عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
انا قبل كدا حطيت مشكلتي بفس العنوان المهم هي اللي قري الموضوع واعطوني حلول اقولهم مشكورين
بس المشكلة اتطورت
واللي ماقرا المشكلة والله اني خجلانة اقولها هي بيني وللاسف الشديد بيني واختي اللي ماعندي غيرها
المهم اختي اصغر مني 3 سنين عمرها 20 وانا 23 بقولكم المشكلة بتوضيح كبير وبتفاصيل وانتوا احكموا للنهاية
المهم المشكلة بدا قبل شهرين تقريبا كان يوم خميس والله كان يوم حلو وانتهاء بماساة بعد ماطلبت مني الجال كم مرة وكان مافي شحن قلت لها خذي ياشيخة مافي شاحن وهي قالت لبنت خالتي انه الاخوات مافيهم خير يمكن اكون غلطانة بس انا يوم الاحد كنت راجعة بيتي ونسي اقولكم انا مزوجة وعندي بنت وهي مرة تحبها المهم ارسلتها رسالة وقلت لها مع سلامة المهم ماردت المهم بعد كم يوم ارسلتها رسالة وقلت لها ماني مفتكرة بس اللي افتكره بالاختصار انه مايسير كدا ونحن اخوات لو انتي زعلتي مني قولي بس هي ع طول بكيت واللي كان مايدراء دري طنشت المهم قلت معليش قلت خلني اسوي كانه ماصار شي رحت السوق الخميس اللي بعدوه السوق وقلت لها ع البي بي اذا تبغي شي اجيبلك معايا قامت مافي كلام ماخلته وقالته والله مرة انقهرت انه كلمتها وفي الليل ارسلتي رسالة توجع القلب والله اني بكيت من القهر المهم ثاني كان جمعة كلمتها ع البي بي وقلت لها اني سويت محل لعب لتالين قالت تستاهل قلت لها عجبتك طنشت المهم ارسلتها رسالة قلت لها انا اعرف اليوم راح ترجعي من الكلية تعبانة وبكرا الساعة خمسة اذا كنت فاضية راح اكلمك واذا موافقة انك تسمعني ارسلي بس اوكي طنشتني انتظرت لثاني يو الساعة ستة ماردت عليا انا كمان مسحت رقم البي بي من القهر وحفظته عندي المرة الثانية مادري بس فكرت ارسلها كل يوم السلام عليكم ورحمة الله وبركاته طبعا طنشت وبعدين كان في ملكة وحدة من قريتنا في نفس المنطقة اللي ساكنة فيها ارسلت لها رساله قبل لا اشوفها قلت لها يامفترية شهر وانتي كنتي ماتعتدي يوم ماتكلمني ومن جد اذا انا غلطانة فانا اسفه وع العموم اول ماشوفك راح اعطيكي بوسة ثاني يوم كان يوم الملكة اتصلت ع التليفون والله ماتدروا قد ايش انبسطت وارسلت لها رسالة قلت انا مرة انبسطت انك دقيتي وانا اكثر يوم سعيدة فيه رحت وشوفتها اول ماشفتها كانت ماتبغني اشوفها قلت طيب المهم مسكتها اول ماسكتها ـــــــــــ اعطتني ظهرها ماخليتها بوستها وقلت لها خلاص مايسير وانا اسفة سكت وبعدت عني والله من القهر بكيت والله انا نزلت كان عندي اختبار في الجامعة جاءت مدت يدها بس احس اللي بيني وبينها انتهاء بس قلت اعوذب بالله من الشيطان ورجعت اكلمها عادي بس هي ماتبغا المهم كل اللي في البيت حسوا ومااحد اتكلم ولا قال شي حتى ابوية وبنات خالتي عرفوا انا وهي مانتكلم والله انها فشلة وحاولت ادري الموضوع بس هي عندها عادي
بقولكم شي نحن لمن كانه صغار دائما هي المفضلة وهي الذكية وهي لشاطرة وانا العكس في كل شي يعني كانه يفرقوا بيينا
وثاني شي هي دائما تتطول لسانها عليا قدام اللي يسوا ولي مايسوا وماتحترمني مع اني حذرها دائما لاتعاملني كدا ودائما اصلا مافي يحبك قدام البنات انقهر منها لمن عملتها زي اسلوبها زعلت
المهم ابغاكم تحكموا وتعطوني حل لاني استخدمت كل الحلول
