ااااخ من مديرنا اخ

باكتب دحين وانا مرررره معصبه ومقهوره

امس يا بنات كانت في عاصفه ترابيه وربي اصباعك ماتشوفيه لدرجة انو التراب بالبيت صار معبي الدنيا وقتها قالو بالاخبار انو تعليق الدراسه وجاني مسج على الساعه وحده وربع يقول تحذير للمواطنين عواصف وكدا

انا شفت الجو ما يطمن وانا خلقه من النوع اللي يوسوس يعني زوجي كان برا كل شويه اتصل فينك وامشي على مهلك ماطمنت الا يوم دخل البيت
رسلت للسواق قلتلو لا تجي بكرا
ويجي بكرا ويرسلولي من الدوام يقولك المدير داومي
انا قمت والله اتصلت عالسواق قال ماقدر الا بعد ساعه ونص ووقتها كانت عشره صباح قلتلو دحين اشوف ارجع اكلم الاداره
قلت لزميلتي بلغي المدير ماعندي سياره وغير كدا انا عندي فوبيا افكر بالموت كتير وخاصة ازا في فعلا يخوف زي الجو كدا وانا دوامي مو قريب تقريبا زي قريه بعيده شويه
المهم بالاخير قال حيسجلني غياب قلت بالطقاق ينخصم من راتبي ولا اطلع من البيت
انا يمكن متوتره زياده بس حبيت افضفض واقولكم التفاصيل اكتر
المهم انو امي امس تتصل يا بنتي اصحك تروحي بيحزرو الناس
بعدين وربي شي يفقع القلب يوم انهم يعلقو الدراسه يعني احنا كائنات فضائيه ماعندنا رئتين يوم يخلونا نداوم
شي تاني زعلني ان المدير قال لزميلتي وين فلانه تلقيها مبطحه الحين 😐
سالتكم بالله مو عيب الكلمه دي 😆 🙂
وغير كدا يوم قالتلو انو عندي فوبيا قال تدبر نفسها تجيب اجازه مرضيه 👿
يعني لو كل الناس اللي عندهم اشياء نفسيه كانت اتعبت المستشفيات وماكفتهم

مدري كيف نتصرف معاه حتى زميلتي اتضايقت من كلامووقالت بعدين تبغى تكلمو انو عيب كدا
بس هوا كدا ولا عمرو يتغير والله كلام استحي اقولو قدام بنت زيي كيف هوا رجال وكدا يكلمنا وربي لو يدرو رجالنا كانت علووووم