اتمنى تفيدوني..

اخباركم ياحلوات

يالغوالي حبيت اسألكم كم سؤال ؟؟

بالرغم من ان هذا الحمل لي ثالث حمل اسأل الله ان يتمم لي ولكم على خير الا اني اجهل اشياااااااااااء كثيره

المهم

انا حامل بالشهر الثاني وذابحني الغثيان واي شيء اشم ريحته خلاص حتى الاكل ما صرت اكل افطر على رطب ولبن واتسحر على فطيرة كاكو
واذا جاب لي زوجي سحور من برا اول كم لقمه عادي وبعدين خلاااااااااااااااااص مستحيل اتقبل هالوجبه ..

احس اني تعبلت وفوق كذا في اسبوعين نقصت كيلو ونصف
اخذت حبوب للغثيان والقيء نفعت معي في حملي الاول والثاني لكن الحين اخذتها وبدون فائده تذكر
فكيف اتصرف مع هالحال؟؟ تعرفون شيء يخفف الغثيان والوحم وكم راح يستمر اخاف يطول ؟؟

ثاني شيء

وش الحبوب اللي اخذها اعطاني الصيدلي حبوب كالسيوم وحبوب فيها حديد وفيتامينات وحبوب حمض الفوليك << ومن كم يوم اذا اخذتها يجيني استفراغ احس روحي بتطلع حتى وقوف ما اقدر واجلس ارتجف نص ساعه عشان كذا تركتها وانا محتاره تتعبني وخايفه تركها يأثر على حملي لاني ما اكل وتركت الحبوب كيف راح يتغذى الجنين ؟؟

ثالث شيء

في ولادتي الاولى والثانيه خيطتني الدكتور بس كم وحده تقولي الولاده الثالثه المستشفيات الحكوميه ما يخيطون فحابه اتأكد من صحة المعلومه؟؟

وبعضهم يقولو مو لازم الخياطه بس انا مو مستوعبه احسها ضروريه ؟؟ فياليت تفهموني الخياطه ضروريه او لا ؟؟

واعذروني اذا طولت عليكم بس ولادتي الاولى والثانيه كان همي الاكبر نجاحي في الجامعه والحمد لله كانت الامور تمام بس الحين فاضيه والحمل لاعب فيني وهم الولاده ومابعدها شاغل تفكيري ..