عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا امرئة مطلقة ولدي طفلان اعمارهم اقل من ست سنوات عمري حوالي 29 سنه من المنطقة الغربية المهم تعرفت عن طريق النت على رجل اكبر مني ب25 سنة تقريبا وهوا انسان متعلم تعليم عالي عضو هيئة تدريس بالجامعة مثقف ومتعلم وتعارفنا بقصد الزواج وهوا من الرياض وحبيته واتعلقت فيه وهوا نفس الشي المهم كلم الوالد وجاني البيت وخطبني رسمي المشكلة انا مااقدر اعيش بدونه واحبه واعشقة واستخرت الله كثير فيه لكن الوالد رافض رفض تااااااااااااااااااااااااام
طبعا الوالد طلع فيه السبعة وذمتها في الاول شاورني وانا وافقت قالي طيب اولادك ايش وضعهم قلتله اشرط على العريس وجودهم معايا قالي انا ماااشرط على احد واتصل ورد العريس قاله هية ماتبغى تتزوج هية تبغى تربي اولادها قالة ولد الناس انا اربيهم واولادها هم اولادي الوالد رافض يزوجني مو مقتنع اني اتزوج يقولي ربي اولادك احسن يعنى حتى مااسئل عنه ولا فكر يسأل على طول حط الرفض امامه انا بصراحة مو عارفه ايش اسوي
كلام الوالد يعنى حرم عليا الزواج عشان اولادي فكرت ارسل اولادي لابوهم بس ماابغاهم يتهجولون الوالد راسه يابس وانا نفسيتي زفت اتكلم على العريس كلام زي الزفت شككني في اختياري مع اني واثقة في العريس ثقتي في نفسي الرجال قالي يابنت الناس انا من يدك هذة ليدك هذة اللي انتي تبغية انا تحت امرك والله الرجال ماقصر وانا في حيرة من امري حتى اخواني صافين مع الوالد كلهم رافضين لكن اخواني وجهة نضرهم انه كبير بالنسبة ليه
الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟ افيدوني والله نوم ماصرت انام اصلي وادعي يارب تسهل الامر
