ااه ياحظي المنحووس

اتمنى انكم كلكم بخير

والله يابنات ضايقه فيني الدنيا بقوووه وماعاد ادري لمين اطلع اللي بخاطري..قلت مالي الا انتوا افضفض لكم شوي من اللي كاتمته بقلبي..

انا عمري 24 سنه وبصراحه من يومي صغيره مهمله نفسي وامي بعد كان لها دور في اهمالي.. رغم انها متعلمه وفاهمه كل شي بس ماكلفت نفسها تعلمني… يعني الإهتمامات العاديه للفتاه .. مثل المحافظه على البشره وتفتيحها.. اختيار اللبس المناسب.. المحافظه على الوزن وزي كذا..
انا كنت جاهله ومراهقه كنت اقول لنفسي اصلا دام امي ماقالت لي اهتم يعني اكيد مافيني شي.. ما انتبهت لنفسي الا يوم صار عمري 20 سنه.. وربي يابنات كرهت نفسي
الجسم مترهل بكل مكان والكرشه قدامي بسبب القولون ووزني فوق 95 والبشره اثار السمار بكل مكان.. اباط سودا.. رغم اني سمرا جايه كل هالمناطق سودا سودا…والصدر مرره مترهل..و التجاعيد بدت تظهر بوجهي
الشيب بدا يغزو راسي…. انا وربي اناظر نفسي اكره نفسي..
واللي يكرهني في نفسي اكثر انه بسبب اهمالي هذا مافيه احد خطبني نهائيا.. زميلاتي كلهم تزوجوا واللي ماتزوجت انخطبت واللي ما انخطبت جوها عرسان ورفضتهم… وانا ولا احد طق بابي.. يعني باختصار مافيه احد يرغب فيني.. ماينلامون.. مين يبي يتزوج وحده بهالمنظر… وربي كارهه نفسي بقووه.. وكل ماحاولت اعدل نفسي الاقيني احتاج مستشفى.. وللأسف اهلي محد حولي ومحد يهتم.. بس وقت المعايره ياطول لسانهم…يوم اقول لأمي ابي اروح لنادي واسوي فحص لجسمي وابدا افتح بشرتي واشدها واهتم بنفسي تقول مافيه مناسبه عشان تهتمين.. بس اذا جاو ناس وشافت بناتهم جات تقول شوفي اجسام بناتهم كيف الوحده رشاقه ودلع وانوثه… واللي يقهرني اكثر انها قدامي تقول لاتفكرين بالعرس شوفيهم ملكات جمال ومنطقين بالبيت تبين انتي تعرسين؟؟ واخوي دايم يدقني بالكلام واذا صار بيننا نقاش يقول احمدي ربك اذا فيه احد فكر ياخذك اصلا منهو الغبي اللي ياخذ وحده مثل وجهك.. وربي اني احس بالموت من وضعي واهلي يموتوني مره ثانيه…
ماصرت اروح زواجات احد نهائي.. يوم اروح واجي اكره نفسي اكثر واقعد ابكي لأني اشوف البنات كل وحده احلى من الثانيه وانا ولاشي جمبهم…
وربي يابنات ما اكذب عليكم كل من شافني يعطيني عمر 30 سنه ويحسبوني متزوجه وعندي عيال
مايصدقون نهائي ان عمري 24 ياربي وش اسوي
حاولت اعدل نفسي محد ساعدني من اهلي
ليت كل الناس ضدي واهلي معاي بس للأسف.. وحيده بدنيتي..

ادري بتقولون العزيمه والهمه اهم شي .. انا اشد حيلي بس كل اللي فيني يحتاج مستشفى واهلي مو مهتمين
اللي يقهرني ان امي يوم جات تخطب لخوي راحت تدور له من البنات الحلوات اللي مواصفاتها كذا وكذا
طيب يوم تفكر تاخذ له كذا مافكرت ان كل الامهات يوم يخطبون لعيالهم نفس فكرتها؟.. يعني بيدورون لولدهم البنت الرشيقه اللي الحلى والانوثه تقطر منها.. طيب انا مين يخطبني وانا مافيني اي معالم للانوثه كني وحده كبيره مو بنت… وربي تحز بخاطري يوم اروح مع صديقتي او قريبتي اللي بعمري نروح عند ناس اول مايشوفوننا يقولون لها هذي اختك الكبيره او امك..وربي شي يعور القلب وربي

انا كتبت لكم هنا لأني بس ابي افضفض اللي بخاطري
تقلبت امس مواجعي يوم مريت على منتدى مختلط ويوم رحت على اليوتيوب وشفت اراء الشباب في زوجاتهم اللي يبونهم
وربي يوم يتكلمون احس انهم مايبون الا وحده دلع ودلال وجسم وصفاء بشره
انا مافيني ولا ذره من اللي يبونه شباب هالزمن
ماعمري تخخيلت زي مايتخيلون البنات فارس احلام ومدري وشو
ابدا ماعمري تخيلت يجي زوجي يحط يده بيدي لأني ادري اني بعنس والزواج معجزه اذا صار..
الزواج حلم بعيييد عني…
حتى تصدقون ان اللي تتزوج من صديقاتي ماعاد اتصل عليها
مو حسد لا والله بس كل ما اكلمها اتذكر همي واحقد على نفسي واهلي

في خاطري كلام كثير يمكن مابخلص منه لكن هذي خلاصته