أنا وسيارتي

صدر مرسوم ملكي بقيادة المرأة للسيارة

وكان شرط أن عمرها ما يكون أقل من ثلاثين

طبعا وش اللي صار بقدرة قادر بعدما كانت المرأة تفحط في عمر 25 مدة أربعين سنة
كل نساء المملكة صارت أعمارهم ثلاثين حتى طالبات الثانوي

وبما أن أختكم لحظة حنان تعدت الثلاثين بسنتين نطت نطة صقعت فيها بالسقف من الفرحة
أخيرررررا

بعدما كنت أقول لزوجي تكفى ودي أدخل المملكة والا الفيصلية

بأقول له اسمع يا فلان تراي بروح المملكة تخاويني في المشوار <<<< هذا إذا كنت راضية
أما إذا كنت زعلانة
بأقول له بروح أتمشى في المملكة انتبه للعيال <<<<<<< ونااااااااااااااسة

وسرحت في خيالاتي وأحلامي الجميلة
حتى صقعت في أرض الواقع
زوجي ملحط من وين بيجيب لي سيارة؟؟
سيارته ما طلعها إلا بقرض من البنك
وشلون بيطلع لي سيارة؟

بس ماااااااااااااااااااااااااااااالي شغل هذي مشكلته مو مشكلتي يدبر لي سيارة يعني يدبر لي سيارة لو بغى يتسلف والا يسرق

اللي صار أن الرجال كل يوم يجي من الدوام ما يلقى غداء ولا يلقى حرمة متكشخة
يلقى وحده نافشة شوشتها ومادة براطمها تبي تتهاوش

وبما أنه كثرة الدق تفتت الحصا
و لا يفل الحديد إلا الحديد

ما انفل حديدي إلا بحديد السيارة وأنا احضنها باستمتاع
سيارتي
لي ملكي خاصتي

وقبل لا أطلع الرخصة قلت باتمشى في حارتنا

بس سبحان الله عندنا ناس مايعرفون يوقفون سياراتهم زين عند بيوتهم صدمت في ثلاث سيارات

بكره لقيت كلللللل سيارات حارتنا مدخلينها في كراج بيوتهم
مدري ليه؟؟

المهم
قصيت الرخصة

كلولوولوولولولولوولولولولولوش

وأنا اللي أفرفر الرياض فرفرة
ما بقيت حارة ولا سكة ولا شارع ولا سوق ولا محل ما مريت عليه

بعد شهر زوجي بغى يطلقني بسبب مخالفات السيارة

بس مااااااااااااااااااااااااااااااااااااااالي شغل
سايقة سايقة الله لايعوق بشر

ومرت الأيام وتعدلت سواقتي وصرت فناااااااانه
أفن من أفن مفحط في الرياض <<<<< يمدحون التواضع

جاء زواج بنت عم زوجي
كششششششششششخه

مافيه شحاذه من يوديني للمشغل ومتى ارجع ومن يستناني
فريت في الأسواق لحد ما لقيت لبس رجعت البيت تروشت
دقيت سلف ورحت للمشغل بعدما نبهت الشغالة على العيال
طلعت من المشغل رجعت للبيت لبست وكشخت وقلت لعيالي تصبحوا على خير حبايبي أشوفكم بكرة ان شاء الله

حضرت العرس وأنا كلي فشخرة من قدي
معي سيارة
يوم وصلت القاعة وأنا اللي أشهق شهقة بغت تطلع روحي معها
سيارة أخته كششششششششششششششششخة
بغيت أموووووووت قهر
انتهى العرس

من بكرة
قومت الدنيا فوق راس زوجي
وش معنى أخته أحسن مني يوم أنها تشتري هالسيارة وأنا لا؟؟
ما علي
أنا منيب أقل منها
دبر لي سيارة كشخة
والحبيب يحاول فيني
يا بنت الحلال هذا موب فستان نروح نفصل بداله
هذي سيارة قيمتها تساوي ميزانية سنه كاملة وحرام شوفي هاللي معك كم مره صدمتي بها لو أبيعها ع التشليح ما بغوها
أختي زوجها تاجر وأنا على قد حالي

قلت له دبر عمرك دور وظيفة اضافية
إبحث لك عن مصدر دخل ثاني
ماااااااااااااااااااااااااااااااااااااالي شغل <<<<<< سؤال كم مرة كتبت مالي شغل الى الحين؟؟؟
في النهاية رضخت للأمر الواقع
الرجال ما فيه أمل يغير سيارتي

مرت الأيام بحلوها ومرها
وجاءت مصيبة جديدة
زواج بنت عمه الثانية
جيته وأنا أصيح
الرجال فز مرتاع
وش فيك
قلت
زواج بنت عمك
قال
وش فيه ما عندك فستان؟ روحي اشتري
قلت إلا عندي شريت قبل يومين
قال
طيب؟
قلت سيارتي شافوها في زواج بنت عمك قبل ثلاث شهووور تهيء تهيء تهيء
قال والمطلوب؟
قلت غيرها
مااااااااااااااااااااااااابي
وش بيقولون عني
قروية؟
متخلفة؟
حضرت العرس بنفس السيارة القديمة
لااااااااااااااااااااااا
لااااااااااااااااااااااااااا
لاااااااااااااااااااااااااااااااااااااااااااا

أخر شي حضرت العرس بعد ما أقنعني زوجي وسويت رشة لسيارتي لونها بنك وحطيت اضاءة كذا حركة تولع وتطفى وغيرت كفراتها وكتبت عبارة ورا يقال لي أن زوجي مسويها لي

كتبت
” تستاهلين يا عمري أغلى سيارة”