عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام عليكم ورحمه الله وبركاااااته
كيفكم فراااشاتي وحبايبي
اتمنى تكونو بالف صحه وعااافيه
المهم ندخل في الموضوع
بصراحه ماني عارفه هل الموضوع مكانه كويس او مكانه مو هنا
بس توكلت على الله وراح اكتب موضوعي
ابغى جواب شاافي لموضوعي
وهل عليه حكم او اي شي اسويه ام لا
طبعا انا تنومت 3 اشهر بالمستشفى العسكري بجده
الي ابغى اسئاله هوه
هل صلاتي وصيام كانت مقبوله
طبعا اكتشفت اكتشاااف بصراحه مدري هل صحيح ام لا
طبعا الصلاه لمن يأذن تكون مسجله بالحرم المكي اتوماتيك
يعني اول ما يدخل الاذان بمكه على طول تقااام بالمستشفى
يعني ماشيين على اذان مكه مو باذان جده
وما اكتشفت الا يوم 24 من رمضان
نبدء بالمشكله
انا اول ما يقول الله واكبر على طول اتؤضا وبس اخلص الاوضوء يكون الاذان خلص و على طول اصلي
بتسالوني ليه على طول تصلي
لانه الولد يكون وقتها نايم وابغى اصلي قبل يصحى ويشتت صلاتي وهوه بس يبكي يبغاني جنبه ويمسك ايدي
واحيااانا اكون تعبانه مرره بس يخلص الاذان على طول اصلي وانام
ثانيا والي هوه الاهم والي شااغل تفكيري كله
صيااامي
هل كمان مقبوله بحكم انه ياذن باذان مكه مو بجده
وكل من سالت قالو مو معقوله ياذن باذان مكه على كذا راح ياااخذو اثم ناااس كثيرين
قلت الصلاه ماشيين على مكه واتوماتيك
اكيد حتى صلاه المغرب على اذان مكه
وانا من ساعه ما يقول الله واكبر افطر
مدري هل الي صاااير وانه اذن الي بالمستشفى في رمضان ماشي مع اذان مكه ولا غلط
لانه كل الصلوات مع مكه مو بجده انا قلت اكيد حتى المغرب مع مكه
استفسااااري
هل عليه شي اني انا صليت 3 اشهر باذان مكه مو جده
وهل صيااامي اعيده من جديد لاني افطر باذان بمكه مو جده
وانا والله والله واقسم بالله ماني عارفه ولا عندي خلفيه انه باذان مكه
ولا اكتشفت هذا الشي الا يوم 24 رمضان
والله الموضوع مسوي قلق غير طبيعي
اخاف اموت ويكون عليه صيام او شي ثاااني
وكمان صلالالاتي
الله يخليكم افيدوووني جزااااكم الله كل خير
واي استفسار انا جااااااااهزه
اسئالو وانا بالخدمه
