عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
انا اول مرة افتح موضوع .. ونفس الوقت بفتح لكم قلبي معاه عساني الاقي عندكم وحدة تريحني بكلمة او ترشدني بنصيحة
انا مشكلتي الوحيدة هي صديقتي ..
كنت انا وياها مثل التوأم , درسنا في الجامعة مع بعض ودايما تلفونات ورسايل وزيارات يعني طول الوقت بالجامعة مع بعض وحتى لما نرجع للبيت تلفونات يمكن 3 او اربع مرات
انا بعد التخرج مباشرة انخطبت وتزوجت .. وبعدها اشغلت بالحياة الجديدة عن صديقتي
وكانت دايما تعاتبني وتتشره علي وتذكرني بعلاقتنا القديمة وانا والله يضيق صدري بس مدري شسوي مقدر ارجع مثل اول صحيح يمكن عندي وقت فاضي بس مزاجي مو رايق مثل قبل وصرت اكلمها بالاسبوع مرة
المهم مرت الايام والله رزقني باطفال ولازالت صديقتي على حالها كل مابين فترة والثانية تتشره علي وتذكرني بايام قبل وعن تقصيري بحقها وهم بعد تشتكي من قلت علاقتي وزياراتي واني ماافكرافضفض لها بهمومي ومشاكلي ولا احرص على شوفتها
ودايما تقارني بصديقاتها وحدة فيهم معها على طووول بالدوام والثانية متزوجة ومالله رزقها بالاطفال
وتقولي انهم يحرصون على شوفتها وعلى التواصل معها وانهم يشكون لها همهم وانا ولا شي
وبالنسبة لي انا والله ان ماعندي صديقة غيرها وربي يشهد ان كلامها يعور قلبي بس مدري وش اسوي
انا اعترف اني مااشكي لها همي بس مو لشي لكني مااحب مشاكلي الزوجية احد يدري عنها ايا كان
وبالنسبة لسؤالي عنها والله اني انشغل كثير مع عيالي وتربيتهم وبالبيت يعني مااقدر امسك السماعة كل يوم واسولف
مدري والله شسوي كل مرة تفتح معي هالموضوع قلبي يعوني ولساني ينربط وخصوصا انها عزيزة علي ومااحب اقول لها شي يضايقها ومدري كيف احل المشكلة
مش عارفة هل انا مقصرة فعلا ولصديقتي حق علي ؟؟
والا انا على حق وهي تتدلع علي ؟؟
والا هذا حال اغلب الصديقات ؟؟
ياريت اللي تقرأ موضوعي تعبر لنا عن علاقتها بصديقتها وكيف صايرة
واللي عندها نصيحة او تعليق لاتبخل علي
وشكرا لكم
اختكم المها
