ابشركم ولدت والحمد لله ^_^

مراااااااااااااااااااااااااااحب ياكروشات^_^
كيف حالكم ان شاء الله بخير
بعد مارتحت بعد الولاده جايه اقولكم كيف ولدت
كان يوم الاربعاء في الليل بدا طلق خفيف على حدود الساعه 8 بالليل وكنت اظن انه مثل الايام الي راحت طلق كاذب المهم استمر معي وكان زوجي مو عندي كان عند ربعه بالاستراحه دقيت عليه وقلت له اني تعبانه المهم استمر معي الي الساعه 6 الصباح وهو خفيف بعدها بدا يشد على عرفت ان السالفه جد
المهم قعدت اتصبر واصبر عمري حتى الساعه 7 دقيت على زوجي وقلت له تعال وكان بين بيتنا وبين الاستراحه ساعه الا ربع وجاء على حدود الساعه 8ونص المهم طلعت للمستشفى الساعه 9 وزياده
رحت لمستشفى السعودي البريطاتي ودخلت وكشفو على وكان الرحم مفتوح 6 سم وكانت الدكتوره المناوبه د.ايمان سألتني مين تبي يولدك قلت اي شي ذاك الوقت مالني فاضيه الي يجي اهم شي اولد
طلعوني غرفه الولاده وصراحه كانو مره متعاونين وكانت معاملتهم عسل صراحه منكلام بعض الناس الي اسمعه انهم تجاريين خفت بس الحمد لله ربي هون على وولدت بدون طلق صناعي ولا غيره
جبت بنوته وسميتها الجوري 🙁 الله يخليها واخواتها لي ياارب
الله يسهل عليكم ويرزقكم الذريه الصالحه يارب