عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هااااااي فراااشاااات..
وربي من زمااااااان عن المنتدى..
إشتقت لكم ووواجد..
لكن هالمره رجعت مب فاضيه اليدين..لا.. أنا جاية وأنا معي مفاجأة..
بنزل روايتي المعدله.. عدلتها 100%.. وخاصةً الـــــــبداية..
وبااااقي بس الجزء الأخير اللي إن شاء الله ما بيكون فيه شئ يمنعني إني أنزلهـ أول أيام العيد (( عيديتي لكم ^ – * ))
وأتمنى إنكم تقرووون الرواية بعد التغيير إلــــــــــــــى ما ينزل البارت الأخير..
وشوفوا التغيير الكبير..
البداية..
قصتنا تدور عن 6 بنات في أخر سنة في الثانوي , وهم صديقات واجد مع بعض وعلاقتهم مع بعض من الصف الثاني الابتدائي, جمعت بينهم الحب والصداقه اللي ممكن تقولون انها نادره بهالوقت , يشاركون بعض الهموم والافراح والاحزان وكل شئ, لدرجة انهم صاروا خوات بل اكثر من خوات.. علاقة لو كانت بين كل شخص واخر لاصبح العالم بخير .. علاقة تكون بأحلى وقت (( صداقة ببراءه)) لانهم تعرفوا على بعض في وقت الطفوله الوقت اللي ما يهمه الطفل المظهر ولا المصلحه ولا الفلوس أنما قلب هالانسان وصفاته ومظهره الداخلي …
أولا:
غاده: غاده دلعها دودو…
وعمرها :18 سنة – ثالث ثانوي –
غاده شخصية حبوبه وتدخل القلب بسرعه واول ما يجلس الواحد معها يحس إنه يعرفها من سنين من طيبتها وحنيتها لكنها متكبره بس مو لذيك الدرجة((مو بيدها)) لانها متعوده كذا بالبيت اكبر وحده ودلوعه.. وابوها غني واقل ما يقال عنه ملياردير ولو طلبت منه لبن العصفور جابه لعيونها , غاده طووويله وشعرها اسووود وعيونها تذبح الواحد من زينها… فيها شبه كبير من -اشلي سيمبسون- الممثله الاميركيه وهالممثله هي اللي تلقونها بتواقيع العضوات واجد …((**اذا ما عرفتوها قولوا لي لاني عندي صووور لها))
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
سارة: ودلعها سوسو
وعمرها:18 سنة – ثالث ثانوي –
سارة وحدهـ عن 10000,000 رجال..مع ان اسمها مو لايق مع شخصيتها, وشلتها مسمينها ((الدووبا)) لانها دوبا بس مو ذيك السمنه اللي تذبح ((ملايانه))يعني , وهي مو زعلانه بالعكس عادي عندها لانهم صديقاتها ولو سبوها بكل سب العالم كله.. عاادي…لكن لو جتها وحده من بنات المدرسة وقالت لها ((دبا))!!!..هنا البنت اللي قالت عن سارة دبا يكون احسن لو تشهد لانها بتمووت من الضرب , وسارة وحده تحب الهوشات موووت, وراعية فزعات ونخوات يعني وحده شهمه , شلتها معتمدين عليها وقت الهوشات او اي شئ يحتاج للقوة, وإبعاد المعجبات عن صديقاتها وخاصة صديقتها((شوق))((**راح نتعرف على شوق بعد شوي)) ..سارة مو حلوه واجد بس مملوحه واللي مخرب عليها سمنتها وهي بطريقها لتنقيص وزنها لانه متعقده من السمنه بس مو واجد معقدتها…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
هند:هند دلعها هنوده..
وعمرها:18 سنة- ثالث ثانوي –
هند وحده إنطوائيه وهي اهدأ وحده في الشلة وما تحب تسولف واجد يعني بمعنى اصح ((غامضة)) , لكنها حبوبه وشلتها عارفة انها حبوبه , بس باقي بنات المدرسة يكروهونها لانهم ما يعرفون عنها ولا شئ كأنها جاية من المريخ!! وهند يوم كانت صغيرة تعذبت عذاب حتى الكبير ما يتحمله وشلون وهي يوم كانت صغيرهـ .. ابوها وأمها أحياء بس ما تعرف عنهم أي شئ ((** بعدين بتلتقيهم فتابعوا القصة عدل)) , وبعدها راحت وسكنت عند بيت عمها((وعمها هذا يعرف وين امها وبوها بس ما يبي يعلمها وبعدين بنعرف ليه؟؟)) اللي ما يهمه غير الفلوس ولو باع هند عشان الفلوس باعها , لانه ما يهتم لامرها ,.. شافت جريمة قتل لما كانت صغيرة في عمر الزهور قدام عيونها!!!((مذبح زوجة عمها على يد عمها))((**بعدين نعرف قصة مقتل زوجة عمها وليش العم ما انسجن)) محد كان واقف معها وقت طفولتها لان مثل ما قلنا العم لاهي من بنك لثاني حتى انه ما يشوف هند الا مرة بالشهر!!! ,و ما عنده وقت لها مع انها الوحيده من أخو عمها.. كانت تقوم بالصباح للمدرسة وهي صغيرة((بصف اول)) ترتبها الخادمه, اللي ما لها صلة قرابة نهائيا بهند .. هند ما تعرف معنى الاب ولا الام وتتمنى ان تعرف معنى هالكلام زين وودها تعرف عن هذي المراءه اللي يقولون عنها الام واللي الجنة تحت قدمها, هند كانت يوم كانت صغيره كانت إمراءه متنكره بقناع الطفوله علامات الطفوله وهي صغيره إنمسحت عن وجهها وذبلت ونبتت غيرها علامات عجوز بالستين من عمرها من شدة الالم والتعب اللي عانته بوقت طفولتها , هند مملوحه واجد ووجهها يقطر ملح.. وهي طولها عادي وشعرها قصير شوي ..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
نوف: نوف دلعها نونو
عمرها: 18 سنة – ثالث ثانوي –
نوف وحده رزينه و مثقفه حدها وعصبية شوي , تفكيرها عاقل جدا جدا , وهي وحده مقدرة معنى ان الوحده بأخر سنة بالثانويه فلازم تشد حيلها عكس باقي شلتها, هي كان ودها تدخل علمي بس صديقاتها كلهم بيدخلون الادبي فإنجبرت انها تدخل ادبي ومستحيل تترك صديقاتها , نوف ما تحب المزح نهائيا .. باقي الشلة ما خذين تحدي على نفسهم إنهم يغيرونها ويخلونها وحده مررررررحه .. هم مستانسين أن وحده منهم شاطره عشان لو ما فهموا شئ او اذا هربوا من الحصة تشرح لهم.. وهي طبعا مو كل وقت توافق..نوف مثل الباقي من شلتها حبوبه , نوف كشخه , مو شرط انها شاطرة معناها لازم ما تهتم باناقتها بالعكس هي وحده انيقه ,
نوف هي الام بالنسبة للشلة الفله… نوف وحده طولها عادي ((يعني طول وحده بثالث ثانوي)) وبياضها يذبح – سنو وايت – الا ابيض من- سنو وايت – ((بياض الثلج)) وشعرها طووووووووويل واجد , وعيونها كبيرة ووسيعه وشفايفها تجنن ((يعني كلها على بعضها تجنن))..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
شوق: شوق دلعها شوشو
عمرها: 17 سنة _ ثالث ثانوي –
شوق اصغر وحده بالشلة وهي دخلت المدرسة مقدمه وعمرها 5 سنوات, دلووووووووعه واجد , تجيب أخبار الفن أول بأول , وتتابع الماركات وما تشتري إلا منهم .. ((**وأكيد اذا هذي صفاتها لازم تكون خوافه)) وهي خوافه حدها..أمها فاتحه مشغل ناجح واجد .. وهي احيانا في ايام الاجازة تروح للمشغل ..تروح عن نفسها, المعجبات بالمدرسة ينكبوون عليها بالهبل.. كل يوم وحده .. وهي طبعا الله يخلي صديقتها سارة الشرانيه تأكل كل وحده جايه عند شوق أو باقي الشلة .. طبعا هذا بأمر من شوق وباقي الشلة لانهم يكرهون هالحركات.. شوق تشبه غاده شوووي ..طويله وشعرها طوله لحد نص ظهرها .. وعيونها حلوووه مع انهم صغار وهي تجنن وحلوه…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
مها: مها دلعها مهوووي
مها: 18 سنة – ثالث ثانوي –
مها شخصية رجه , هبله , خبله , كل شئ يضحك فيها .. وهي معطيه الشلة جوو حلو .. ومها فرفوشة تحب تفرفش واذا شافت وحده من صديقاتها متضايقة لازم تضحكها وترسم البسمة على وجه كل صديقاتها .. وهي تترأس الشلة بفكرتهم الجديده (( أنهم يخلون نوف مرحه وتحب تمزح وتترك عصبيتها)).. مها تخترع وتكتشف نكت جديده كل يوم .. وهي بعد معطيه جو بالبيت .. مواقفها تفطس من الضحك وهي عاشت 4 سنين في لندن .. راحت لها مع أمها وابوها وهي عمرها ((9 شهور)) ورجعت وعمرها 4 سنين و 9 شهور .. وهذا ولد عندها حب للأجانب وعطاها دافع للغة الانجليزيه .. وتحب تفكيرهم .. بس مو بكل شئ يعني الصح يعجبها فيهم اما الاشياء الغلط اللي يسونها فأكيد أنها ما تقلدها فيهم…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
المكان: بيت شوق..
الزمن:3العصر..
شوق كانت نايمة بغرفتها.. المسكينه ما نامت إلا الساعه 7 الصبح.. متعوده على الاجازة .. والمدرسة بكرى..!!
دخلت أم شوق على شوق وقالت: شوووووق..يكفي نوم عاد..
شوق ويادوب يطلع الحرف من فمها : يا ربي.. ما نمت إلا كم ساعه..ويكفي نوم.. ياربي.. بناااااام..
أم شوق: يكفي نوم..!!
فجأة دخل عليها أخوها فهد ..
(( فهد اخو شوق بأول جامعة..يعني أكبر من شوق بسنة.. وهو حنطاوي وطويل وله جسم معضل.. وشعره طويل شوي .. طبعه عنيد واجد.. وحاط دوبه دوب شوق بالبيت.. وهو مو مغازلجي.. لكن شوق تقول عنه مغازلجي..))
دخل فهد وقال: يمه.. ترى أنا طالع اللحين..
أم شوق: وعلى وين إن شاء؟؟..!!
فهد: مواعد واحد من الربع بكوفي شوب..
شوق قالت وهي بسريرها: واحد من الربع.. ولا وحده من الربع..!! حدد أكثر يعني..!!
فهد: شوق.. لا تخليني أقوم عليج وأطير النوم من عيونج ..!! وعن الكلام الماصخ..!!
شوق: وإنت وأم شوق الله يهداها يعني ما طيرتوا النوم من عيوني.. أصلا صوتك لحاله يكفي إنه يطير النوم…!!
فهد: شويقانوه.. أحسن لج كولي تبن..
شوق: وإذا ما كنت أبي أكل تبن..!!
أم شوق: هيه..هيه.. إنت وياها.. شوق توج قاعده نوم.. فيه أحد توه قاعد نوم ويتهاوش.. خلاص عاد..!!
شوق: فهد برى غرفتي…بسرررررررعه..
فهد: لا والله.!!..
شوق: إيه على كيفي غرفتي..
أم شوق: يله فهد..
طالع فهد لشوق بنص عين وطلع برى..
شوق: يمه لو ما عليج أمر ..ببدل ملابسي وأقوم اللحين..
أم شوق: يله..
وطلعت أم شوق برى وسكرت الباب وراها..
وأول ما طلعت أم شوق..
رجعت شوق وكملت نومتها..
وما مداها تسكر عيونها وتغفي..
إلا بمااااااء باااااااارد على وجهها..
شوق صرخت..
فهد على طوووووول هرب برى وسكر الباب..
شوق: والله ما أخليك فيها يالنذل..
عاد هالمره طار النوم من عيون شوق بالمره ..
وقامت وغسلت وجهها وبدلت ملابسها وراحت للصاله عند أمها..
شوق: وين فهد؟؟
أم شوق: ما أدري.. شتبين فيه؟؟
شوق: بحبه على رأسه.. يعني شبسوي فيه.. بألعن شكله..
أم شوق: عيب تراه أكبر منج.. ولو يكفخج من حقه.. إحترميه..!!
شوق: هو أكبر مني بالعمر.. لكن أنا بالعقل..
أم شوق: المهم.. إنتي ترى المدرسة بكرى وإنتي ما خلصتي أغراضج للحين..!!
شوق: يمه.. بطلب منج طلب الله يخليج وافقي عليه..
أم شوق: وش هو؟؟
أبي أروح مع غاده للسوق وأشتري أغراض المدرسة.. واللي يخليج وافقي..
أم شوق: والله كان ودي.. لكن تدرين إن مستحيل أوافق..
غاده: يمه.. إسمعيني.. غاده ما راح تروح لحالها.. بتأخذ معها عمتها.. أرجوووج يا يمه..
أم شوق: شوق مو زينه تقطين نفسج عليهم..!!
غاده: لا شدعوى يمه.. هي أصلا تترجاني وتقول لي أمانه روحي معي..
أم شوق: زين من معها؟؟
شوق: هي وعمتها الكبيره..!!
أم شوق: خلاص بكيفج..
شوق: مشكوووووووووره يالغاليه.. الله لا يحرمني منج ..
راحت شوق لغرفتها..
وخذت جوالها ودقت على غاده..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعه: 4العصر…
المكان:بيت غاده…
غاده نايمه بفراشها .. من امس سهرانه متعوده على اجازة الصيف المسكينه ما تدري ان الاجازه قربت تنتهي ولازم تتعود على المدرسة…يعني حالها من حال شوق.. أصلا هي أمس سهرانه على المسن مع شوق..
جوالها يدق: ((إنت منت انسان اكثر ..قلبي مو من قلبك اصغر..مثل ما تشعر تاكد اني اشعر.. فيني منك فيك مني غصب عنك غصب عني…الخ))لعبدالمجيد عبدالله
غاده مدت يدها على الكوميدينوا اللي بجنب سريرها وردت ومبين على صوتها النوم: الو…
شوق: ووجع نايمه للحين!!!
غاده: خلصينا .. ولو انه المفروض تقولين صباح الخير …
شوق: أي صباح الخير .. الا عصر الخير وانتي الصادقه…
غاده قالت بسرعه: اوووه!!! شوشو كم الساعة اللحين؟؟
شوق بإستعباط وعصبيه: لا لا نامي براحتج تو الناس الساعة 6 الصبح…
وسكرت الجوال بوجه غاده…
غاده وهي تشوف جوالها: افااا شواقي تسكر بوجهي!!!
غاده تصوت على مورجانا ((**مورجانا خدامة البيت ))
غاده تصرررخ: موووورجااااااناااا
مورجانا تفتح الباب بسرعه: نأام غاده شنو يبي((نعم شنو تبين))
غاده: كم الساعه؟؟
مورجانا: اللهين السااه اربعة هوكوم((اللحين الساعه اربع حكم))
غاده:خلاص طسي عن وجهي…
وقامت تبدل ملابسها …
غاده بيتهم قصررر…
شوق ببرود: نعم … ليه ما كملتي نومتج؟؟؟((**شوق كذا لانها دلوعه))
غاده: عن الدلع.. هاه قلتي لامج تروحين معاي؟؟
شوق ببرود: ايه قلت لها و وافقت…
غاده: الحمدلله..
شوق: زين متى بتحركين إنتي؟؟..!!
غاده: تقريبا بعد نص ساعه .. إلا صج شوق..
شوق: هلا..
غاده: هنووده بتروح معنا بعد..
شوق: والله؟؟
غاده: إيه والله..
شوق: أوكيه حياااااتي.. باااااي..
غاده: باااي..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعه 4 وربع العصر
المكان : واحد من إحدى مجمعات الدوووحة..
مها تستعبط على الهندي اللي هي عنده: اندرو بوكتمن تهنم اتن مون ((تخربط من كيفها))
ام مها وهي تشوف تنوره حلوه وماسكتها وعيونها على التنوره بس سمعها على مها: مهاوي ووجع…
مها: يمه طفشانه خليني استهبل عليه
ام مها: يا الخايسه .. استحي على وجهج…
الهندي المسكين جالس ما يعرف ربه وين حاطه وجالس يطالع هالخبله اللي قدامه ومستغرب…
مها: عااادي هذا هندي ما يعرف ربه وين حاطه .. أشك انه إنسان شووفيه مشوه كانه مثل اللي في فلم الرعب اللي شفناه امس ههههههههههههه…((**الهندي فيه تشوهاات شوي بس هذا ما يسمح لمها تتكلم عنه كذا))
أم مها بعصبيه: مها .. شقلتي؟؟
{ مها قالت هالكلام وهي متأكده ان الهندي ما يعرف عربي لانه ما كلمها بالعربي كلمها بالانجليزي}
ام مها: إنقلعي للسياره انا جايتج اللحين يالخايسه…
مها وهي تناظر امها نظرات شيطانيه ومبتسمه: أوووكيه .. بس قبل أي شيء عطيني مفتاح السياره…
ام مها: شنو قالوا لج .. مدمغه أعطيج مفتاح السياره عشان تسوقينها…تراني اعرف حركاتج عدل..
مها بخيبة امل: افففف اوووكيه رايحه للسياره…
ام مها: مهاووي إحترمي نفسج ولا تتأففين…
مها بإستهبال : حاضر يا طويلة العمر تامرين شئ…
ام مها: تلايطي ((**تلايطي=إنقلعي))
مها طلعت برى المحل…
ام مها عطت الهندي التنوره وهي تطلع بوكها من شنطتها من دون لتشوفه لانها تطلع البوك وقالت:HOW MACH THESE PLEAS???((كم سعر هذي)؟؟
الهندي ما صدق على الله وتكلم بالعربي عشان يثبت انه سمع كلام مها عنه : هذي بـ 89 ريال قطري…
ام مها طاح وجهها من الفشيلة وانصدمت .. الهندي طلع موريتاني يفهم عربي .. يعني سمع كلام مها عنه!!!
المورتاني برد حرته عرف ان ام مها درت انه مورتاني عشان تخانق بنتها وتربيها: يا عمة فين رحتي؟؟
ام مها كانها توها تصحى: هه ..لا ..لا معك .. كم قلت لي؟؟؟
المورتاني:بـ89 ريال…
ام مها عطته الفلوس وطلعت برى وعلى طول للسيارة بتذبح اللي اسمها مها هذي…
ركبت السيارة وعلى ما سكرت الباب صرخت: مهاوي…
مها مو موجوده بالسيارة..!!!
بس الهندي اللي كان يسوق كان موجود…
أم مها: مها ما جت..
الهندي: لا..
ام مها: اففف من هالبنت مو كأنها مراءه بثالث ثانوي … الا كانها بزر عمره 3 سنين الاحقه من مكان لثاني وطلعت من السيارة معصبه.. وسكرت الباب بقوووة..
{ للمعلومية ام مها مو كبيره عمرها بالثلاثينات لانها تزوجت وهي صغيره}
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
داخل المجمع…
مها جالسة بكوفي شوب وتشرب قهوة الشيخه.. ورقم يمينها ورقم يسارها…
بس أول ما شافت امها جاية لها على طول قامت بسرعه وطلعت برى الكوفي شوب..
ام مها بعد ما شافت ان الناس اللي بالكوفي يطالعونها كأنها وحش جاية معصبه.. إبتسمت وطلعت من الكوفي,, وارسلت مسج لجوال بنتها مها:(( ماسكتج .. ماسكتج يا مهاوي وانا وراج والدنيا طوويله..انا انتظرج بالسياره امشي بسرررررعه انتظرج))
طبعا هي أرسلت ما دقت لأن كل ما تدق مها تعطيها مشغووووول..
مها اول ما شافت المسج ارسلت لامها مسج وقالت:((عشان ما تفشليني ولا تطرديني من المحل مره ثانيه , واذا قلت ابي مفتاح السياره تعطيني ياه …وانا بررروح للبيت مشى!!!))
ام مها تنتظر بالسيارة الا جاها المسج من مها وفتحته وقرت المسج , انصدمت الخايسه مها تسويها والله تروح للبيت مشي يا ربي وش اسوي معها!!!
أم مها : والله لأوريها.. وهذه ما ينفع معها إلا عبدالله..!!
أم مها إتصلت على أخو مها اللي بثاني ثانوي ومها تخاف منه مع انه اصغر منها لكنه عصبي واجد…
ام مها: عبدالله تعال شوف إختك المجنونه هاذي منحاشه داخل المجمع ولا تبي تطلع منها تعال بسرررعة…
عبدالله اخو مها: يمه .. ما عليج انا جاي .. انتي بأي مجمع؟؟؟
ام مها قالت له إسم المجمع.. وقالت له إن مها تقول إنها بتروح للبيت مشي..وهي والله تسويها لاحد يستغربها..!!
عبدالله معصب: انا اوريها الشغل يله انا بالطريق يمه عاد من سوء حظها اني قريب من المجمع…هي متى تكف عن هالتصرفات الغبيه..!!
وبعد كم من دقيقه الا فيه سيارة تضرب هرن ورا سيارة ام مها…
ام مها عرفت انه عبدالله نزلت له…
عبدالله: هلا .. هلا .. بأم عبدالله..
ام مها: خلصنا يله ..انت توك شايفني الصبح…
عبدالله: اوكيه اللحين تجيج هالمها اللي مطلعه قرون البيت…
………………………………………….. ………………………………………….. ……………….
عبدالله دخل داخل المجمع ودار فيه ما لقها!!!
خاف… تذكر كلام أمه: ايه .. يله تراها قالت بروح للبيت مشي وتراها تسويها…
وقال بقلبه: لا لا ما تسويها هي صح ملقوفه ..لكنها خوافه…((يطمن قلبه))
تذكر إنه ما دور داخل محل مها المفضل.. وعلى طول راح له
ودخل يدور .. إلا شاف مها تتشرى الشيخه!!!((**ما الومها وحده ملقوفه كانها بزر))
عبدالله راح من ورا مها وضربها بضربة خفيفة على كتفها
مها لفت على ورا.. إنصدمت!!!كأنها شايفه وحش
مها بإبتسامة خوف: اوووه ..هلا هلا عبودي شلونك .. وش جابك هنا؟؟
عبدالله بادلها الابتسامه بس بإبتسامه شرانيه: قدامي على سيارة امي يله قدامي بسرعه لاتوطى في بطنج يا الخسيسه…
مها مشت قدامه خايفه … ووصلت عند السياره الا امها تنتظرها معصبه…
عبدالله: هاه يمه جبتها لج ورماها رمية خفيفه على امه…
مها: شفيكم كأني مجرمة تعاملوني كذا؟؟
ام مها: بسم الله على المجرمين منج…المجرمين يطلعون براءه عندج…
عبدالله ركب السياره وفتح دريشة السياره وقال: مع السلامه يمه .. وهاه اذبحيها ضرب ههههه وهو يطالع مها نظرات شرانيه وإبتسامه شرانيه…
مها: قسم بالله حرام ليه شنو شايفيني.. والله لو كنت انا اللي مفجره قنبلة هيروشيما ما عاملتوني كذا؟؟؟
وركبت السياره وبعدها ركبت امها…
وهم بالطريق للبيت…
مها: يمه بكرى المدرسة ولا إشتريت شئ بس طلعت ملابس المدرسة من الخياط..!!!
ام مها بجديه : لا إحلفي؟؟…. تنحاشين وتسوين كل هذا .. لو فيج خير كان ما انحشتي كذا واشتريتي اغراض المدرسة مو تنحاشين وتسوين مغامرات كأنج تصورين فلم أكشن امريكي!!!
مها بعصبيه:اوووه يمه خلاص قلت اسفه…
ام مها: ووجع لا ترفعين صوتج!!!
مها بحزن وهي منزلة راسها:اسفه…
ام مها: عقابج راح يكوون انـ
مها قاطعت امها:يمه شنو عقاب والله حرام…
ام مها: لا .. انا ما راح اخليج تفلتين من يدي كذا بسهوله…
مها يقلة حيلة:انزين شنو العقاب؟؟؟
ام مها: بكرى راح تروحين للمدرسة وإنتي ما جهزتي غير ملابس المدرسة!!!
مها: لا ..لا..لا أي شئ الا هذا..والله حرام…
ام مها: انا حلفت .. وانا ما راح اصوم ثلاث أيام عشانج…!!!
مها تجاري أمها كأنه شي عادي وقالت بحزن وضيقة: انزين مو مشكله عندي جاكيت نفس الوان المدرسة والاكسسوارات عندي…((**الاكسسوارات شئ مهم عندهم وخاصة ,,وهم بأخر سنة ثانوي))
ام مها: عشان تتعلمين الدرس..!!…
ام مها تذكرت موضوع وقالت بعصبيه بعصبيه : مها تدرين ان اللي تسوينه حرام .. حرام تضحكين على الهندي لانها خلقة رب العالمين!!!
مها: اسفه…بعدين يا يمه هو ما يفهم عربي..!!
ام مها قالت وهي معصبه وتصارخ : مو كل ما سويتي خطأ تتاسفين لان الاسف ما ينفع في كل وقت… تدرين ليش؟؟ لان هذاك الهندي اللي سبيتيه ..طلع موريتاني يعني يفهم عربي.. وفهم كل كلمة قلتيها.. قولي لي اللحين شلون شعوره هالمسكين؟؟ نفعه اسفج؟؟؟
مها مصدومه ومو مصدقه وبصوت رايح شوي:يفهم عربي!! يعني سمع الكلام اللي قلته…
ام مها : ايه سمع كل شئ!!!
بعده سكتوا الثنتين لحد ما وصلوا للبيت…
مها حست بتأنيب الضمير ووووووايد قووووووي..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة 5 العصر…
المكان: قدام بيت شوق
قدام بيت شوق كانت فيه سياره G.X سوداء واقفه .. وداخلها غاده والسواق وعمة غاده …
غاده وهي تدق من جوالها على شوق..وقالت بينها وبين نفسها: اففف هذي ما ترد؟؟؟
عمة غاده: دقي عليها بعد..
غاده تدق وتدق على شوق .. تبي تقول لها تطلع برى…
غاده وهي تدق ردت شوق: نعم؟؟؟
غاده: شووواقتي يله انا عند الباب بسرررعه إطلعي…
شوق: تأخرتي غاده..!!
غاده: اسفه..صار لي ظرف.. بس تعالي بسرعه عشان بنمر هنووده…
شوق: أوووكيه.. دقيقه بالكثير وأطلع لج..
بعد دقايق تقريبا طلعت شوق من بيتهم…
وركبت السيارة…
شوق وهي تسكر الباب: السلام…
غاده وعمة غاده: وعليكم السلام…
شوق: يله عشان ما نتأخر على هنودتي…
غاده: بابو.. حرك روح بيت بابا ((سعيد))((**بابو هو السواق))((**بيت بابا سعيد هم بيت عم هند))
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:5 وربع
المكان:غرفة هند…
هند جالسها بغرفتها وتكلم بالجوال صديقتها ساره
هند:هههههههه
ساره: ايه والله ما اكذب .. تصدقين قالت كذا…!!!
هند ماتت من الضحك:هالبنت هذي مجنونه …هههههههههههههههههههههه
ساره: هند ان شاء الله دوم هالضحكه((**ساره تحاول تنسي هند همومها الصعبه))
هند: تصدقين يا ساره ان همومي اللي كبر البحر والجبل .. ما انساها اللي معج انتي وغاده وشوق ونوف وأكيد مهوووي..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:5 وربع
المكان:قدام بيت هند
غاده: افففف هند جوالها مشغول…
شوق: اوكيه انا بنزل وناديها…
غاده: لا .. لا يا غبية عمها عصبي ويمكن يذبحج!!!
شوق: لا هي أصلا تقول ان عمها نادرا ما يجي البيت…
غاده:زين لو كان داخل اللحين!!!
شوق: لا ان شاء الله ما يكون داخل…
ونزلت شوق بسرعه..
ودقت الجرس فتحت لها الخدامه الفلبينيه:YES …WHAT DO YOU WANT???
((نعم… وش تبين؟؟))
شوق:I WANT HEND…PLEASE
((ابي هند.. لو سمحتي))
الخدامه:OK..COM EON….
((انزين تعالي))
شوق راحت ورا الخدامه وهي تتأمل البيت الكشخه .. هي صح بيتهم كشخه وبيت غاده كشخه بس بيت هند يشرح الصدر من وسعه وديكوراته…
وهي مو اول مره تدخل بيت صديقتها هند !!! … هي دخلته بس دخلته من زماااان
قطع حبل أفكارها صوت رجال غريب يقول للخدامه:WHO IS SHE???
شوق إرتبكت وماتت خوف قالت بقلبها وهي تبلع ريقها((أكيد هذا عم هند العصبي))
عم هند بعصبيه:نعم … أي مساعده؟؟ وليش جايه؟؟
شوق بخوف وارتباك : لو سمحت ممكن هند.. انا زميلتها…
عم هند عطاها ظهره وقال: شوفيها فوق ولا تتأخرين لج 5 دقائق بالكثير .. وبعدين ما ابيج تدخلين البيت مره ثانيه ..لاني بكل بساطه ما استقبل صديقات هند..وهالمره سماح لانها بتكون اخر مره فاهمه؟؟؟…
شوق بخوف: ممم … مشكور …ع ..ممي
وطلعت ركض على فوق .. وعلى طول فتحت الباب على هند اللي طاقتها سوالف…
شوق فتحت الباب بسرررررعه وقالت : هندوووووووووووووووه
هند فزت من الخوف: يمه ..يمه شوي شوي خوفتيني!!!
هند كملت المكالمه:اوووكي سارونه أخليج هاللحين ..
شوق:يالخايسه إلبسي عباتج وامشي خلصينا وحنا صار لنا ساعة ننتظرج تحت…
هند: اوووه… اسفه نسيتكم.. اوكيه انا اللحين جاية…
شوق: يله بسررررعه…
هند وهي فاتحه كبتها تدور عبايتها: انتي انزلي وانا اجيكم…
شوق: والله لو اموت ما انزل تحت.. عمج هذا مرررعب…
هند بضيقه صدر قالت: شنو؟؟؟ عمي تحت؟؟..!!
شوق: إيه.. وما راح أنزل إلا وإنتي معي..
هند:ههههه يعني بتجلسين طول اليوم هنا؟؟؟
هند قالت بينها وبين نفسها: الله يستر لو ما خلاني أروح معهم..!!
شوق: لا بس بنزل معاج…
هند وهي تلبس عبايتها:يله انا خلصت ..أمشي تحت…
هند كانت تمشي قدام شوق”لان شوق خوافه” وعند نهاية الدرج وقفت هند فجأة ..لان عمها وقف قدامها…
عم هند: على وين إن شاء الله؟؟
هند وهي تبلع ريقها: بروح اشتري حاجيات المدرسة عمي…
عم هند ببرود:مع من؟؟
هند:مع شوق وغاده..
عم هند: أنا قلت ما فيه طلعة من البيت اليوم..وانا عمج يعني لو قلت لج ما فيه طلعه يعني ما فيه طلعة..
هند بصوت مرتفع شوي: أرجوك عمي..
عم هند وهو يصارخ: ..إنتي وحده ما تربيتي وانا اللي بربيج يا قليلة الادب…تصارخين بوجه عمج يا قليلة الادب…!!!
شوق طاح قلبها ببطنها من الخوف ..وتجمدت بمكانها من الخوف..
نزلت هند رأسها..
شوق طالعت لهند ولعمها..
وطلعت برى البيت..
غاده شافت شوق متجهه للسيارة وفتحت غاده الباب لشوق…
شوق وهي تسكر الباب ميته خوف: يمه..يمه.. هذا عمها شراني..
غاده: قلت لج..يا حياتي يا هند والله ما تستاهل..إلا وش سوى لج؟؟
شوق: اللحين قاعد يصارخ على هند .. وانا جيت هنيه..
عمة غاده: يصارخ عليها..!! حرام عليه..!!
شوٌق: والله إنج ما تعرفينه يا خالتي عدل.. الله يعين شووواقي عليه صراحه..!!
غاده بعصبيه: صج ..انج انانيه .حرام تتركين هند لحالها هناك مع عمها الوحش!!!
شوق: والله راح تعذريني لو كنتي شايفة .. وجه عم هند وهو يصارخ!!
أم غاده: غاده.. وش تبينها تسوي يعني؟؟
((**كل هالكلام والسيارة كانت موقفة))
عمة غاده:طيب حنا اللحين وش سنوي..اقول للسواق يحرك؟؟
شوق: والله ما ادري..بس قلبي حارقني على هنوده…
غاده:ما اظن ان عمها بيخليها تروح..
شوق:أوكيه.. قولي للسواق يحرك..والشكوى لله..
غاده:بابو…حرك..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:6 المغرب…
المكان:بيت نوف…
نوف كانت تشوف التلفزيون ومعها ابوها..
نوف: كح كح كح كح
ابو نوف: بسم الله عليج يا بنيتي من امس وانتي تكحين .. شكلج تعبانه.. تروحين معي للمستشفى؟؟
نوف بصوت مزكم: لا لا يبه عادي.. امي تعطيني علاج وان شاء الله اخف..كحككحك
ابو نوف: براحتج .. بس انتي لازم تروحين للمستشفى..مو عشان العلاج..لا عشان تاخذين اجازه طبية ..مو بكرى المدارس؟؟ وانتي ما راح تروحين للمدرسة لانج مريضة..
نوف بسررعه: لا.. لا .. انا مجهزة للمدرسة ومخلصة.. وعادي اللي فيني زكام..مو سرطان!!
ابو نوف: بسم الله عليج من السرطان ..
نوف: تسلم .. يبه..وبعد الشر عنك يالغالي
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:6 ونص المغرب..
المكان:الستي سنتر
غاده تمشي ومعها شوق .. ودخلوا محل ” NEXT” لانه محل شوق المفضل..
شوق وهي داخل المحل: دوو ..تعالي شوفي هاي النعال السوداء..كشخه .. شرايج اخذها للمدرسة؟؟
غاده: يا الخايسه.. سبقتيني واخذتيها .. والله يقطع القلب .. رووووعه..
شوق شافت قلادة أعجبتها واجد.. وفكرت بفكرة..
شوق: غاده..
غاده: هلا؟؟
شوق: شرايج لو شرينا للشلة نفس هالقلادة كلنا..!!
غاده : فكرة حلوووه.. يله..
وبعد وقت خلصوا شنط ونعال ((أكرمكم الله)) وكل شئ..
ورجعوا للبيت..
وأول شئ نزلوا شوق..
شوق: مع السلامه..وتسلمون.. ما قصرتوا..
عمة غاده: العفو..
وأول ما دخلت شوق البيت لقت أمها جالسة بالصاله..
أم شوق: ليش تأخرتي..!!
شوق:يمه انا بنام اللحين بكرى مدرسة .. وبكرى اقولج ليه تاخرت.. ولو اني طلعت الساعه 5 ورجعت 8 يعني فترة قياسية…
أم شوق: يله روحي نامي بكرى وراج مدرسة…
شوق : انزين…
ام شوق: ايه تذكرت دقوا عليج سارة ونوف يبونج…
شوق: انزين بعدين ادق عليهم..
وراحت فوق لغرفتها ونامت…
بس كانت تتقلب بالسرير ماخذه هم صديقتها ((هند)) المسكينه…
}طبعا ولا بنت من الشلة نايمة هالوقت.. لأنهم متعودين على اجازة الصيف}
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:6 الصبح
المكان : المدرسة الثانوية للبنات
في هالوقت المدرسة كان فيها بنات شوي .. ينعدون على الاصابع…
بعد وقت قصير جت نوف .. وبعدها.. ساره .. وبعدها .. شوق.. وبعدها ..سارة .. وبعده..مها
إجتمعوا وقعدوا يسلمون على , وفرحانين..وجلسوا في الكافتيريا يسولفون من بعض قبل تبداء الحصه الاولى…
نوف بصوتها المزكم: أه .. يا حلو إنج تروحين للمدرسة وتكونين في أكبر صف…
شوق:ايه والله…تحسين ان المدرسة تحت يدج هههه
سارة:نوف…شكلج مزكمه؟؟؟
نوف ببسمة :تو الناس!!! تصدقين سألتيني مقدمة ووواجد!!
مها: يع ..يع ..وووع …أكره اكون في اكبر صف بالمدرسة ..وووع
سارة:هههه أكيد ..لانج من المفروض تكونين بصف اول ابتدائي ههه
مها: سويران…اكلي تبن…
سارة:بناااات تراهم بيغروون مكان الصفوف خلونا نـ؟؟
قطعت كلامها شوق: لحظه ..لحظه وين هند؟؟؟
غاده بخوف:يوووه..شوق تذكرين امس..انا خايفه عليها…
نوف:ليه وش فيها امس؟؟
شوق:سالفه طويله ..بعدين اقولكم …ايه صح يا غاده حتى انا خايفه عليها
مها: صح ان هنوده هادئه… لكنها تعطي جو بالشلة…وما احس بطعم الاستهبال على الابلات من دونها…ههههه
نوف:مها عاد بليزززز..حنا اخر سنة والمفروض نعقل…
مها:لا يا غبية حلاتها في اخر سنة!!!
غاده وقفت بسرعه وخذت شنطتها وقالت:يله بنات خل نحط شنطنا في الصف!!!
سارة:أوووكيه ..يله بنات..
و داخل الصف…
مها:يع الصف مب حلو .. كتمه..
سارة:لا والله يجنن .. بس إنتي عشانج ما تبين ثالث ثانوي قلتي الصف مو حلو…
نوف:لا ..معها حق سوسو… الصف كتمه حده…
غاده:اففف الله يعين بس… شكلي بموت في هذا الصف..يع
وكل وحده إختارت لها مكان من الشلة ((وكانت الشلة اول بنات يدخلون الصف))
((نظام ترتيب طاولات الصف 2 بجنب بعض))
نوف جلست في الطاولة اللي قدام .. وجلست بجنبها سارة…
في الطاولات اللي بالنص مو قدام ولا ورا جلسوا غاده و شوق…
وفي أخر الصف جلست مها وكانت حاجزة مكان لهند بجنبها…
غاده بعد ما جلست وقالت بإتسامة:بنات ..مو كأننا بزران على طوول حجزنا الاماكن؟؟
البنات تذكروا وضحكوا:ههههههههههههههههههه
سارة:خلاص…خلونا نحط شناطنا .. ونطلع نتمشى …
نوف:لا ..لا ما لي خلق تمشي أنا بجلس تبعانه…
شوق:وأنا بجلس مع نونو…
سارة : بكيفكم يله …مها ..غاده
غاده كأنها تذكرت شئ:اوووه!!! بنات قبل لأطلع تذكرت…
البنات:وش تذكرتي؟؟؟
غاده:انا وشوشو امس شرينا قلايد كذكرى للشلة كلها …
مها:لا والله؟؟؟ حنا طرارين عندكم تتكرمون علينا؟؟؟شكلكم شايفينا نطر؟؟؟
غاده:لا والله ما قصدي شئ .. بس حبينا انا وشواقي لو نطقم الشلة كلها…بس انا نسيت لأجيب القلايد..!!
نوف:خيرها بغيرها..بكرى إن شاء الله…
طلعوا سارة ومها و غاده…
وجلس بالصف بس نوف وشوق…
نوف:شوق …وش صاير لهند أمس؟؟
شوق قالت لنوف كل شئ من اول ما طلعت من البيت لحد ما رجعت …
نوف:عمها هذا قاهرني..الفلوس معميه عيونه…
شوق:ايه والله وانتي الصادقه…الفلوس وما تسوي..
وشوي الا دخلت شلة بنات من ثاني ثانوي…وهم كانوا4 بنات
شوق ونوف يطالعون البنات.. لانهم يدرون انهم ثاني.. وش مدخلهم هنا؟؟
شوق تذكرت وقالت بصوت عالي: نسيتيهم نونو؟؟ هذولا اللي كانوا باول ثانوي وحنا بثاني ثانوي… وجوا يقولون
إنهم معجبات فيج…يعني السنة اللي فاتت
نوف تذكرتهم:اهااا!!!
بنت من البنات اللي دخلوا:ما شاء الله عليج يا شواقي ما نسيتينا؟؟؟
شوق: نعم ؟؟خير؟؟؟شتبين؟؟
بنت من البنات:انا جاية بسلم على نوف لاني اشتقت لها..
نوف طالعت للبنت بنص عين وقالت: ومن متى المعرفة عشان تسلمين علي؟؟
نفس البنت:نوف.. إنـــــ
نوف وقفت بسرعه وبعصبيه وقالت: واللي يخليج اطلعي برا..
البنت بهدوء وابتسامة:واذا قلت لج اني ما ابي اطلع؟؟
فجأة دخلت عليهم سارة أم لسانين.. ههه
سارة بعصبيه:والله قلة ادب…يا بنت حنا باول السنة…انتي وحده مجنونة..ربي يشفيج..
مها:خخخخخخهههخخ …والله موب مصدقه …عاد أوووول يوم بالمدرسة ..ههه
البنت تعدتهم وطلعت ..
ساره: أستغفر الله..!! الله يشفي المجانين
البنت رجعت ورى وقالت: نعم ..نعم..شنو قلتي؟؟..!!
((**سارة وحده ما تحب اللي يغلط عليها نهائيا.. ))
ساره: أقول اللي أنا أبيه إنتي وش تبين؟؟…!!
البنت: لأنج خوافة ما تقولين الكلمة..!!
إبتسمت ساره وقالت: قلت إستغفر الله.. والله يشفي المجانين .. عندج مانع؟؟..!!
البنت طالعت لساره من فوق لتحت.. وساره رجعت لها النظرات..!!
سارة:خليني بس اشوف رقعة وجهج هنا… والله لاخليج تندمين على اللحظة اللي انولدتي فيها!!!
البنات وشلتنا …ما حسوا الا ..إخصائية شؤون الطالبات وقافه عند راسهم..
الاخصائيه:خوووووش…اول يوم وهواشات..هاه؟؟؟
مها بتضيع السالفة:أووه…اهلين ابلة – نجاح – شلونج من زمااااااان ما شفناج؟؟
الاخصائيه:الحمدلله…
نوف:يا ابلة نجاح…هالبنات جايين عندنا ويبون يتمشكلون من أول يوم..!!
اخصائية نجاح وهي تناظر البنات :انتوا مو اول مره يشتكون منكم بنات عن هالسوالف الماصخه…صح ولا لا؟؟
البنت سكتت ما قالت شئ…والبنات اللي معها منزلين راسهم…
مها:لا يا ابله… وجايين اول يوم دراسة بعد.. !!! خليهم يختارون الاوقات..
الاخصائيه تقول للبنات اللي جوا عند نوف: يله…يله قدامي…انتوا ما راح تتركون حركاتكم الغبيه!!
طلعوا البنات الغبيات ..ومعهم ابلة نجاح…
نوف:هههههههه…شفتي وجههم سوسو؟؟
سارة:هههه .. شرايكم فيني؟؟قووية وشجاعه..
غاده:والله هالبنات عندهم مرض نفسي!!!من اوول يوم؟؟
الشلة كلها صارت تضحك على غباء البنات…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
بعد وقت إكتملت المدرسة كلها تقريبا…
داخل الصف:ثالث ثانوي 1
دخلت أبلة دوبااااا حدها وعبده, أسنانها مفرقة عن بعض ولابسة جلابية حمراء وحجاب عنابي وعيونها يا دوب تبين من خدودها الطايرة على فوق…(( اللهم لا شماته))
وجلست على الكرسي.. وسلمت على البنات…
الابلة:معكم ابلة .. مها.. مدرسة مادة الأنجليزي…
وقفت مها و قالت بلا وعي بشهقة قووويه واشمئزاز:انتي مثل اسمي!!! يع يخ ووووع..
((بعدها ضحكوا بنات الصف بقوووة))
((اما مها واقفة متصنمة..توها تثمن كلامها..خااااافت..لانها قالت ذاك الكلام بلا وعي..كيف بتتصرف معها الاداره باول يوم ..وهي بثالث ثانوي!!))
الابلة وعيونها صارت حمراء وماسكه اعصابها: نعم؟؟؟عطيني اسمج اللحين!!!
مها:اسفه..اسفه ابلة مها..ما كان قصدي اجرح مشاعرج والله…
الابلة بعصبيه:انا ما راح اسامحج نهائيا..اللي اعرفه ان اسمج مها..بس شنو اسم ابوج؟؟
مها تذكرت كلام امها لها بالسيارة امس..وقالت بينها وبين نفسها:يا ليتني طايعة كلامج يا يمه..الاسف ما يداوي الجروح..عاد من سوء حظي طحت بيد هالابله اللي ما ترحم ..شكلنا بنصير انا وهالابلة عدوات من بداية السنه..بس حرام انا احب الانجليزي..وهي ابلة انجليزي!!وش هالحظ!!
الابلة: وين رحتي؟؟؟ يله اسم ابووج..
مها بترجي: ابلة … انا من قلب اسفه… عن جد اسفه ..اوعدج وعد ..وعد ما راح اعيدها..والله..
الابلة بعصبيه وصرااخ: اسم ابووووووووووووج بسرررعه..انتي وحده ما تربيتي …
مها بعد ما فقدت الامل قالت بإبتسامة غبية:اووكيه… يعني بتخلينها عداوة بيني وبينج هاه..انا ما عندي مشكله ..عادي..واسم ابوي ما راح اعطيج ياه فاهمه؟؟
((مها وحده متهوره .. وما تدرس الكلام قبل لا تقوله))
وقفت غاده بسرعه بتغطي على الكلام اللي قالته مها:ابلة مها… ارجوج ولي يرحم والديج سامحيها.. هي طبيعتها كذا… وان كان لي عندج خاطر سامحيها
الابلة بعد ما هدت اعصابها:اوووكيه عشانج بس يا غاده ولانج غاليه على قلبي…
مها وباقي الشلة وبنات الصف ..فتحوا فمهم ..مو مصدقين..هذي الابله تعرف غااده..ولا بعد.. تغليها!!!
الابلة:بس ..بشرط..
غاده:امررري …
الابلة: توقف ورا وترفع رجلها..
مها : لا والله؟؟ احلفي!!!وقفة ما راح اوقف…
غاده: مهاوي…خلالالاص ..احمدي ربج انها ما ودتج عند الاداره..واظنج تعرفين كيف راح تتصرف معاج الادراه!!! خاصة باول يوم دوام!!
مها:مو عشانج يا ابله عطيااااااااات عشان دودو…
الابلة ماسكة اعصابه وعاضه على شفايفها:نعم؟؟؟ شنو عطيات؟؟!!! انا ابلة مها..
مها وهي معطيه الابلة ظهرها تمشي بتروح ورا وقالت :لا .. انا ما راح اناديج مها…
الابلة قامت من مكانها معصبه بيتروح عند مها بتوريها الشغل..ومها تناظر الابلة بنظرات بارده يعني((تعالي عادي))…
وقفت غاده وقالت للابلة…
غاده:ابله مها…انا قلت لج ان مها هذي طبيعتها..عشاني ..وان كان لي عندج خاطر سامحيها..
الابلة:هذه ثاني مره أسامحها
غاده: ابلة مها..ارجوج…
الابلة سكتت وضلت تطالع لمها بعصبيه..
ورجعت الابلة لمكانها..
غاده تطالع مها نظرات كأنها تقول((لا تعيدينها))
رجعت الابلة تتعرف على البنات وحده ..وحده..
الابلة تأشر على نوف وقالت: وانتي وش اسمج؟؟
نوف وقفت وقالت:نوف…
نوف كانت جالسة بجنب غاده…
الابلة:انا عارفه اخلاقج..اكيد حسنة..لانج جالسه بجنب غاده.. وشكلج صديقتها صح؟؟
نوف:ايه ..يا ابلة صديقتها..
الابلة:أيـ
قطعت مها كلام الابلة وقالت:يا ابلة عطيات…تعبت .. رجولي تخدرت من الوقفه…
الابلة:تستهايلن..وانا اصلا موقفتج عشان تتعبين..
مها بدون نفس:طيب…انا بعد صديقة غاده ونوف..معناها اخلاقي حلوه..عشان كذا جلسيني…
الابلة بصراخ:مهااااااااااااا…خلاص انا قلت وقفي..
مها بصوت متضايق وبدون نفس قالت:انزين..
((**وكل دقيقه ..مها تترجى الابله تجلسها.. الى ما طفشت الابله وقالت:
الابلة بقلة حيلة: اجلسي ..خلالالالالالالالالالالاص…
مها رجعت لماكنها ووقفت وقالت والابتسامة شاقة حلقها:انا اسمي مها حمد المحمد…
الابلة تطالع لمها بكل إستغراب..!!
الابلة:مها…شكل هذا من فوائد الوقوف ..والله زين..كل ما سوت وحده غلط..وقفتها هه
((**واستمر اليوم حصه بعد حصه وابلة تدخل وابلة تطلع من الصف الى ما انتهى الدوام))
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
PART NUMBER ((3))
الساعة:5 ونص المغرب…
المكان:بيت هند
هند جالسة في غرفتها .. حابسة نفسها بغرفتها من امس!!!
وجالسة على اللاب توب…
تسمع موسيقى هادئه وحزينه…
وشوي الا دق جوالها..
هند:الو..
شوق:الو .. هنوده..حياتي ليه ما رحتي للمدرسة اليوم…بخير انتي..خفنا عليج وايد..ليه ما خبرتينا انج ما راح تداومين؟؟!!!
هند تضحك:ههه ..شوي ..شوي..شوشو حياتي سؤال سؤال…
شوق:انزين …اول سؤال يا طويلة العمر:شلونج..إن شاء الله بخير ؟؟؟
هند:ههه..ايه..دامج بخير انا بالف خير…
شوق:ثاني سؤال – ليه ما داومتي- يا طويلة العمر؟؟؟
هند:هههه ..كأني بلقاء صحفي هههه..
شوق : هههههه
شوق:هاه ما جاوبتيني – ليه ما داومتي -؟؟
هند:ما لي خلق…
شوق:حلوه هذي ما لي خلق!!!
هند:شواقي ..إنتي عارفه امس وش صار معي ومع عمي!!!
شوق:يا قلبي إنتي..والله ما تستاهلين..عمج المقرود هذا وينه اللحين؟؟
هند:هههه حلووه – مقرود – هههه…
شوق:ايه..المقرود وينه؟؟
هند:سافر لليابان..ويرجع بعد شهرين…
شوق شهقت وقالت: بعد شهرين!!! وإنتي؟؟ تجلسين بالبيت لحالج مع الخدم!!!
هند:هذا السؤال اللي كنت ابيه…
شوق:شنو قصدج؟؟
هند: قصدي ان فيه خبرررر حلووو…
شوق:شنو؟؟
هند: عمي قبل ليروح للمطار قال لي بدون نفس ..انه بيتأخر..وقال لي روحي عند أي بيت …
شوق:من صدقه هذا؟؟أي بيت!! ما فيه حنيه شوي!!
هند:من خلقته ما فيه حنيه…بس هاه وين اروح؟؟عندج ولا عند باقي الشلة؟؟؟
شوق بفرحه: تعاااالي عندي..امانه..تكفى…
هند بتفكير:امممم؟؟؟ ما ادري بدرس الكلام واشوف …ههههه
شوق:لا..لا..تجين عندي يعني عندي فاهمه..
هند:يصير خير..
شوق:أوكيه ..اخليج اللحين..امي تناديني…
هند:مع السلامه..
شوق قالت بسررعه:لحظة ..لحظة..هند ..هند..
هند:نعم؟؟
شوق:بكرى تداومين للمدرسة؟؟
هند:ايه ..إن شاء الله..
شوق:ترى بكرى سارة بتجيب الـ I pod حقها … و نوف بتجيب ال MP 3 حقتها…يعني كلنا بنجيب الـMP 3 والI pod حقنا…
هند:غرررريبه!!!نوف رضت؟؟
شوق: ايه رضت…بعد ما متنا وحنا نقنعها…
هند:وليه بتجيبون الاجهزه؟؟
شوق:بس… نستمتع فيها…
هند:اوووكيه..انا بعد بجيب معكم…مع السلامه.. بروح اصلي المغرب
شوق:الله يسلمج…وانا بعد رايحه اصلي المغرب..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:7…بالليل
المكان:بيت نوف…
نوف جالسة تتصفح مجلة أزياء…
قالت نوف بينها وبين نفسها…
افففف … ما فيه أزياء ولا فساتين روعه…كل ماله يخرب تصميم المصممين…أنا شكلي من اليوم ورايح راح اعتمد على تصاميمي… امممممم ؟؟؟ايه ليش لا؟؟؟تصاميمي كشخه حدها…
تذكرت نوف خطة الشلة بكرى … وركضت على درجها تجيب الـMP 3 وفتحت الشنطه عشان تحطه فيها عشان ما تنساه بكرى…اول ما فتحت الشنطة الا شافت ورقة داخل الشنطة.. فتحتها وكان مكتوب فيها هالكلام:::
اهلين بالغاليه نونو((نوف))
اولا شلونج وشنو اخبارج؟؟؟
انا احبج مووووووووووووووت ..وحدي معجبة فيج.. بس..إنتي ليه ما تحسين فيني؟؟
والله حرام ..انا اتعذب يوميا عشانج…
إنتي بنت كشخه وتخبلين..وتجنين اللي ما ينجن…
بس للأسف إنتي ما تعطين هالجمال حقه..يعني المفروض تستانسين فيه …
أنا ماحبيت أكثر عليج واتعبج بكلامي..
سي يووو هوني…
من المعجبة فيج: فرح صالح((**فرح هي نفس البنت اللي جتها اليوم في المدرسة))
00000000000000000000000000000000000000000000000000 0000
نوف متأكده إن هالبنت تلعب عليها.. ولا ما كان عاملتها هالمعاملة..!!
هالبنت لعابه لأبعد الحدوود..
نوف ضحكت من قلبها.((**.من حقها)) …هالبنت هذي وحده مجنونة على قد عقلها!!!
نوف:هين…شغلها عندي..موب نوف بنت فايز اللي تضحكين عليها .. صج بزران..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:6 ونص..قبل بداية الحصة الاولى بـربع ساعة تقريبا…
المكان:الصف الثالث ثانوي 1 ((أدبي))
كانوا الشلة متجمعين بالصف ويسولفون((خبركم ثالث ثانوي**))…
وكانت معهم ((هند))لانها داومت اليوم…
نوف:بناااات تعرفون البنت اللي جتني امس في المدرسة؟؟
شوق:ايه…وش فيها…
نوف وه?
