عالم البنات النسائي كل ما يخص المرأة العربية من ازياء وجمال والحياة الزوجية والمطبخ
****السلام عليكم ورحمة الله وبركاته ****
(هذا من فضل ربي ولا حول ولا قوة الا بالله )
******************************
بعد ما قرأت موضوع الاخت العقل الجميل حمستني أنزل أعمالي …وحامي حامي …
وهذا أول عمل لي وأنا توني ما أفك الخط في الكروشية حدي غرة أو ثنتين …لا حد يدقق ..ههههه
شنطة للبيبي ….لونها ابيض مع أزرق ولمسات الوردي ,,,الوان للجنسين ….
هذا شكلها من الامام …..طرزت Hope بالكتن برلية حشو وغرزة البذرة ….سويت شكل الفازة بقماش الجنز وحشيتها حتى تكون بارزة وثبت زهور وردية وطرزت قلب وحشيته بالبذرة …وزدت على الاطراف ترتر وردي لمعة الطيف وأزرق فاتح يلمع وردي ….
وهذا من الخلف نثرت بالكروشية زهور وحشيتها نفس الفكرة وزدت جيب وطرزت نفس الكلمة ولكن فقط بالترتر الازرق …
وهذا الجيب ….خليته وااااسع للمناديل وله خيوط زم بالسلسلة ونهايتها كرات وبتلات تطلع كأنها زهور ..وكمان السحاب …
ونفس فكرة الجيب سويت جيب على جنب للرضعة ……الارنوب داخل عرض خخخ
وهذي مماسك الشنطة على شكل ظفيرة ….
( يمكن لما تشتري أحلى وأريح ولكن لما تعملي شي بادينك ……والله فيه احسااااااس غير طبيعي ….جربي …..) ….للمعلومة ما كلفتني الا 25 ريال تقريبا …+ متعة
كلمة ما ماحبها وأحس انها التحطيم ( اشتري أريح ) 😆
ان شاء الله عجببتكم ……في أمان الله … 😉
