عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كل عاااااااااام والجميع بالف خير
حبيت اسالكم ليه الاخوان يتغيروا على اهاليهم بعد مايتزوجوا من ناحيه المعامله يعني عشانه تزوج وحده تشاركه فراشه>>سامحوني على الجراءه
اخواني مدلعين حريمهم والواحد ورى كلمه زوجته ماله شخصيه والمشكله كل واحد فيهم قبل مايتزوج يقول وربي لامشيها ع الصراط المستقيم والي اسمعه شي والي اشووفه شي ثاني
المهم الواحد فيهم مودي زوجته تتمشى ولا مسفرها المكان الفلاني ومدلعها ماشاء الله انا مااتمنى لهم الا كل خير بس المشكله اخواني يجوووون عندنا ويستقون علينا روحي اطبخي لنا وسوي لنا كذا
وزوجته جالسه لاشغله ولامشغله ولا موديها عند اقاربها وجالس يتامر علينا وانا ورب البيت حالي بشاني لااطلع ولااجي بالبيت بس ليه يعاملونا مثل الخدم وزوجاتهم مريحينهم ومدلعينهم وعلى كذا شايفينا ولاشي
وغاثيني بسيره الزواج ماتركوني بحالي
واحد منهم الله يسامحه كلمني عن صديقه تقدم لي انا رفضت طبعا مو من قبيلتي وعاداتنا تختلف حييل
المهم هو قال لاختي ان صديقه كان متزوج باكستانيه وعنده ولد ومطلقها وماخبرني ابد تخيلوا واختي برضوا جابت لي واحد مطلق وانا رفضت
محسسيني اني فوق 30 مع اني تو 23 سنه واخوي قايل لامي خليها توافق ترى محد بيجيها وبتعجز وهي ماتزوجت
واخواني الثانين غاثيني بذا الموضوع وربي جابوا لي العقده كل ماجلست فتحوا السيره حتى اليوم العيد ماتركوني بحالي >>متى تنخطبين وتفكونا نشبتي لنا
المشكله ياناس انا ماهمني الزواج للدرجه ذي اشدخلهم فيني عايشه ببيت ابوي مو غاثه احد صرت اانطوائيه واكره اجلس معهم
مدري في اهل مثل اهلي ولالا
يمكن شطحت بموضوعي شوووي بس من الضيقه والكابه الي فيني الاخوان سند لاخواتهم لكن انا غيرررررررر…….
