عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اول مشاركه واحب اعرض فيها مشكله انسانه قريبه منى وطلبت منها الاذن انى اعرضها في الموقع عشان نساعدها لانها تمر بحاله نفسيه سيئة واى استفسار في احداث القصه انا موجوده
هى تحب واحد وهو يحبها يمكن اكثر بكثير من حبها له ومايقصر عليها في الاهتمام والحب والهدايا وهو خاطبها بس لسه مافى عقد قران وتكلمه على طوال بالساعات ويثق فيها ويحس انها ملاكه بس هو فيه صفات شوى صعبه بعضها تعودت عليها وبعضها ماشى الوضع معها بس دايم تقول انها ماتحس معه بالامان على ما يقول ويعمل عشانها رغم انه اللى يسويه شي طبيعى او اقل من الطيعى بين اى حبيب وحبيبته
ومن عيوبه انه يتضايق لو اتصلت عشان تفضفض وبسرعه ينهى الموضوع يبغها على طول مبسوط او لا تكلم
متطلب في نظره للمراه انها لازم تكون شي خارق لاتمرض لاتتعب لا تشتكى لا تمتن يمكن مو بالمبالغه هذى بس تحسه كذا من خلال كلامه
يكره الغيره عليه ويقول اكثر شيئ اكره الغيره
الخلاصه انها تحبه بس ما تشعر معه بالامان وتحس انه كمان هوممكن يخون في اى لحظه من خلال كلامه ومن خلال الماضى اللى قلها عنه ومن خالال حبه الشديد للنساء ويصف نفسه انه نسوانجى وهو متطلب وفيه صفات صعبه مزاجى ومايحاسب اوقات على كلامه وردود افعاله مثلا يحب يهددها بالانفصال لما يزعل فيه شويه انانيه يعنى تركيبه مو سهله والايشفعله عندهاانه يحبه وتحبه
بس هما خاطبين عن قصه حب بس دايم تقول ما احسه معاه بالامان
المشكله انها بدات تخونه تعرفت على واحد بمحض الصدفه انجذب لها وانجذبت له ودخلت في علاقه معاه من فتره وتقابله وتكلمه وبينهم حميمه نوعا ما وهى ماتدرى ليش تخونه وكيف تسوى تقول احس انى احب الاثنين بس طبعا الاول اكثر بمليون مره بس الثانى اعطانى نوع من الاشباع العاطفي وتقول انا اخونه لانى متاكده انه يخون لما ينزل الاسواق اكيد يطالع ويرمى كلام اكيد لو جاته فرصه بيخون وتقول اخونه لانى ابغى اعرف احساسي اتجاه هو حب ولا لانى ابغى اتزوج مثل البنات وتقول انها تخونه لانه بعيد عنها
على العموم علاقتها بالرجل الثانى مجرد علاقه عابره تقول ابغى املئ حياتى وتقول مدرى ليش احس انه حبيبي وخطبيبى مو مالى حياتى بس هى تعبانه لانها تخون ولانها مو قادرة تحدد موقفها من الاول هي تبيه والا لا
على العموم لاتبخلون بالمشاركات والاستفسارات والتعاون لانها ياحرام تعبانه
