عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أخواتي بسألكم أسئلة مهمة بالنسبة لي لأن مافي أحد من خواتي والد قيصري وما اعرف كيف اهتم بنفسي
1- هل شرب الموية غلط ؟؟ شرب العصيرات ..؟؟ وايش أفضل العصيرات …؟؟؟
لأن الدكتورة قالت لي اشربي كأستين قبل ماترضعين … وغير كذا عشان الإمساك … مع العلم أني مبتعدة عن كل شيء يجيب الغازات و الإمساك من حليب أو موز أو برتقال أو حوامض بشكل عام …
2- هل شرب منقوع المرة كويسة للي مسوية عملية ؟؟
لأني أعرف أنه يساعد على إلتئام الجروح بس بعض البنات قرأت لهم في المنتدى يقولون لا ..!!!
3- وش الأكلات اللي تساعد على إلتئام الجرح ( جرح العملية ) …؟؟ قولوا لي وش الأكل اللي يفيدني ويساعدني على لم جسمي وجرحي …
أنا أكل عصيدة بالدخن والسمن والعسل / عريكة ( قرص بالدقيق الأسمر وبالسمن و العسل ) / أشرب قهوة قشر ( قشر قهوة + هيل + زنجبيل + قرفة ) / أشرب مجلب ( يانسون + كراوية + حلبة + سكر نبات + ومدري وش الباقي لأن أمي تسويه ) / مقلقل لحم / شوربة خضار / مسلوقة لحم ….
وأوقات أكل أكل عادي يعني رز أبيض مع لحم / كباب دجاج / سندوتش حلاوة طحينية مع الزيتون عشان أقدر أستسيغها ):
4- كيف أهتم بالجرح ..؟؟ ايش الأشياء اللي تنشف الجرح …؟؟؟
قرأت أنه بمسحة طبية / وقرأت أنه أمسح عليه بمنقوع المر … ايش الصح ؟؟
5- هل أستحم عادي …؟؟ والا لا …؟؟
6- أنا أرضع طبيعي ولما أكون تعبانة مرة وناااااايمة أقول لأهلي يعطونه حليب صناعي ( أس 26 ) ولما أجي أرضع يعورني الجرح مرررة … أوقات هو الله يحفظه يرافس برجوله على بطني فيعورني الجرح … ايش الحل …؟؟؟
أمانة الله يسعدكم لاتبخلون علي بتجاربكم لأني قلت لكم مافي أحد من أهلي ولد قيصري وماني عارفة أسأل مين أو كيف أنتبه على نفسي ….
