتى الحبوب واذا فيه وحده بس صادقه وتقول انها مفيده ومتأكده% انها مالها آثار جانبيه تشتريها مني لو2000
احس اني تورطت فيها ولا ابي اضر اي احد
والله اني قرأت ان وحده تبيعهاوباعتها على بنت عمها وجاها ورم سرطاني
ووحده تحلف انها ماتغيرت وكل من شافها قال وشفيك شكلك هزلانه وتعبانه
وابشركم انا الآن مكثفة الشكاوي عنه
عن طريق الجهات المسؤلة والله هذا ضروري يوقف عند حده باي حق جاي يلعب فينا لعب والمشكله والاعظم الي حولو له فلوسهم ولا ارسلهم شي !!!
هذي فيها قطع يد!
وسجن على مخالفة لبيع ادويه غير مصرحة
المهم الحين اي وحده اشتكت منه او منقهره وتبي تبلغ عنه تبلغ
ضروري نكثف الجهود على القبض عليه والتحقيق معه
وشكرا لحسن استماعكم والله ينصرنا عليهم.
منقوووووووووووووووووووووووووووووووووول للفائدة
