ابشركم جتني احلى بنوته

السلام عليكم
كيفكم ياكروشات وكيفكم يالي تخلصتوا من كروشاتكم
انا اليوم حبيت اقولكم عن قصة ولادتي
في يوم السبت الموافق 16/10 رحت للدوام وانا احس بالم خفيف جدا وكملت دوامي وانا احس بالام مرة يجي ومرة يروح المهم طلعت من المدرسة وعلى البيت ونمت ولما صحيت العصرحسيت بالام لسى ماراح رحت وتجهزت ورحت لبيت اهلي ولما جت الساعة 8في الليل زاد الالم وماقدرت اتحمل اتصلت بزوجي ورحت للمستوصف وقالت الدكتورة بعد ماكشفت علي ان الرحم انفتح 6سم وطلبت مني اروح للمستشفى بس انا عاندت ورحت للبيت وكان زوجي خايف علي وكان يقول نفسه استعجل واوح للمستشفى لانه خايف علي وانا من الخوف رافضه مدري ليه يمكن لاني رحمت ولدي عمرة 3سنوات ونص وجلست على هالحال مع الالم حد الساعه 12في الليل ورحت للمستشفى وهناك خلاص جت ساعة الصفر ما قدرت من الالم وانفتح الرحم 7سم وكانوا بيعطوني طلق صناعي لما عرفوا ان ولادتي السابقة قيصرية صارت مشكله وان لازم اوقع على مسؤليتي اني بولد طبيعي وانه خطر مع انه ماكان فيه اي مشكلة واتصلت على زوجي وعلمته بسالفه وقال وقعي لان الامور تمام والرحم منفتح 7ونص وقعت المهم صار نبض الجنين ضعيف وقالوا يمكن لانك ما اكلتي جوعان الجنين وركبوا لي المغذي وتحسن النبض ورجع ضعف قالوا الاكسجين وركبوا الاكسجين وكل هاذا وانا ميته خوف وجالسه ادعي واصيح وكان الطبيب يستشيرونه بالتلفون لانه انتهاء دوامه وهو في البيت وقالت الممرضة لازم يجي ويعرق ليه ولادتك الاولى قيضرية وجلست انتظر ونبض الجنين ضعيف لين جاء الساعة2 ونص الفجر ولما دخل علي اول شي قاله بولدك عملية وجلست اترجاه مابي عمليه قال نبض الجنين ضعيف ويمكن تفقدينة وجلست اصيح واتصلت بزوجي وقلت كلم الدكتور ماابي اولد عمليه ولما كلمه قال لا لازم عمليه والا الجنين راح يروح ولما رجع لي الجوال وكلمت زوجي وسمعته يبكي خلاص حسيت اني بعد العملية ماراح ارجع لدنيا وطلب مني اهداء واتوكل على الله وادخل العمليات وسكرتها منه واستسلمت وطلبت يدخلوني العمليات بسرعة بس كنت ادعي ربي اني اشوف بنتي ويرجعني حق زوجي وولدي واهلي والحمدلله الساعه 3ونص ولدت والساعة 6 الصبح صحيت من البنج وكنت خايفة مدري وش صار علي ولما سألت الممرضة قلت ولدت قالت ايه واسألها بنتي فيها شي قالت لا ماتأكدت الالما جاء الدكتور واكرر نفس الاسأله ويجاوبني بي ايوه(لانه مصري)والحمد لله على كل حال ربي حمى بنتي وعسى ربي يحفظها من كل مكروه هي واخوها طبعا سميتها حنين مدري وش رايكم في الاسم؟
واسفه طولت عليكم00