عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم ..
كيفكم أخواتي ..
أن شاء الله بخير ..
بنات بتكلم على طول لآني ماعرف للمقدمآآآت .. أعذروني
أنا فتاه عمري 23 سنه مخلصه دراسه .. بس باقيلي تطبيق ..
يتيمة الأب أمي مطلقه من قبل وفاة أبووي الله يرحمه ..
عشت عند واحد من أخواني أنا وأخواتي بعد وفاة أبوي .. وحطنا بشقه قدام شقته بالضبط .. كنا أربعه بنات وواحد من أخواني .. كانت حياتنا بسيطه وراضين فيها رغم الإهانه والكلام اللي يجي يمين ويسار من أخوي الكبير ,, لآنه يكره أمي ويخلق المشاكل معها رغم أنها طيبه معاه .. طبعاً هوا من أم وإحنا من أم .. فكانت الإهانه والمذله أنه يسب أمي قدامنا وإذا دافعنا نشوووف العين الحمراء .. يعني مانطلع من تحت يده لحد مايرسم لنا خرااايط بأجسامنا …
فاصل من حياتي
(( بنات أنا شلت الحمل من كان عمري 17 سنه ..
بداية أول ماتطلقت أمي كرهتها مدري ليه ماكنت حتى اني ابغى اسمع صوتها .. لان وقت ماتطلقت تركت أخواتي وهما كانت أعمارهم شهرين توأم وراحت ..
وبعد سنه جدي جاني وفهمني الوضع وأنو حرام تسوين كيذا هذي أمك ..
رحت مع جدي لأمي وراضيتها وأخذت أخواتي معااي وشافتهم وسلمت عليهم .. وكانت هذي اول مقابله نشوف أمي فيها بعد طلاقها … ))
المهم .. مرت السنين ربيت أخواتي والحمد لله أحسن تربيه .. وكل الناس اللي حولنا يشهدون بحسن التربيه ولله الحمد ..
أما قبل شهور .. فقدددددددت أغلى وأحب إنسااانه على قلبي توأم روحي أختي اللي أصغر مني .. عمرها 20 سنه ..
مرضضت بسخونه وفجأه دخلت غيبوبه وتوفت ..
ومن ماتت صغرررررررت الدنيا بعيني كرهت كل شئ بالدنيا
جلست أيام بين الوعي واللاوعي …ماعاد في شئ بالدنيا يهمني وصرت أحس سعادتي وقفت ..
وقفت عن تكملة دراستي .. ورحت لأمي في مكه .. أمي كانت أصبر مني .. مرت الاسابيع ورجعت أختبرت ولا كنت أبغى أشوف وحده من صحباتي .. أدخل اختبر وأطلع ..
انعزال تام عن الناس .. نجحت الحمدلله .. وكل أهلي أنصدموا بمعدلي .. جبت معدل فوق المتوقع ..
و أختي اللي كنا بتحدي أنا وياها من يجيب معدل أعلى ونسوي حفلة نجاح سوا ونفرح ومتفقين بالحفله نسويها باستراحه ونجمع كل بنات أخواني ….
ماتت أختي ..
وماتت مشاعري ..
وماتت أحاسيسي ..
وماتت أحلامي ..
ومات كل شئ حولي ..
إلى ألحين وأنا كل ماأتذكرها .. تجيني حالة أنعزال عن أهلي وبنات أخواني أجلس لوحدي وأبكي ..
اللي مصبرني بالشهور اللي راحت إنسانه عزيزه على قلبي هينا بالمنتدى وقفت معاي
وقفه والله وأشهد أنه الأخت ماتوقف زيها ..
كانت وقت ضيقتي معاي .. حتى لو برساله منها أحس أني بخير لمن أحس بوجودها حولي .. طيبه حنونه قلب أبيض .. الله يستر عليها ويوفقها دنيا وآخره ..
كل نصيحه منها كنت اسويها لوجه الله وارتاح حتى لو دعوه بسيطه ..
بنات كل وحده هينا طبعاً اللي مو متزوجات حلمنا شئ أسمه زواج .. صحح ؟؟ 😡
أنا حلمي أني أتزوج وأجيب عيال ..
وأقوم بواجب زوجي وعيالي على أكمل وجه ..
بتقولون هذي بمأساة وتفكر بزواج .. ❗
رجيتكم لا أحد يقول كيذا …!!
وأنا …
أنا عندي مشكله يا بنات ..
أخوي الكبير كل ماأنخطب يوقف بطريقي .. ويصرف الآدمي اللي تقدم .. من قبل وفاة أختي وهوا كيذا معنا ..
ماأدري ليش ..؟
قبل وفاة أختي طلبني واحد ورفضه رغم أنه مدرس ومعروف بطيبة قلبه وأخلاقه .. لكن السبب أخوي يقول ماندري كيف أخلاقه يمكن يتغير بعد الزواج طيب أنا أستخرت وحسيت نفسي مرتاحه ..
والمره الثانيه قبل أسابيع أنخطبت لواحد من أهل مكه تعرف على أخوي في ديرتنا لآنو كان عنده دوره هناك .. يعني بالصيف .. طبعا أخوي هذا أصغر من أخوي الكبير وطيب وقلبه حنون وهو اللي حالياً شايلنا ..
قلي الموضوع وقلي أستخيري وشوفي الآدمي سألت عنه وطلع طيب وأهله ناس طيبين وأخلاقهم عاليه على حسب كلام أخوي يعني مواضب على صلاتو ومايدخن ولا أحد عابهم من الجيران .. يقول اخوي كل مايذكرونه يذكرون الله في الشاب وفي أخلاقه ….
أستخرت مره ومرتين وثلاثه .. وأنا حاسه براحه ..
وافقت وعطيت الموافقه أخوي ويوم عطيته
طبعا لسا أنا ماشفته نظره شرعيه ..
وتكلم أخوي مع أخواني كلهم بنفس الموضوع .. قام عارض أخوي الكبير .. مانعرفه ولا ندري هوا من فين ولا مين ..؟
رجعت لي نفس المأساه وقال لأخوي الأصغر لو أنت ماقلت للآدمي .. أنا بقوله مالك نصيب عندنا ..
وصار ت مشاكل وقفت عند أخواني علشان أسكتهم وقلت خلاااااااااااااص الآدمي ما أبيه …
كلمو الآدمي و ردوهـ وأنا قلبي يعورني ..
كرهنننني في شئ اسمه زواج …
مو كفايه همومي ..
والمعامله اللي بلاقيها من أخوي ..
قبل أمس جاني أخوي الكبير .. وقلي في واحد طلبك .. المشكله الآدمي من القصيم يعني بعيييييييييد عن أخواتي .. أنا قلت أخواتي .. لآن أخواتي ماأدري وين بيعيشون لو تزوجت ..
ماأبيهم يذوقون المر مع محمد ..
كفايه أنا المر اللي ذقته .. والمرحومه الله يرحمها ..
يا بنات …
الآدمي اللي تقدم عمره 46 بس أنو عمره ماتزوج .. يقول كان خاطب وحده وماتت ومن ماتت ماعاد فكر يتزوج إلى ألحين …
بصراحه ماادري وش أقول .. ؟
إلانسان كبير ومعروووف بس وربي أنا ماأبغى واحد كبير بفلوسه أبغى أنسان قريب من عمري يفهمني وافهمه مو مشكله اكبر مني حتى لو بعشر سنين بس واحد مره كبير .. مدري وش أقول ..؟
أمي رافضه ,,,
وأخواني الأغلب رااافضض لأنه كبير ..
أنا رافضه بسسس خايفه خايفه لا يجبرني أخوي لآنه على قولته صديق عمره ..
قلت بجرب وأستخير أمس أستخرت وماحسيت بشئ ..
؟؟؟
دعواتكم يابنات
………………………………………….. ……………….
لا اله إلا الله الحليم الكريم
لا اله إلا الله العلى العظيم
لا اله إلا الله رب السماوات السبع و رب العرش العظيم
اللهم إني أسألك زيادة في الدين
وبركة في العمر وصحة في الجسد وسعة في الرزق وتوبة قبل الموت وشهادة عند الموت ومغفرة بعد الموت وعفوا عند الحساب وأمانا من العذاب ونصيبا من الجنة
اللهم أرزقنا النظر إلى وجهك الكريم
اللهم ارحم موتانا وموتى المسلمين واشفي مرضانا ومرضى المسلمين
اللهم اغفر للمسلمين والمسلمات والمؤمنين والمؤمنات الأحياء منهم والأموات
اللهم أرزقني قبل الموت توبة وعند الموت شهادة وبعد الموت جنة
اللهم أرزقني حسن الخاتمة
اللهم أرزقني الموت وأنا ساجده لك يا ارحم الراحمين
اللهم ثبتني عند سؤال الملكين
اللهم أجعل قبري روضة من رياض الجنة ولا تجعله حفرة من حفر النار
اللهم أني اعوذ بك من فتن الدنيا
اللهم اني اعوذ بك من فتن الدنيا
اللهم اني اعوذ بك من فتن الدنيا
اللهم قوي ايماننا ووحد كلمتنا وانصرنا على اعدائك اعداء الدين
اللهم ارحم والدي وأخواتي واغفر لهما وتجاوز عن سيئاتهما وأدخلهم فسيح جناتك
وألحقنا بهم يا رب العالمين
وبارك اللهم على رسولنا ونبينا محمد صلى الله عليه وآله وصحبه وسلم
آسفه على الإطالة …
ولاتنسوني من دعواتكم بظهر الغيب ..
أختكم /
مناتي الجنان
