اجاني احلى فيصل (قصة ولادتي)

مرحبا صبايا كيف الجميع وشو الاخبار الي لسا بيتوحموا الله يصبرهم ويقوم الحوامل كلهم على خير وما بيتغلبوا ان شاءالله
انا انقطعت عن المنتدى لفتره لانه وللحمدلله الله اكرمني واعطاني قرة عيني فوفو
طبعا الي تقريبا 3 شهور والده كانت ولادتي ب 15 رمضان بس انقطعت عنكم لانه تقريبا مشغل كل وقتي واذا افضيت شوي بيجي دور جوزي وعلى هالحال>>>>نفسي اناااااااااااااام
المهم ما الكم بطول السيره انا بشتغل وفي يوم 15 رمضان الساعه7 الصبح قمت من النوم ولبست وكنت ناويه اطلع على شغلي
بس حسيت في افرازات ابتنزل مني ولانه الدنيا كانت كتير شوب ما اجت ببالي انه المي الي حولين الجنين>>>>يعني من الشوب مش عارفين عرق ولا غيره
المهم حكيت اصبري يا بنت شوي وغيرت وقعدت شوي طبعا رجع نزل علي مي اكتشفت بعدين انها مية الي حولين البيبي
المهم اتصلت بدكتورتي وحكتلها الي صار حكتلي تعالي على العياده وهلا انا باجي بفتحلك اياها طبعا الساعه 8 اي دكتوره ابتفتح رحت وفحصتني وحتلي عندك توسع اصبع ونص ومية الراس نازله لازم تروحي على المستشفى
ورحت على المستشفى وكتبولي دخول عشان المي بس وحكو لو المي ما نزلت كان ما كتبنا دخول وحنالك ارجعي بعدين
طبعا دخلت المستشفى 8.3 الصبح وطلعت من غرفة الولاده 10 المسا يعني اكتر من 12 ساعه طلق والحمدلله اجاني احلى فيصل بالدنيا ➡