اتطللللللق ولا لااااا

بليييييز تساندووووني وتعطوني رايكم انا احترتتتتتت احترت بين قلبي وعقلي ,, بليز اقروو للاخير

انا متزوجه وعندي بنت عمرها 8 شهور .. المهم انا احب زوجي كثييييير وهو يحبني بسسسسس مشكلته عصبي واذا عصب مايعرف اذا انا زوجته ولا عدوته .. وبسرعه يتسرع في ردة الافعال ..
المهم طلقني مره وكان ضاربني فيها ورحت بيت اهلي ورجعت وانا حامل بعد ضربني وطلقني وبعد فتره رجعنا وطبعا انا البلي ارجع اما انو اقول لاخواني يكلمونه او غيره .. المهم ومره ثالثه بعد ماولدت .. وكانت احد المرات مطلق وكان معصب مررره وماكان بوعيه يعني غصب عنه على حد قوله ..

ورجعت له على اساس الطلقه الثالثه مو محسوبه لاني بحثت بالنت وسمعت انو اختلف فيه العلماء وفي حديث ( لاطلاق في اغلاق) ..

تعبت نفسيااا رجعت له وانا في هواجيس ياربي هو جد مانحسبت طلقه والا كيييف . ياربي علاقتنا هذي حرام الحين
.. ومع هذا اسوي له اللي يبي بس هو بسسرررعه يزعل .. ويبيني اراضيه واذا زعلت انا قلبها عليه وزعل هوو ويالله تعالي راضيني ..

المهم صارت عندنا حفله وقلت له بروحها وقال اوك يصير خير .. لين جا يوم الحفله وقلت له خلاص بروح وقال لي لا وقلت لييش انا من يومين اقول لك وانت تقول يصير خييير وشكلك راضي .. المهم مارضا وانا كنت ابي ارووح ومتحمسه المهم اني زعلت بيني وبين نفسي .. بس غصب يبين عليك يالبنت ورحت احط له الغدا وقال لي ايييه الحين زعليييي وعفسيييني عشان انا اعفسسسسك .. وهذي الكلمات زادت من زعلي وخلاص وزعلت .. وهو مااايحب اني ازعلللل مو يعني مايحب يجي يراضيني او حبا .. لا بس كذا ليش تكتمين قدام وجهي .. واروح اصلي وطوووولت بالغرفه وبنتي كان يلعبها وهي بالمشايه .. المهم اشوي واسمع صوت المشايه طايحه من فوق الدرج لييي تحت وافز واطييير لبنتي اللي طاااحت والحمد لله ماصار لها شييي .. المهم انه شالها وصار يفر فيها مو عارف وش يسوي وكانها بتموت من البكى .. وجيت له وقلت له بصرخه ليش مانتبهت لها .. ويضربنيويقول زعلانه لي وجالسه بالغرفه مانتبهتي لبنتك ويطييييح فيني ضرب سبب لي رضض برجلي وفوق عيني انتفخت وتالمني للحين مع راسي . واتصل علي ابوي تعالة خذ بنتك .. المهم اني رحت . وانا خلاااااااااااااص ماااابيه مابييه كلا ضرب ضرب .. غير مايمر يوم بالاسبوع مايزعل ويقط كلام وامشي وانا لو ازعل زعله بسيييطه ضربني .. والله لو تركتني اشوي بجي لحالي ..

واللي قبلها ضربني مسك شعري وضرب راسي بالثلاجه عدة مرات ورجعت له عشان بنتي .. ومحتاره هالمره ارجع له ولا له .. مع العلم انو اتصل فيني وقام يهذر انتي ماربوك اهلك وراح اطلقك ماتهتمين في بنتك .. ماتاكلينها ماتسوين لها .. وكم مره تطيييح .. غير انه وسواس في امر التنظيف يعني مايبي يشوف الشقه معفوسه .. واتعب نفسيا بينه وبين بنتي والشقه والجامعه ..

المهم قلت له انت المسؤوول عن طيحة بنتك مو انا انا كنت اصلي وانت المفروض تنتبه .. وقال لاتقولييين اني انا المسؤوول وبنبره عصبيه حاده ويهدد لايصير شي .. ورددتها الا انتتتت المسؤووول . وقال روحي يابنت …. انتي طالق .. وسكر ..

كان حددده معصصصصب وحسب ماقلالو لي اهله انو يوم سكر منك صار يضرب بنفسسسه ويصرخ وسووااا لين شي ماينتسوااا وبعدها طاح مغمى عليييه ..

محتااااره هل هذا حبا فيني لانه حط في باله انو هذي اخر طلقه وماراح ارجع ابداااا ومافي مجال للرجعه ولا خلاص انفذ بجلدي منه ومن ضربه قبل لاجيب اعيال اكثررر ..

اكيد بتقولون خلاص كيف تسالين وهذي الاخييييره ..
اهله قالو انو جاته شبه الحاله الهستيريا وفي هذي الحاله ماتحتسب طلقه ..

والله ضايعه ومحتااره .. وقلنا بنسال الشيخ .. الحين وش رايكم ارجع له ولا له .. مع العلم اني احبه موووت ومو متخيله حياتي بدونه .. بس كل ماتذكر اللي يسويه فيني اقول لا ماراح ارجع له وبضغط على قلبي