ابشركم ولدت الحمدلله وجاتني احلى جوان وهذي قصه ولادتي

مرحباااااا بنات
ابشركم فكيت بقشتي 😆 🙂 😆 hy:
يوم الجمعه تاريخ 30-5-1431 ,, 14-5-2010
طبيعي بطلق صناعي
بدايه القصه
الدكتوره ولدتني بدري عشان حجم بنتي صغير والراس مره نازل تحت
يوم الخميس الساعه 10 ونص الصباح قمت من النوم اتروشت واستشور شعري
واجهز اغراضي واغراض النونو واستنى ابو الشباب يخلص من الجامعه عشان اروح المستشفى
وافتح النت واكلم بنات عمي ولا كاني وحده رايحه تولد 😆 hy:
ويجي ابو الشباب الساعه 2 ونص ونمشي ع المستشفى
ويدخلوني على طول غرفه الولاده ويحطولي الجهاز حق نبض النونو
والساعه 4 العصر جو ركبولي قصطره وحطولي طلق صناعي
وانا اشفط في الكمامه وابكي واتألم
وحزنت عليا الدكتوره وقالت لي خلاص وقت الولاده بديك ابره الظهر
ونمت اللين الساعه 8 ويبدا عندي الالم بس الم يستحمل زي الم الدوره
وتجي الممرضه وتحط لي كماده فيها مويه حاره كل ساعتين
طبعا اهلي دا الوقت في الطياره وكل شويا استنى الساعه 11 تجي عشان اشوفهم
جو بالسلامه الحمدلله وقلبنا المستشفى بكى انا وماما وبابا واخويا
<~ سنه بعيده عنهم
ولما جات الساعه 7 الصباح جاني الدكتور اللي يضرب لي ابره الظهر
ويقولي لاتتحركي وسوي كدا وخليكي زي حرف c
وانا بموت رعب ويضرب لي ابره الظهر واتحرككدا عيون الدكتور صارت
وهوا يصرخ دونت موف دونت موف
والحمدلله عدت على خير وخلوني اللين الساعه 12 وجات الدكتوره وقالت يلا ولاده
وتبدا عندي افلام الرعب والبكى
وماما جمبي وزوجي جمبي يهدوني
اللي يضحك في الموضوع انو ماما مسويه ستاره بالبطانيه عشان زوجي مايشوف شي
ومدخلتنا نحنا الثلاثه تحت البطانيه
والحمدلله ماحسيت بشي وقت الطلق بس تقلي بوش وانا وادف
وخرجت بنوتتي ياقلبي عليها وجلست ابكي وماما تبكي وزوجي يبكي
<~ عيله بكايه 😈 😀

والحمدلله ربي سهل عليا الولاده وماحسيت بأي الم
طبعا بعد الله ثم ابره الظهر
انصح كل الكروشات انهم ياخدوها وربي تجنن وماتحسي بشي
بس بنوتتي لسا في المستشفى ❗ 😥
لان وزنها مو 2 ونص وهنا الحكومه ماطلعها من المستشفى الا ووزنها 2 ونص
وبنتي وزنها بس 2
ادعو ان وزنها يزيد عشان تكون عندي ونرجع السعوديه قريب