عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباح الخير يافراشات..أول شي شكرا لأنكم دخلتو موضوعي الله
يفرجها عليكم يارب
بنات أنا ماني عارفة أيش أقول…. ❗
أبغى أفضفض لكم وأنا عارفة أنكم رح تساعدوني وماتقصرون….
أنا قصتي أنو عندي أمي الله يحفظها خجوووولة جدا جدا وكلامها رسمي معايا
وأنا لما تجيني الدورة ما أهتم لنفسي ولاا أعرف كيف أصلا….أساسا ماعرفت
أن البنت لازم تهتم الا من خلال النت ومواضيع البنات…وقريت كيف مشاكل البنات اللي
كانو مهملين أنفسهم زي حالاتي…<<<<والله مو أهمال بس جهل مافي أحد يعلمني 😆
ودحين صرت أحس بانتفاخ وغازات في الرحم وأحيانا أحس بآلام…وأزيدكم من الشعر بيت
الدورة قل عدد أيامها صار تقريبا 4 أيام بعد ماكانت أسبوع..يعني بأختصار الدنيا خربانة.
وقلت ماليا غير الفراشات ينصحوني:(
اللي أبغاه منكم حبيباتي….أنكم تنصحوني كيف أهتم بنفسي وقت الدورة…وأيش آكل
وأيش أشرب وأبعد عن أيش.. وأي شي يجي على بالك قوليه.
بليز أستنى مساعدتكم أنا كمان على وجه زواج ما أبغى أتزوج وأنا حالتي صعبة 👿
أستناكم.
