عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا يا عسولات كيفكم
عساكم بخير و بأحسن حال
المهم أنا عندي مشكلة 😆 🙂
زوجي يخاف من الطيران بس هذي الصيفية راح أخربها على راسه و أخليه يسفرني أنا و ولدي 😐
هو قالي بأوديكي مصر
أنا ماأبغى مصر مو ناقصه حر و كتمه و رطوبة
نفسي أروح تركيا و أشوف مناظر و مناطق خضراء و منها نركب القطار ونلف في الدول الأوروبية بما إننا راح ندفع فيزا راح ندفع و ما نسكن في فنادق خمس نجوم لأ نسكن في موتيل و إذا شفنا فلوسنا خلصت رجعنا لتركيا و ركبنا أقرب طيارة و على جدة حتى في تركيا نسكن في موتيل و بيوت في القرى عشان الطبيعة
أنا رحت تركيا خمس مرات و كانت تجنن مناظرها و مرة من المرات رحنا سكنا مع وحدة عجوز في الريف و كان أبوي مستأجر سيارة و نروح من الريف لتركيا حتى كانت كل صباح تسوي لنا الفطور و ايش الفطور رهييييييب حليب بقرة طازة من منبعها 😛 بس كان ختامها مسك عشان بيوتهم ما فيها مكيفات كنا فاتحين الشباك و عمتنا البقرة الكريمة جات وقفت طول الليل عند شباكنا لأننا كنا نايمين في الدور الأرضي و ما صحيت أنا و أخوي إلا و إحننا في كل مكان في أجسامنا مقرصين من الناموس 😆 hy: بس كانت رهيبة الرحلة خصوصاً إن والدي يعرف اسطنبول و المناطق اللي حوليها شبر شبر لأنه يروح كل ثلاث أسابيع على مدى سنيييييين لأنه كان تاجر ملابس بالجملة
عشان كذا أبغى أرجع ذكريات الطفولة 😡
إنتوا ايش رأيكم
مصر
ولا
تركيا و إيطاليا
؟؟؟؟؟؟؟
🙁
