أنا وبنت خالتي .. صديقة الطفولة !!

مشكلتي .. غريبة .. أتعبتــني أهلكتني .. أرهقتني ..
أرجوكم أعتبروني أعز أخواتكم وفهموني الحالة اللي أنا فيها ,,
ووجهوني ..
😎
قصتي تبدأ من يومي صغيرة ..
كنت بريييئة .. طيبة لدرجة مو طبيعية .. حنووووونة .. محبوبة من قبل الجميع ..
خالتي دايما تاخذني بيتها وتخليني أصفف معاها غرفتها وأرتب بيتها بحكم أن ما عندها شغالة ..
كنت أسوي اللي تقوله لي .. وأرتب ونفسي طااااهرة .. حتى تخليني أسوي أشغال زوجها وملابسه .. واشياءهم كلها .. ولما يكون عندها عزيمة .. تناديني وأفرح اساعدها ..
حتى لما تكون في ضيقة .. أصلح لها فستانها وأشياء كثيرة والله ..

يعني تثق فيني واجد ومبين ترتااااااح لي .. وعيالها تحطهم عندي .. واعتني فيهم من كل قلبي ..
هذا وعمري 9 سنوات إلى 14سنة وانا على هالحال .. ولا أذكر بيوم أشتكيت أو حسيت أني متضايقة ..
وكان لي بنت خالة .. في نفس عمري .. أهلي دخلوني انا وياها بمدرسة وحدة .. بحكم أن أمي تبيني أتأقلم مع المدرسة بسرعة .. وكانت بنت خالتي متسيييطرة .. وتتهاوش مع البناات .. ودايم تزاعلني .. على اسباب تافهة وأرجع للبيت وأجلس أصيييييييييييح .. على زعلها ولا ترضى الا بعد فترررررة .. وتتحكم فيني وتتأمر بدون ما أحس .. يعني مثلاً ..
خلينا نزاعل فلانة بنت خالتنا .. شفتي عمة كذا وش سوت ؟ حمارة وقليلة أدب ووو ..
وأنا كنت مستغربة.. وأسمع لكلامها .. وشوي شوي بديت أتقبله …
لكنها ما أثرت على سلوكي وطيبتي في الابتدائية كلها .. وفي المتوسط .. كانت خالتي تاخذني أنا وهذه( بنت خالتي )وننام عندها .. وتقول لي ..حور ! ما تشوفينها تتأمر علينا وتقول نظفوا ومدري أيش؟؟؟
قلت ميخالف نساعدها .. قالت لا .. وش نسساعد بروح بيتنا .. ومن هالكلام
ولما كانت خالتي تسوي الفطور أو العشاء وناكل نواشف تقول لي بنت خالتي ..
خاست بطونا من هالنواشف أنا باستفرغ ومدري كيف ..
ووالله كانت كلماتها غريبة علي .. وكلامها قوي .. لما سمعتنا خالتي ..
وزعلت .. وصارت ما تنادينا نشتغل معاها .. ولا تقول لنا ولا أمر .. ولا تطلب ولا خدمة ..
حـز بخاطري ..
وقالت بنت خالتي .. لا يهمممك أحنا أفتكينا منها ومدري أيش !!

المهم في المتوسط .. صار لساني زي بنت خالتي تقريباً .. 😛
لكن قلبي طاهر .. بس الناس وش دراهم ؟
يحسبوني متغيرة .. والله حتى أمي .. تقول لي أنتي قلبك أسود .. أقول لها لا يا ماما
والله مو أسود .. أحب الناس كلهم ..و اللي يآذيني اسامحه ..
لكن هذا لسساني أحاول أعدل واغير فيه .. ماااقدرت .. 😀
كبرت .. رحت الثانوي ..
وصار هنا تنافس بالدراسة ..
لأني أول ترم .. جبت نسسبة مرررررة عااااالية ( بالصدفة ) يعني ذاكرت بس ما توقعت هذي النتيجة؟
ما شاء الله تبارك الله ..
فصصارت .. تسوي اللي اسويه .. وتتابع اللي أكتب .. ولما أحل واجب تسسرع وتحله
وتقول وش حليتي ؟ وش سويتي أمس ؟
ذاكرتي كذا ؟ لالا .. أبي منك كذا ..
وأنا أسرع منها في كتابة الملخص .. فصارت تنهبل ولا تطلع بالفسسحة ..
وتكتب .. وبنفس الوقت تتابعني .. وتزعل لما أحل واجب أو أفتح شئ..
والله أحياناً يكون علينا أختبار ولا راجعت .. ولما أفتح الملف في الفصل .. تقرأ معي ولا أقدر أركز
مع أنها راجعته قبل..( على كلامها ) ..
ولما كان بخاطري ..أدخل في الجامعة قسم انجليزي قالت هي أنها بتدخل مثلي
رحت بعد فترة وقلت ماراح أدخل انجليزي ( بسبب أني ما أبي تكون وياي أو أدخله بس بجامعة غير اللي هي فيها) .. قالت لي أجل وش بتدخلين .. قلت ما ادري ..
وعلى هالحال .. أنا دايم مادري وش بالجامعة …
<<< تعبت نفسياً منها الله يهديها

اللحين .. أنا ..في آخر ترم في ثالث ثانوي
ولله الحمد والمنة ..طبعاً هي بنفس الفصل حقي …!
ما أقــــــــــــدر أشوفها قبالي .. مـــــــــــا أتقبلـــــــها
ما أتقبـــــــــل سواليفها .. ما أجلـــــــــس وياها
لما أشوفها جاية .. تجيني كتمــــة .. والله هي طيبة ومحترمة وعلى نياتها
وأنا ما أكرهها ..أبد اللي فيني مو كـره ..
بس تجيني كتمة وكآبة لما أشوفها في نفس المكان اللي أنا متواجدة فيه
.. لما تناظرني .. لما تمشي معاي في الفسحة .. أحس أني مخنوووووووووووووقة ..
وهي شكلها حست بهالشئ ..
مع أنه غصب مني يا بنات .. 😆 idea:

اليوم أختي علمتني أنها عزمت كل بنات خالاتي .. ويوم دريت أنها عزمتها بعد ..
والله خنقتني العبرة .. ما أقـــــدر .. ما أعرف السبب

اضافة .. أني تغيرت جذرياً .. بأسلوبي وهدوئي وابتسامتي
واعصابي الباردة ..

تغيييييييرت ..
صرت عصبية واصيح بسسرعة .. أرد على أي أحد يضايقني ..
تغيـرت ,, 😛