عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
قبل كدا كتبت هادا الموضوع
هل أنا واثقة بربي و متوكلة عليه أم انني باردة عديمة الإهتمام؟
http://satfrequencies.com/girls/alfrasha28/thread1817615/
و ردودكم ردتلي روحي الله يحفظكم و ما يحرمكم من غالي يارب
الوالد الله يشفيه و يطول في عمرو سوا العملية اليوم الصبح
و الحمد لله نجحت برحمة من ربي الحمد لله
فين المشكلة؟ المشكلة هو الفرق بيني و بين اهلي في التعامل مع هادا الموضوع
امي و اخواني و اخواتي ليهم كم يوم نفسياتهم تعبانة و من امس و طول العملية
اليوم و هما بكا و هم و غم لحد ما طلع الوالد بالسلامة و برضهم مكتئبين
اما انا فالحمد لله طول الوقت استغفر و اسبح و ادعي و متوكلة على ربي
و تاركة الوالد و حالتو على الله و مبسوطة و مرتاحة نفسيا و الله العظيم
لا قلق و لا خوف لسبب بسيط جدا و هو انو ربي قال انو عند ظن
عبدو فيه تانيا من يتوكل على الله فهو حسبه و ما خاب من توكل على
الله و ماخاب من قال يارب و الحمد لله على كل حال
يعني في شي اكبر و اعظم من الله نرمي حملنا عليه و نتوكل عليه؟
في غير ربنا يقدر يشفي الوالد و يرجعو لنا بالسلامة وينجح عمليتو؟ لا مافي
و ربي عند ثقة عبدو فيه و هو اللي قال هادا الشي
فليش ما اثق فيه؟ ليش ما استودعو الوالد و ما اخاف عليه؟
يا بنات انتو لو عندكم شي غالي خليني اقول طقم ذهب مثلا
و كنتو مسافرين
و اخدتوه و اعطيتو للوالدة تخبيه عندها على بال ما ترجعو
اكيد حتكونو مأمنين عليه و ماراح تقلقو و اتخافوا لأنو في مكان
أمين مع شخص امين صح؟
ربي هو الشخص الأمين اللي استودعتو الوالد و اتوكلت عليه عشان يحميه
و يشفيه
طبعا ماقصرت بالدعاء و الصلاة والاستغفار عشان ربي يفضل راضي عني
بس أهلي مرة مستغربين مني يقولولي انتي ليه باردة كدا
و الله اني قلتلهم كل الكلام اللي كتبتو لكم فوق فقالولي كلنا متوكلين
على الله و واثقين فيه بس هادا ما يمنع انو نخاف و نقلق
بس انتي باردة و ما تهتمي و…و…و..من الكلام الجارح
انا ما زعلت منهم اتذكرت لما قلتولي انو كل شخص يتعامل مع البلاء
و المشاكل بطرقة تختلف عن الاخر و قلتولي انو ايماني اقوى من ايمانهم
الحمد لله اتذكرت كلامكم و ما زعلت
بس بعد ما طلع الوالد بالسلامة و قعدت اقولهم شفتو الحمد لله ماصار شي
الحمد لله ربي لطف فيه و نجحت العملية قلتلكم خلو ثقتكم بالله و راح يجيكم
كل خير
تعرفوا ايش كان ردهم؟ كلهم قعدوا يدعوا عليا
قالولي ايمانك بالله قوي هادا يخصك ما يخصنا و بدأو بالدعاء
والسب و لكلام الجارح
يشهد الله يا جماعة الخير اني لما اكلمهم و اقللهم الله موجود و قوو ايمانكم
و الله مو عشان مسوية داعية و مطوعة زي ما قالولي لا و الله ربي
يشهد اني لما اتوكلت على ربي ارتحت كتير و قلبي مرتاح و مطمن
و انقهرت مرة لما شفت اهلي و خاصة أمي زعلانين و خايفين ويبكو
كنت ابغاهم يرتاحوا زي ما انا ارتحت و ربي شاهد بس مافي فايدة
مقتنعين اني باردة و عديمة احساس و ماعندي قلب ههههههههههههه
و الله اضحك من القهر الحمد لله على كل حال
كتبت هالموضوع عشان اطمنكم عالوالد و عشان اشتكي بما انو هادا
القسم موجود عشان نفتح قلوبنا
كمان ياجماعة ابغاكم دايما تتوكلوا على الله و تلجأو اليه و الله و الله
ما حد يقدر يمشي او يسير او يعمل اي شي في هادي الدنيا ايش
ماكان هادا الشي الا الله
خلو ايمانكم بالله قوي و ربي ما راح يخيب من امن فيه
و اعتمد عليه اذا دعيت ربك ادعي و انتي متأكدو انو
راح يستجيب لك اصلا كيف تخاطبي رب العباد القادر على كل شئ
كيف تخاطبي رب العباد الذي اذا قال للشئ كن فيكون
كيف تدعيه و انتي عندك شك انو ماراح يعطيكي؟ لا راح يعطيكي
انتي اعطيه الثقة و هو راح يعطيكي اللي تبغيه
و لا تيأسوا من رحمة الله لا تيأسو لا تيأسو
الله كبير الله موجود الله سميع مجيب معطي وهاب رزاق كريم
لا اله الا الله محمد رسول الله
اللهم لك الحمد ولك الشكر على جميع نعمك علينا التي لا تعد و لا تحصى
يا رب لك الحمد على ان قويت قلبي و ايماني بك
اللهم لك الحمد كما يليق بجلال وجهك وعظيم سلطانك على حفظك
لأبي و على انجاح عمليته
يا رب لك الحمد و لك الشكر على ان هديتني الى طريقك و طريق الصواب
يا رب لك الحمد على انك لم تخيب رجائي فيك
اللهم لك الحمد اللهم لك الحمد اللهم لك الحمد حمدا كثيرا طيبا مباركا فيه
