@احتراق الشمــــــــــــــــــــوع&..

قفيت عن غايتـك مبـدأ وقلبـي قنـوع
اللوم والهرج عن مبداي ماابغى اسمعـه
صوتك معي محتويني واحتوته السمـوع
يزيد جرحـي نـدم ويزيـد فيـه وجعـه
ايه اعترفلك هويتك بس ماأهوى الخضوع
ولغير ربي حرام الراس كيـف اخضعـه
يا قـو قلـبٍ تولعبـك وباقـي جـزوع
يحن لك بالخفـا وتـرج منـك اضلعـه
مانتي بعيده محلك وسط حـدب الضلـوع
تبقين رمز الغلا والحـب معـك ارفعـه
ياغايتي تفهمين الناس مـن كـل نـوع
انتي بكيفك معـك مفتـاح بـاب السعـه
روحي على فالك وهلـي بقايـا الدمـوع
وليا احترق خافقك شبـي بقلبـي معـه
ابليس ويا الهوى والنفس يـوم الربـوع
وانتي عذابـي وجيتينـي بشـر اربعـه
تقفين عني كـذا وليـا طرالـك رجـوع
تلقين كلمه هـلا مـن قلـب دون اقنعـه
مليت أجامل علـى جـرحٍ بدمـه يفـوع
واشوفك اداوه لو ماشفـت لـك منفعـه
مليت اسوق المشاعر واحتراق الشمـوع
في عتمة الهجـر واللوعـات والمعمعـه
تنزاح كل الظواهر بـس تبقـى الطبـوع
عهد نقضتيه ماهو فـرض ليـش اتبعـه
يعني انتهينا صراحـة ماتفيـد الفـزوع
لو كل مخلـوق يشفـع فيـك مااشفعـه