أنا وزوجي واهل زوجي

السلام عليكم ورحمة الله وبركاته
الحمد لله والصلاه والسلام على رسول الله ….
مشكلتي في سطور
أنا متزوجة من سنه وشهر وعندي ولد لله الحمد عمره ثلاث شهور حملت في بداية زوجي على طول وغير موظفه متخرجه وانتظر من الله الرازق الوظيفة ساكنة فوق أهل زوجي لشقة صغيرة مره زوجي يوديني مشكلتي مع زوجي وأهله أنا دايم انزل لاهله شبه يومي ولدي يجلس عندهم باليوم تقريبا سبع ساعات وهو عندهم وياويلي من زوجي لو ما انزله لهم اذا شافني اشتغل في البيت من طبخ او تنظيف او غيره آخذ طفلي على طول ونزله لهم هذا من غير نزولي انا عندهم واهلي ماجيهم إلا مره بالاسبوع وقال كثيرة المفروض مره كل اسبوعين مع ان اهلي قريبين مره مسافه ثلاث دقايق بس بصراحه انا السبب في كل شي انا متعودة ومتربية على الضعف والنكسار لكن ماني عارفه كيف أقوي من شخصيتي انا درجه من العلم ومعي شهادات ولله الحمد وكل شي زين آخذته من اهلي وزوجي غيري تماما لم يكمل تعليمه وفوق هذا كله مايصلي انصحه دايم لعل الله يهديه وام زوجي تطالبني اني انزل تحت واسوي الطبخ لهم وتقول المفروض لك غرفة بالبيت مو شقة كامله وهي مو بحاجه لشغل عندها خمس بنات وشغاله وانا اللي في بيتي منهد حيلي من الشغل اجل كيف اخدم بيتين وزوجي اليوم قال المفروض انك تكشفين وجهك قدام اخواني وللعلم زوجي اهملني في فترة النفاس ريال خبز ماجابه لي ولا حتى علبة العصير كنت عند أهلي وهم اللي قامو فيني ولا جاب لي هدايا ولا شي بمناسبة الولادة مع انه اول مولود له
واحيانا اجيب خواتي عندي بالبيت وأم زوجي تقول ذالك اليوم انتي وش فيكِ اذا جاك احد ما تقولين لي لازم تقولين لي واذا تبين تروحين لأهلك قولي لي وإذا رحتي السوق تعالي وريني أغراضكِ تعبببببببببببببت
ودي بدكتور نفسي يعالجني منهم بس مافي بمدينتي عيادة نفسية أدايم أطبخ لهم وأنزل ولا يجيبون لي صحوني وش العمل وش السواه ودي اجلس مع عمري اذا فضيت من شغل البيت اللي قاهرني علشان ارقي نفسي واقرا قرآن واستمتع بالتلفاز لكن زوجي من يشوفني فاضية يقول انزلي لاهلي احيانا يكون عندي شغل في المطبخ يجبرني اخلي صحوني في حوسه وانزل لهم حسبي الله ونعم الوكيل
ومليت من شغل البيت فاتحته بالشغالة قال لي انسي الشغاله ….
المعذره على الكلام المقطع 🙁