إلى من سأشتكي بعد الله , فرحتي بالتحويل تحولت لصدمـة , جآمعتي الحبيبة من سينصفني ؟!!

مدري شقول لكم والله أن ضـآ قت بي الدنيآ من عرفت بالخبر

بالله عليكم مو ظلم مو حرام بسبت غلطه بسيطه وتوقيع يضيع مستقبلي الي شآب راسي لين مآوصلت لعتبة الجآمعة وتم قبولي فيهآ

وبعد غربة وتعب ما يعلم فيه إلا الله يقولون تم تحويل معالمتكـ لخدمة المجتمع

سآلفتي طوويلة وبحآول اختصرهـآ يمكـن أحد قد صآر له الي صآر معي ويسـعفني بالحل

انا خريجة 4 سنوات الدفعه قبل الأخيرة من الوزآرة وهذي اخر سنة ممكن انقبل فيها بالجآمعات الحكومية

أدرس سنة تحضيري بجامعة تبوك ( فرع أحدى المحافضات الي تابعه لتبوك) مسآر علمي

لمن قدمت اوراقي حولوني على حقل لأن ماكان بأيامنا فيه اختبار قدرات وحقل هي الكلية الوحيدة الي تقبل بدون قدرات

والحمدلله تم قبولي فيها وداومت 4 اشهر من أحلى الأيام وحبيت الجآمعه كثيييرررر وحمدت الله انه حلمي أخيرا تحقق رغم اني كنت فاقدة الأمل بس ربي كررريم

وبمآ أني من سكان تبوكـ ولظروفي السيئة بالمحافظة الي صار قبولي بالجامعه فيها وعدم تواجد محرم معي قدمت نقل لجامعة تبوك

وقآلو مافيه نقل إلا بعد مايطلع معدلك ولازم يكون 3 ونص ومعدلي مأعتقد يوصل للـ 3

فقدمت طلب تحويل لجآمعة تبوك ( مسآر انتقآلي أدبي ) أدرس سنة تحضيري من جديد وإذا جبت المعدل 3 أكمل دراستي بكالوريوس

وللأسف بغلطة منهم أو عدم فهم منهم مع اني كاتبه معروض وموضحه فيه كل شششي واستمارة واضح طلبي فيها

والحمدلله اني محتفظة بصور عندي لك التقديمات الي قدمتها

يوم الأربعاء رااح الوالد لجامعة تبوك علشآن يشوف تحويلي اش صار عليه

وشآف اسمي من بين اسماء طالبات محولينهم لكلية المجتمع ( خدمة المجتمع )

انصدمت , تضآيقت , بكيت

يعني بعد دراسة ترم كآمل سنة تحضيري يحولوني دبلوم كان من اول درست مو تمرمطت هالمرمطه ويرجعوني لدبلوم

معقولة بعد كل هالتعب وبعد كل التبآشير الي بشروني فيها بسبب غلطة منهم يحولوني من مسآر انتقآلي لكلية المجتمع دبلوم ؟!!

كلمت الجامعة قسم القبول والتسجيل اتأكد منهم وقالو لي انتي موقعين على اوراقكـ تحويل لكلية المتجمع دبلوم تأهيلي

الوالد مايعرف شي بالجامعه والأنظمة

فملن سألتهم من قال اني ابي دبلوم انا ابغى الي كاتبه في معروضي مسآر انتقالي قالو عاد الوالد شآف الأستمارة

احنا مانسوي شي إلا بتوقيع ولي الأمر ؟؟ وإذا ولي الأمر مايعرف بأنظمة الجآمعات يعني نحمله غلطنأ ..؟؟؟

رغم ان الوالد مايسوي شي إلا ويرجع لي ويسألني وبالأخير حطو الغلط على أبوي

وسبحآن الله مره ثآنيه أكلمهم يقولون بسبب غلطه توقيع

يعني اللحين وآضح ان كل واحد يرمي الغلط على الثآني

ومن الأربعاء والدكتور الي وقع ع معروضي و الأستمارة مآداوم وموضوعي توقف ولمن جا كلموه عشآن تحويلي واني ابي اكمل مسار انتقآلي رفض يبغآني اكمل دبلوم تأهيلي 🙁

ليش وش السبب ؟؟؟!!

الشي الي يضيق الصدر انه إذا توجهت معاملتي لكلية المجتمع ماأقدر اعدل وأطلب مسآر انتقآلي مامعي وقت

وألوالد تعب منهم و شآل يده من الموضوع وقآل لي خـلآص أرضي بلي ربي كتبه لك

وين ارضى وانا لو ابغى كلية المجتمع كان قدمت عليها من زماااااااااااان

لو ارفع لوزارة التعليم العالي معروضي والأستمارة وكل الأوراق الي قدمتها لهم وطلبي الي واضح من معروضي وعلى اي اساس حولوني لكلية المجتمع

تتوقعون ممكن يعدلو لي .؟؟