عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا يا بنات.۔ حابه أسأل إلي مرت بمثل حالتي يا ليت تفيدنا
أنا على الإسبوع 32 (يعني أول الثامن) نزلت علي سدادة الرحم إلي هي عباره عن دم بني مع إفرازات لزجه بس ما كنت حاسه بشي ثاني أبدا.۔
توجهت للطوارئ وقالت لي الطبيبه بعد الكشف انهالرحم Hعندي منفتح 1.5 سم وعندي تقلصات خفيفه (رغم اني ما كنت أحس بشي غير آلام خفييييفه جدا مثل الدوره) بس قالت أنه هالتقلصات تكفي انها توسع الرحم أكثر وتتسبب في ولاده مبكره لا سمح الله.۔
على طول عطوني أول جرعه لإبرة الرئه وعطوني بعد إبرة البيثادين علشان تخفف التقلصات وفعلا توقفت التقلصات بس أول ما راح مفعول الإبره رجعت التقلصات فقرروا يعطوني أتوسيبان لمدة 48 علشان يوقفون التقلصات ومن بعدها يراقبوني.۔ وكمان عطوني الجرعه الثانيه لإبرة الرئه بعد 24 ساعه من الأولى
المهم التقلصات توقفت على الدوا وراقبوني بعد ما انتهى الدوا لمدة 24 ساعه وفعلا التقلصات ما رجعت وقرروا يرجعوني البيت.۔
يعدها بكم يوم رجعت لي آلام الدوره مع تقلصات هالمره صرت أحس فيها وعلى طول رحت للطواريء وفحصتني الطبيبه وقالت الرحم ما زال على 1.5 سم والتقلصات خفيفه فرجعتني البيت فنفس اليوم
أنا الحين بالإسبوع 34 وآلام الدوره صايره تزيد علي بس بشكل خفيييف جدا مو مضايقتني لا هي ولا التقلصات بس حبيت أدردش معاكم عن تجاربكم مين إلي مرت بمثل حاالتي وشقد تمت لين ما ولدت؟
ولا مين إلي ولدت بالإسبوع 34 وشلون كان الجنين و هل تم بالحضانه ولا لا ولو تم بالحضانه كم يوم تم؟
