عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف حالكم يا عسولات
مشكلتي باختصار إن زوجي اكتشفته يتجسس على مكالماتي الهاتفية
البداية إنه:
1- ركبلي تلفون أرضي بدل الهوائي إللي كان عندي
2- ثلاث أيام متواصلة ومعاه كهربائي يصلح في أسلاك البيت من برا وجوا الخاص بأفياش التلفون
3- جابلي تلفون لا سلكي
4- مرة كنت أبغاه يودي أولادي للتحفيظ في العصر اعتذر بأنه مشغول جدا
5- وفي نفس الوقت كنت أكلم أختي بالتلفون وأسمع صوت بيب بين كل فترة وفترة صادر من تلفوني
سألت أختي هل تسمعي شيء: قالت لا
قلتلها تأكدي لأني أنا أول مرة أسمع زي كذا
برضها ما انتبهت
6- أما المصيبة والفاجعة
إني اليوم كنت أنا وأولادي في السيارة وخرج زوجي يجيب أغراض من السوق
راح ولدي قفز على آخر مقعد في السيارة ولقى مسجل
قالي ببراءة يا ماما لقيت مسجل وأشرطة جديدة
شكيت في الموضوع
قلتله هاتها بسرعة
للأسف مكتوب على الجهاز بالإنجليزي: أتومتك تلفون ريكوردر
يعني جهاز تسجيل مكالمات هاتف أتوماتيكي
خلااااااااااااااااااااااااص أعصابي فااااااااااااااااااااارت
دخل زوجي السيارة ولقى الجهاز بيدي راح أرتبك
قلتله: أيش هذا؟
قال هذا الجهاز كان عندي من أيام طليقتي وأنا أصلا ناسيه بس أختي اتصلت وقالتلي ترى في أشياء أنت ناسيه عندي ببيتي ورحت عندها وأعطتني الأغراض من بينها هذا الجهاز
طبعا أخته سكنت في بيتي القديم وأنا نقلت لبيت ثاني
قلتله: غريبة هذي المصادفة
قال: طيب هاتي الجهاز
أعطيته إياه وراح خرج من السيارة وفتح الباب الخلفي وطلع جهاز ثاني كمان وراح كسرهم قدامي في الشارع وقالي: ها ارتحتي
دخل السيارة وأولادي سألوه ليش كسرت الأجهزة
قالهم: عشان أدحر الشيطان
استغربت يعني طلعوا جهازين ونفس الشكل, واحد لي والثاني لطبينتي لأنه هو متزوج بأخرى
هذا طبعا تفسيري
عاد طبيني ما شاء الله عليها لو مسكت التلفون تقرقر عشرين ساعة
الله يستر علينا يا رب
لكن قلبي ما ارتاح
زي ما قدر وأشترى جهازين يقدر يشتري بدالهم خمسين جهاز
وهذي الحركة حسيتها لعبة يضحك بيها قدامي
وشكله يحسب إن أولادي قالولي إنه في جهاز ثاني ورا وخايف لأقول لطبينتي
طبعا أولادي ما شافوا الثاني أصلا
رجعت البيت واتصلت على أخته وسألتها هل أعطيتي لزوجي أشياء كان ناسيها؟
في البداية قالت : لا بس هو اتصل على زوجي وطلب منه أغراض وزوجي أعطاه إياه!!!!!!!
رحت قلتلها إنه قال إنك أعطيتيه بنفسك أشياء ناسيه بالبيت
فعشانها أصيلة وما تبغى تخلي أخوها كذاب قالت: أيوه أعطيته كيس بس ما أدري أيش فيه؟
طبعا كلامها الأخير ما دخل بدماغي أبدا
يا بنات أيش رأيكم في كل إللي حصل
هل فعلا هو كان يتجسس
أدري سؤالي تافه
لأنه الجواب واضح
بس ريحوني بآرائكم السديدة مع هذا الزوج الجاسوس
لا تقولولي إذا أنتي واثقة من نفسك طز فيه
طيب أيش ذنب أهلي وصحباتي يقعد يتجسس على خصوصياتهم
البيوت أسرار
وأيش ذنبي لو كنت أبغى أفضفض وأحش فيه شوي 😆 🙂
والله لو أهلي يدروا يقلبوا الدنيا عليه
بس أنا نقطة ضعفي أولادي الخمسة
الله يصبرني بس
