عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
فراشات عندي مشكله متعبتني والله
أنا مع ابوي فرفشه وضحك وعادي مافي امبينا حواجز او اني استحي منه لا عاادي حتى لو امي او اخوي يبونه في موضوع انا اكلمه
بس مره طلبت منو اروح مكان وقالي لا ” لاتفكرون اني مدلعه بالعكس عاي”
انا عصبت وقمت ارمي كلام يعني ليه ووش فيها ووش بيصير يعني
وقلت خلاص مو لازم اروح
وقمت وانا معصبه جاني وقال وش تبغين عشى لأني كنت طالبه عشى وميييييته جوع قبل
بس من قهري قلت مابغى شيء
ومرت الأيام وكان يشتغل يعني قليل اشوفه وعادي ماتكلمت ماكنت ادري انه مايكلمني
طااااااالت المده وحسيت انه زعلان
يتحاشاني كل مره ولا يطلع فيني تجيني الغبنه والصيحه ليش يعاملني كدا
تخيلو البارحه قاعده بالمجلس
جا اخوي الصغير قالي ابوي يقولك يبغى المجلس ..>> يعني بما معناه اطلعي برى !!
وربييي مجررروحه من تصرفاته ابكي بس خلاص اقول ليه ابكي وش سويت انا
بس والله مو متعوده على هالتعامل ابدا
يعني لما ازعل هو يجي يراضيني بس ماني مدلعه يعني عادي
بنات انا تعبت يمكن صار له 3 اسابيع على هالحال
وانا على علاقتي الكويسه مع ابوي مقدر ادلع عليه ماعرف هالحركات
وخصوصا انه يتحاشاني حتى بالنظر فكيف اكلمه !!
وانا احين متخرجه ومانقبلت بالجامعه وانتظر البعثات
فقلت بروح ادرس لغه برى مع بنات وامي كلمته من فتره ووافق واحين رفض !!
ونفسيتي زفت من كل شيء ماتحمل قعده البيت وانتظر شيء مو اكيد !!
واحين ادا كلمته بيقول عشان مصلحتها وانها تبي تروح
وانا والله مشتاقه اتكلم معاه مهما كان ابووي وماتحمل هالتصرف منه يجي من كل انسان الا هو وامي
شعور قاسي والله..
اتمنى تقولو لي وش اسوي
ولا تقولو لي روحي وسلمي عليه وقولي له شحالك لأني ماعرف
اعرف امزح اتكلم انكت اتناقش بس كلااام اب وبنته معرف خخخخخ << بتقولون متناقضه بس هدا الواقع فعلا
ياريت تفيدوني وماكون طولت عليكم
