عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذي القصيدة أعجبتني وكتبتها لكم واتمنى أن تنال أعجابكم
وهي للشاعرة الراسية
والراسيه – شاعره سعوديه معروفه من حائل
لها قصايده كثيره مسموعه روعه واموت بقصايدها من جد روعه
قصة هالقصيده دقت على الراسيه بنت تستشيرها في موضوع عاطفي فردت عليها بهالقصيده …
واسم القصيدة (( يابنت ))
————————————————————–
لاترخصين النفــس يابنـت تكفيــن
بعــض البشر مـا يستحـق المـــوده
يلعب على كـل العـــذارء بحبليـن
ولــ الدرك الاسفل يا العزيزه مــرده
يجهل أصول العرف والشرع والدين
ضد المبـــادىء والتقالـيـد ضـــــده
متمرس فــي مهنته قـــد لــه سنيـــن
يشدكـــم لـه والطـــــواري تـشــده
مـصيونـه عنــــه جميـع الفنــاجيـــل
تنشــل يمنـا بالمجالــــس تـمــــده
لا تامنيـن اللــي مـواريـه وجـــهيـن
جعل الليالـي الســود عنـك تلــــده
النيه القشـــراء لـهـا الــف تخميــن
وبعض النوايا المشكلـه مـا تســـده
وده يحقـــق رغبـتــه بالمـــلايـيـن
وكوني على صد الخطــر مستعـده
ياغاليه ضـرب الهــواء للمساكيـن
والمصلحه بأمر الهواء يبل المخــده
كـل العصـور السالفــه والمحبيـن
راحــو معـا مــراح جـــدك وجــــده
صوني الكرامه واعتني بالموازين
لا بـــــد منــــه ليلات بقعـــا تكــده
لا تخلـطين المـاء يابنـت بالـطيـن
الفرق واضــح بيــن عــدك وعــده
انتي الذهب يابنت بالعسـر والليـن
والله يعيـن اللــي غـدا فيـه مـــده
وسلامتكم
كل الود
——————————————————————
أمانه اللي يقرأ الرساله يرد أمانه
