عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات انا عمري 18 اكلني الهم اكل مالي الا الله ثم انتم والله والله الذي لا اله الا هو متاكده ان فرج ربي قريب وان الله مايظلم احد
وان ربي يبي ييسر لي ابي اي وحده تحط يدها بيدي وترشدني
احس الدنيا مالها لاطعم ولا لون مكتوووومه جدا ومتضايقه احس بحياتي ماقد شكيت لاحد ولا قد فضفضت لاحد
احس اني ولا شئ احس اني ماني زي البنات احس اني مااستاهل شئ احس ان الموت ارحم لي من هالهم
الموضوع ومافيه اني اول مره جتني الدوره وعن جهل دخلت اصبعي مادري كم مره يوم دريت عن البكاره تبت والله اني امووووووت باليوم الف مره ومره
احس بالم بقلبي احس بتعب بضيم وقهر احس اني مااستاهل اتزوج ولا اجيب عيال ولا انبسط ولا اطلع ولا شئ
بنات اكلمكم وانا ابكي والله
انا تايبه لربي وابي رحمة ربي ومغفرته ادعووووولي ربي يغفر لي ولا ياخذ امانته
وانا الحين قاعده اندب حظي احس اني اسوا الناس كرهت نفسي مررررررررررره
احس اني مااستاهل ولا شئ حرام علي اهلي ناس طيبين ماقصروا معي ابد
انا الي كنت ارشد البنات للطريق السليم انصحهم عن الاغاني وعن الغيبه والحسد
كنت مثالهم الاعلي بالاخلاق والادب والتعامل وانا احس بقلبي اني ولاشئ
كل صديقاتي يتمنون يصيرون نفسي وانا اقول بقلبي لو يدرون عني الي فيني ماقالوا هالكلام
بنات اكلمكم وانا ابكي فيني ضيقه وكتمه احس جبل على صدري من يبي يتزوجني يحسبوني الناس طاهره وعفيفه وانا لا
مابي اتزوج لاني مابي اظلم احد معي
تدرون وش القهر بعد اني احب ولد خالي مرره وحلمت حلم ويوم فسرته طلع زواج حسيييييييت اني بمووت حرام اظلم الولد معي انا مااستاهل كثيييير يتمنونه
بنات ماقدر اروح لمستشفى افحص وش اسوي قولي لي والله اني ادعي ربي بكل صلاه وكل ماقريت قران وكل مانزل مطر وبين الاذان والاقامه من لي اربع سنين وانا ادعي ربي وانا متاكده فرج ربي قريب ادعووووووولي تكفون لاتنسوني
تكفووون واسوني ساعدوني الله يفرج لكم ويوفقكم ويسعدكم وين مارحتوا
مادري وش اسوي اكذب على اهلي اقول بروح للسوق بعدين اروح للمستشفى بس ماقدر اخاف خواتي يجون معي
لازم يكون السوق جنب المستشفى واخاف تقولي الدكتوره ماني بكر ساعتها بنهار
تكفوووون وس اسوي تعبت وانا اكتم اكتم
ادري كلامي ملخبط مرره بس وش اسوي اكتب وانا دموعي على خدي
