أنا و الحمل ؟ ارائكم حبيباتي

فراشاتي العزيزات حبيت اطرح موضوعي عندكم و ارائكم يمكن تدلوني للطريق الصحيح ❗

أنا تزوجت تاريخ 3-7-2010و في البداية لظروف الدراسة ما كنت ابغي احمل بالاتفاق بين الطرفين و كنت استخدم طريقة العزل يعني كل شي طبيعي بدون ادوية او موانع و صار لنا اللحين شهرين نحاول حق حمل بدون فايدة
و عندي كم نقطة حبيت اوضحها :
1- دورتي شبه منتظمة يعني احيان شهور تجي في نفس الموعد قبل بيوم عقب بيوم و بعدها تتاخر من يومين لخمسة و ترد تنتظم.
2- في البداية كنت الاحظ ان لون السائل المنوي عند زوجي مو ابيض مائل للشفاف اكثر من البياض و اوقات يكون بس شفاف و اوقات كثيرة يكون فيه بياض او يمكن لانه كل شي يتم في ضوء منخفض فمو واضح
3- للحمل كنت استخدم معرفة موعد التبويض و احسبه لليوم 14 و كنت اداوم على الجماع يوميا و قبل الدورة باسبوع اوقف لاني اعتقد انه ما في تبويض و ما يصيير حمل
الدورة في الشهور السابقة كانت تواريخها :
24-9-2010
24-10-201-
24-11-2010
و اليوم 1-12-2010 اخريوم لي و اغتسل منها و انا بودي يصيير حمل و مستغربة انه ما صار في الشهرين اللي راحو مع انه كان الجماع بشكل يومي

هل انا سويت شي غلط غفلت عن شي او ايام تبويضي غلط
و اللحين بديت اخد ملعقة عسل مع حبة البركة كمية كل يوم على الريق انا و زوجي ….. أدري انه توني شهرين احاول بس حبيت اعرف من البداية فيه شي غلط او لا 🙂

بس حبيت اشوف ارائكم و افيدوني بتجاربكم و لا تنسوني من دعائكم

و الله يرزق كل محرومة و كل وحده حامل تولد بالسلامة