احتاج عملية تجميل للانف لكن خايفه

مشكلتي ب انفي اللي معقدني ومكرهني بشكلي كامل
الانف هو اكثر شي يلفت بالوجه واذا خرب الانف خلاص تعتبرين بشعه حتى لو كانت ملامحك حلوه 🙁 🙁
للاسف تعرضت وانا صغيره لضربه بانفي ماكنت ادري شسالفه وتجبر على نفس الكسر
ويوم بديت اكبر بدا يوضح الكسر ويوم كشفت بارامكو
طلعت التقارير انه صدق الانف مكسور ومتجبر ع الكسر

ف اظطريت اسوي عملية تجميل وللاسف وقع اختياري على ( بشار البزره )
رحت وليتني مارحت وسويت العمليه عندها وكانت فاشله لعب بخشمي لعب
اول شي نحفلي الخشم وخلاه عود اسنان دقيق من فوق ماهو طبيعي
لعب الارنبه خلاها مضغوطه من فوق كاني ماسكتها باصبعيين
كان خشمي محدب من فوق حكه لي من فوق بس ماحكه خلاه مستقيم لا حكلي نص وخلا نص
واخر نص الانف لاف يمين بشكل واااضح

مدري شقول بس بجد خشمي يبكييييييي

بعدها رحت لحواري يوم كشف علي رفض يسويلي شي
قال مابي اغامر بهذا الخشم وحالتك جدا صعبه ارجعي لدكتورك
طلعت
تازمت نفسيتي كثيير
كنت متآمله بحواري وماعاد عرفت شسوي

رجعت للبزره على كلام حواري
قالي بدخلك عمليه ثانيه وخربط على راسي
ورحت ثاني يوم للمستشفى
ودخلت سويت تحاليل قبل العمليه
بس كان قلبي ينقبض اكثر واكثر قمت اصيح وقلت ماعادني مسويه شي
طلعت من المستشفى وتركتهم

رحت الحين لجمال جمعه
قالي نفس الكلام حالتك جدا صعبه وخوفني اكثر
حسسسني اني طحت بمصيبه كبيره
والله بغيت ابكي عنده
قام يقول انتي مصيبه كبيره
العمليه بتاخذ مني 4 ساعات ، وشرحلي شنو بيسوي وكيت وكيت
طلبت منه يصورني ويوريني شكلي بعد العمليه
رفض وقالي انا ماظمن شكلتس كيف بيطلع ومابيتس ترسمين احلام على الشكل وتنصدمين
قام يقولي انتي خشمك مو طبيعي ومادري كيف عايشه وراضيه فيه للحين
جد جد جد جد استغربت من هالدكتور
بدال مايطمن المرضى عيششني بقلق كبيير وكرهت نفسي اكثر من قبل
تعامله كان غريب بصراحه ويخوف
حسسني كان مستحيل احد يسويلي عمليه الا هو
ودي اروح لاكثر من دكتور اشوف كلامهم

الحين ياعضوات ويافراشات
ابي مساعدتكم
شرايكم بشغل ( جمال جمعه )
ودلوني على دكاتره جربتوا تعاملهم وشغلهم
بالرياض ، الشرقيه
وتكفون اتقوا اللي فيني لاحد يذكري اسم مو مجرب
انا تعبت نفسيا وماعادني قادره اغامر اكثر

ورجاءً اللي بتسجل او بترد رد عشان بس تربح الجهه اللي جايه منها
حسبي الله عليها ونعم الوكيل اتقوا الله فينا

ابي كلام صدق صدق صدق