عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا قررت اليوم انزل موضوع بعد ما استفزني رد او بالاصح ردود كم بنت 😀 في المواضيع هنـآ الله يهديهم
ويرشدهم للخير , >>> قولوا آميــــــــن
قولت انزل موضوع لعل وعسى تمر وحدة من الي استفزني ردهم في النصيحة و وغيبتهم
وتهتدي يـارب
االموضوع ومافيه لاحظت كم عضوة في الفراشة وفي القسم هنا
ترد على مشكلة مو شرط لصاحبة الموضوع تكون المشكلة لوحدة قريبة من صاحبة الموضوع
وتجي العضوة هاذي من الفراشة وترد رد جـــارح على بنت ماتعرفها ماقابلتها ولا تكلمت معاها
والي نرفزني زيادة في موضوع قديم ان صاحبة الموضوع اشتكت من صديقتها انها فيها عيب
وبكل برود تجي العضوة وتكتب رد جارح بمعنى الكلمة كل كلمة تجرح اكثر من الثانية
ماحبيت بصراحة انسخ الكلام وانا مابغى اكتب اسم العضوة لانو مو من الادب واخلاق الاسلام
اطلع عيوب اخواني المسلمين 😡
لكـن احكموا بنات معايا بعقولكم وفكروا يالصغار والكبار والوسط والعجايز وكل فراشة في المونتدى
اقتبست كم كلمة صغنونة من كم رد وشوفوا هل هي تجرح وفيها غيبة عن صاحبة الموضوع او لا ؟
لان السالفة صراحة كبيرة يكفي ان فيه سب وغيبة اخينا المسلم 
والسالفة التانية هي النصيحة شوفوا معايا النصح والغيبة الي اقتبستهم لا حول ولا قوة إلا بالله
.
.
.
هذي وحده مريضه نفسيا
ايش رايكم هذا رد ؟؟؟؟؟؟؟ معقول ايش عرف العضوة هذي الي كتبت الرد
ان الي مسويه مشكلة لصاحبة الموضوع هي “مريضة نفسيا” زي ما قالت 
ليش ماتقول الله يهديها وتدعيلها افضل من الادعاء بانها مريضة نفسيا ؟؟؟
الله يهدي العضوة ويهدي الي مسويه مشكلة 🙁 قولو اميــن ^^
وهذا رد ثاني
شكلها هذي متينه
دبه ولا نحيفه ولا قد ايش ماتكون
يعني واذا كانت مثلاً ؟ دبـه ؟
طبعاً ألكلمة بعض الي حولي قالوا ماتجرح بس الي قدام الكلمة وربي يجرح
بس هنا اغتابت قالت انها متينه وجنبها كلمة ثانية هي الي استفزتني صراحة
بس ماحبيت احطها اخاف يبين بعض البنات الله يهديهم تدور الكلمة في الردود
علشان تعرف مين هي العضوة وبنفس الوقت مابغى اجرح كمان اي عضوة واحط ردها هنا كامل
ولا اسمها لانو كذا ما استر عليهم وما اضمن يوم اكون في موقف العضوة
نفسها الي كتبت الرد الله يهديها
جامعية وماتتنظف وااع
الكلمة جارحة ويكفي ان البنت هذي الله يهديها اغتابت بنت ماتدري عنها
ولا تدري عن ظروفها ومشاكلها
هل فعلا احنا والبنت هذي ندري عن الجامعية هذي
ظروفها .. حياتها .. اهلها يصرفون عليها ولا ياخذون مكافأتها
متزوجة وزوجها حارمها وياخذ مكافأتها .. ولا بنت ممنوع فلوس في ايدها
ولو اقولكم توصل مع ناس يحددون ايام معينة ان عيالهم يستحمون وياخذون شاور
في بنت تقول واعرفها شخصيا اهلي بس يوم الجمعة نتروش هو اليوم المسموح لنا
على ان عندهم خير سبحان الله , انصدمت كثير
اصلا ماحد يضمن مايكون في موقف البنت هذي
ولا اذا كبرنا بالعمر وعجزنا راح تفوح مننا روائح بحكم كبرنا بالسن وصعوبة كل شي علينا
ماحد يعرف , ايش مكتوب لـه بعديـن
اسحبي عليها واقطعي كل شي
هذي الله يهديها يارب من القهر الي فيها كتبت كذه
مع انها مو نصيحة لان الرسول صلى الله عليها وسلم نهى عن القطيعة بين المسلمين
الرسول صلى الله عليه وسلم وهو رسول تحمل اذى كافر ويهودي كان جاره
واذاه بشكل مو طبيعي ولما مرض اليهودي من لباقة وحسن وادب الرسول عليه الصلاة والسلام
راح زار اليهودي مع ان الرسول ممحية كل ذنووبه
واحنا حتى حسنة وحدة مانضمنها تكون في ايدنا !
فـ اذا مانضمن اي شي ليش ننصح نصح ونتحمل ذنب احنا مو قده ابداً ؟
من جد سخيفه
مأساتي هنا لما دققت العضوة الي كاتبه الكلام الله يهديها ام 💡
يعني ربة جيل يعني تنشى جيل
الي ضايقني اكثر وحز بنفسي اكثر انها ام والام لازم تكون ارقى من كذا
وتترفع عن الكلام البذيء لانها ام والام دائما يمدحونها بانها المسؤلة عن نشأة الجيل
وهي المدرسة الاولى
فإذا ردت في منتدى كذه كيف عيالها ؟؟؟؟
الله يهديها يارب
مشكلتك عاديه ومو مهمة
الرد هنا كمان اشوفوا جارح لان مهما كانت المشكلة صغيرة
مو من حق العضوات وحقي انا اذا كتبت كذا مثلا
اني احكم على مشكلتها لانها هي في نظرها كبيرة
ليش اتلقف واقول عاديه ومو مهمة
هالشي راجع لصاحبة المشكلة نفسها
فـ عندنا دائما خيارين في الرد إما نرد بـ رد حلو ويجبر الخاطر
او نرد بـ الله ييسر لك ويفرج عليك
وإلا لـــــآ ترديــــــــن على الموضوع اذا بتتفلسفي وتطلعي
الرسول صلى الله عليه وسلم قال >>> صلوا على النبي يا بـنـــأت
” من كان يؤمن بالله واليوم الأخر فليقل خيراً أو ليصمت”
(متفق عليه عن أبي هريرة)
وجاء عنه(صلى الله عليه وسلم):
رحم الله امرءاً قال خيراً فغنم ،أو سكت فسلم”.
(رواه ابن المبارك في الزهد بإسناد حسن) وروى بطرق أحرى.
قال رسول الله: ( إن المفلس من أمتي يأتي يوم القيامة بصلاة وصيام وزكاة،
ويأتي قد شتم هذا، وقذف هذا، وأكل مال هذا، وسفك دم هذا، وضرب هذا،
فيعطى هذا من حسناته، وهذا من حسناته، فإن فنيت حسناته قبل أن
يقضى ما عليه أخذ من خطاياهم فطرحت عليه، ثم طرح في النار! )
صحيح مسلم (2581)
ليـكن شعارنا من اليوم يا بنـات :.
المغزى من الموضوع كلوو
نترك النصح بدون عقل ولا نصح فيه مضرة واثم احنا نتحمله الكلام موجه لـي انا اولكم واخركم طبعاً
ونبتعد عن الغيبة في ظهور اخوتنا المسلمين ونرتقي في كلماتنا لما نجي نرد في الموضوع
ونختارها بعناية
اتمنى ماحد يزعل مني بنات لكن انا لو ما اعتبر الجميع اخوتي في الله والاسلام
مانصحت ماتكلمت , تركت الكل وقولت مالي ومالها ؟
لكن كلنا اخوات ولازم نتساعد على الخير والنصح لبعض باسلوب حلو ^^
وماحد معصوم من الغلط واقولكم الصدق انا كنت اغلط ولكن الحمدلله
لما اقرأ عن الرسول واخلاقه اتأمل كيف هو ؟ وانا ليش مو زيه ؟ وليش ما اقتدي فيه ؟
ايش الي يمنعني ؟
بنـات كل وحدة تصوت معايا للموضوع وعجبهـا تبدأ تطبق اوكِ
انا وانتوا وكلنا نطبق النصيحة من اليوم علشان الحياة تحلى احلى واحلى واكثر 😉
اختكم في الله
للفردوس مشتاقة 😆 idea:
