عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
مساء الورد لكل الفراشات
احترت وش اسووي هذي بنتي وهذا زوجي
والله احترت وربي اكتب ودموعي على خدي
ابي حل بس وشلون
مابي اطول عليكم
مشكلتي اني كنت ارمله وعندي بنت الله يحفضهاعمرها 7 سنوات
وتوني متزوجه مالي 7 شهور
تزوجت برجل اكبر مني بحوالي 20 سنه وكله علشان بنتي
لان ضروفي عند اهلي صعبه مرة
المشكله ان زوجي متضايق من بنتي
يقول ما احس اني متزوج
ابي ارتاح الحالنا من غير ازعاج
ابي البس ونطلع الحالنا ونسهر الحالنا
طيب انا وش اسوي اذا عندي بنت
وبنتي عنيدة شوي وشقيه الله يصلحها
بس بعد هي طفله ويتيمه مالها احد غيري بعد الله
وين اوديها
وين تروح
والله احترت
المشكله هو عندة بنات واربع وعشرين ساعه يكلمهم
ويطلع معاهم ويمشيهم
واذا قلتله نطلع سوى قال بنتك ما ارتاح معاها
واذا قلتله نسهر سوى قال بنتك مزعجة
واخرتها امس
طالع مبسوط من البيت
ويوم رجع مسويتله احسن عشا وجالسه اسولف واضحك على نياتي
وعند النوم مدري وش فيه
انفجر علي انتي جاهله انتي ماتعرفين تربين
بنتك مو متربيه ماتسمع الكلام
مزعجة
مانقدر نجلس الحالنا
طيب وين اوديها اقفل عليها الباب لين ينام
وصعبه احطها عند اهلي
لان ضروفهم صعبهوامي كبيرة بالسن وكلن لاهي في حياتهم
والله مانمت من امس ودمعتي على خدي
بس ما اقول الا حسبي الله ونعم الوكيل
ولا تحرمونا من حلولكم ودعواتكم
