عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركآته ..
والله يآبنـآت انـآ ماني عآرفه شلون ابدأ بس بقولكم الموضوع على طول انا مشكلتي هي (اخوي) الله يشفيه ويبعده عن الطريق اللي هو فيه، اخوي يابنـآت مدمن حبوب واحنـآ والله كنـآ شاكين فيه من قبل لين قآلي اخوي اللي اصغر منه انه صار ياكل باليوم 10 حبآت وشافه بعيونه ونصحه وقام يقوله مابقى الا ورعآن ينصحوني ، واخوي مسكين ماهو عآرف وش يسوي لأنه اخوي اللي ياكل حبوب موظف عسسكري واحنـآ بهم مايعلم فيه الا الله محنـآ عآرفين وش نسوي ابوي رجآل كبير وعنده القلب وخآيفه يدري ،وقلنا بنبلغ المكافحه يجون وبس خفنـآ ننفضح ويفصلونه من دوامه والله ابوي لو يدري يصير فيه شي واحنـآ خآيفين عليه وخايفين على اخوي لأنه صار مرا مايقعد عندنا ومايسمع كلام اهلي وعلى طول هو مفلس مضيع فلوسه بهالحبوب وابوي دايم يهاوشه لأن اخوي راعي بنات ويغازل ليته قعدت ع المغآزل بس اللي دمر نفسيتنآ انه فوق المغازل حبوب ومحنآ عارفين وش نسوي اخوي الصغير مهموووم وخايف انه يموت من كثر مايبلع بهالحبوب لأنه صاير ياكلهآ بشكل جنوني مع العلم انه عمره 30 سنه دايم ننصحه ومافي فايده خلاص مايصلي ولايصوم ولايخآف حتى !وش نسوي قولولي يآبنـآت اذا احد عنده معرفه بهالمواضيع تكفون يآبنـآت ساعدونـآ ..
الله يفرج همكم .. نبي حل بحيث انه ابوي مايدري ولا ينفصل من دوامه تعرفون يابنـآت اهم شي الستر واهم شي السمعه..
الله يسترنـآ جميعـآ في الدنيـآ والآخره.. انا والله مو معور قلبي الا ابوي وامي كبار بالسن وهو مو بحآس بهالشي ابد ولامفكر فيهم تكفون يآبنـآت نخيتكم..
قولولي وش نسوي ..
الله يحرم وجه كل وحده ترد علي لو بدعوه من النـآر ..
